راجع نفسك .................خليها لله

[شارك صح]

الخاطرة الأولى

(راجع نفسك .................خليها لله)

كاشف المستور ولا ساتر المكشوف؟

اسمع كلامي وافهم ما بين السطور وصحصح

دي مذكراتي تاريخ حياتي انا اسمي شارك والأب صح

وقبل قولي لربي حامد واديا مادد بدعائي أنجح

أهدي صلاتي مع سلامي على محمد و أهل بيته وقلبي يفرح

وأما بعد ..

نكمل الرحلات ولسه احنا في أولها

ومعايا منتديات هصلحها بإذن الله وناولها

وناوي النية من قلبي يكون هدفي أزيل ليلها

ويطلع صبحها يشقشق بمنهج ربها تفرق

ما بين الحق والباطل ولو تفضل كما هي

يا ألف خسارة يا ويلها

******

شارك صح : (يقول للمنتديات) في حد هناك اهو قاعد ورا الشاشة يسجل لك .. تعالي نشوفه ايه هدفه ؟ ويمكن نلقى ف كلامه سبب اللي بيحصلك

المنتديات : تعالى نسأله يمكن يريح قلبي ويطمني ونلقى عنده خيط من نور

شارك صح : (يقرب من العضو) سلام الله يا صحبي عليك والرحمة والبركات

كاشف المستور : سلام نعم في ايه .. ايوها خدمات ؟

شارك صح : نحب نمسي نتعرف .. وبيك يا صحبي نتشرف .

كاشف المستور : نتعرف ؟ صحبك ؟ وتطلع مين يا عم انت ؟ مهيس ؟ ولا بتهرتل ؟

شارك صح : شارك هو دا اسمي وابويا صح هو اسمه ..

كاشف المستور : ومين دي ؟ (يقصد المنتديات)

المنتديات : أنا دنيا وفيها حضرتك عايش ومتظبط على الآخر ..

شارك صح : متخلص وقول اسمك من الآخر ..

كاشف المستور : هقول اسمي .... المستغطي بكشفه .. والمستخبي بعرفه .. غاوي ادعبس .. والاكتشاف للفضايح لعبتي عرفتها كويس .. يعني الفضيحة لو في الضلام برمي عليها النور .. وعشان كدا سموني .. كاشف المستور

شارك صح : يا لطيف اللطف يا رب ..ماشي يا كاشف ممكن تقول وتعرفنا ايه هدفك ؟ ايه نيتك من قعدتك قصاد نتك ؟

كاشف المستور : ما انا قولتك .. يييييييييييه هتطير الاصطباحة ..

المنتديات : لا لا ولا تزعل .. بس قولي لغاية امتى هتخلي دنيتي لنيتك ساحة؟

شارك صح : يا كاشف هتسمعني ؟ وأنا بوعد يكون قولي بسيط وبالراحة .

(تظهر شخصية تهمس في أذن كاشف)

شوشو الأنتيم : يا كاشف كبر الجي وروق الدي وسيبك من الناس دهي .

شارك صح : يا كاشف ربك الستير بيسترنا ولو نغلط

شوشو الأنتيم : يا كاشف ارمي جوه البير كلامه .. تعالى نخش على المستور ونبلبط.

شارك صح : وقولي غلطت كام غلطة وما فضحك .. ؟

شوشو الأنتيم : يا كاشف اوعى تسمعله دا هيغمك .. اقولك نكته؟ تيجيي نضحك؟

شارك صح : يا كاشف انت ليه سارح وليه مش راضي تسمعني؟

كاشف المستور : (يضحك) معاك معلش بصراحة انتيمي محذرني أسمعلك فتخدعني

المنتديات : انتيمك؟ وايه اسمه ؟

كاشف المستور: شوشو انتيمي صحبي اللي دايماً مظبطني

شارك والمنتديات: شوشو؟

كاشف المستور : ايوه شوشو اللي بكلمة يرحني وبكلمة يلخبطني

شوشو الانتيم : بس يا عم على اسمي متقولوش ويلا بسرعة في فضيحة على منتدى الفنكوش

كاشف المستور : فين فين ؟ وديني بسرعة .. أنا همشي وفايتكم ..

شوشو الانتيم : يلا اكتب .. دبليو دبليو دبليو فنكوشي ودوت كوم

شارك صح : يعني النية في فضيحة نزود كشفها بايدنا؟ وهل دا يرضي رب الناس ؟ وهل دا يرضي رسول الله ؟ وهل دا يعلي في بلدنا ؟

كاشف المستور : انت بتقول ايه؟

شوشو الانتيم : آه يا ابن الايه .. هتأثر عليه ..

شارك صح : وداخل ليه تدور ليه على فضيحة .. وايه هتشوف ؟ مصايب ناس؟ جرايم ناس ؟ ودنيا كلها قبيحة؟

كاشف المستور : هو فضول مش اكتر ..

شوشو الانتيم : يا لهويييييييي يا خبتييييييييي .. الواد دا بينه متأثر .

شارك صح : اللي يراقب الناس يا كاشف بيتغم .. والأهم .. فضولك ف دينك فضولك في علم يفيدك .. سيبك من شوشو انتيمك دا شر بيجري ف وريدك ..

كاشف المستور : خلاص م اليوم دا مفيش نت ولا منتديات .

المنتديات : ليه يا صحبي ؟ دا انا فيا العلوم والدين والعِبرات

كاشف المستور : وشوشو دا هيسبني في حالي ..

شوشو الأنتيم : يا عبيط ضحكوا عليك .. وأنا مالي.

شارك صح : شوشو ديته آية الكرسي .. قوم اتوضا صلي جدد النية على شط الأمان ارسي..

شوشو الانتيم : رايح فين ؟

كاشف المستور : (يبدأ في قراءة آية الكرسي) أعوذ بالله من الشيطان الرجيم "الله لا إله إلا هو الحي القيوم لا تأخذه سنة و لا نوم له ما في السمو'ت و ما في الأرض من ذا الذي يشفع عنده إلا بإذنه يعلم ما بين أيديهم و ما خلفهم و لا يحيطون بشيء من علمه إلا بما شاء و سع كرسيه السماوات و الأرض و لا يئوده حفظهما و هو العلي العظيم"

شوشوالأنتيم : آآآآآآآآآآآه .. كده يا صحبي تحرقني وتخزيني ؟

شارك صح : تمام يا ساتر المكشوف .. وقوم صلي وقول يا ربي اهديني.

ساتر المكشوف : خلاص يا شارك يا ابن عم صح .. أوعدك وأوعد المنتديات إني مش هدور غير على كل صح.. واشارك م اليوم دا صح.

شارك صح : قول ورايا ...

ساتر المكشوف : ورايا ..

شارك صح : لا لا ... ردد ورايا اللي هقوله .. مش راح أروشن ولا راح أهيس أنا م اليوم دا هبقى كويس

ساتر : مش راح اروشن ولا راح أهيس أنا م اليوم دا هبقى كويس (يكررها)

المنتديات : ياااااااااه .. ربنا يفتح عليك جددت نيته وهدفه وخزيت انتيمه اللئيم

شارك صح : أعوذ بالله من الشيطان الرجيم ..يلا بينا نكمل بين الكواكب وسط الظلام والنور

المنتديات : يلا بينا نركب تاني السفينة اكسبلور ...

شارك صح.. إن ضياع النية يؤدى إلى ضياع الهدف وبالتالي يكون المرء عرضة لمخاطر الوقوع فى المعصيات ..

راجع نيتك سجلها في قلبك وأشهد الله عز وجل عليها

قبل أن تضغط على أيقونة التسجيل

سل نفسك دائماً .. لماذا أنا هنا ؟

********

وفي الصفحات القادمة من مذكراتي

ستجدون خلاصة رحلاتي

مع المنتديات العربية

على متن السفينة

اكسبلور

[طيف عابر]

بالفعل من اكثر المواضيع افادة
دعوة صادقة لمراجعة النفس قبل ان تتوه وتغرق في غياهب النت
و
تهم كل من يرتاد النت

والله يبعدنا عن شوشو واصحابه يا رب

رائع بالفعل

اتمنى المتابعة واكيد نحنا معكم متابعين

هدفكم نبيل ومميز
وفقكم الله

إن ضياع النية يؤدى إلى ضياع الهدف وبالتالي يكون المرء عرضة لمخاطر الوقوع فى المعصيات ..

راجع نيتك سجلها في قلبك وأشهد الله عز وجل عليها


قبل أن تضغط على أيقونة التسجيل


سل نفسك دائماً .. لماذا أنا هنا ؟

[jewel_lowis]

فكرتك عجبانى جدا
اتمنى لك الاستمرار والافاده للجميع
شكرا لك

[شارك صح]

بالفعل من اكثر المواضيع افادة
دعوة صادقة لمراجعة النفس قبل ان تتوه وتغرق في غياهب النت
و
تهم كل من يرتاد النت

والله يبعدنا عن شوشو واصحابه يا رب

رائع بالفعل

اتمنى المتابعة واكيد نحنا معكم متابعين

هدفكم نبيل ومميز
وفقكم الله

الأروع مرورك وردك أختي سما

وإن شاء الله تجدي معنا كل جديد

ونتمنى انضمامك لنا

في

شارك صح

نورتي

[شارك صح]

فكرتك عجبانى جدا
اتمنى لك الاستمرار والافاده للجميع
شكرا لك

نتمنى ذلك من الله

تسلمي على المرور الكريم والرد

انتظري معنا كل جديد

[ThE LoSt]

هاقول ايه
والله مش عارف
كلام بالفايده ماليه
وغير الخير فيك مش شايف
ربنا ما يحرمنا
من نصايحك
وبيك يعلمنا
الخير كله
ربنا رزقنا ب شارك
ومعاه ماشيين
ياخدنا من الضلام الحالك
واكيد بكده كلنا عارفين

بجد اكثر من رائع واكثر من متالق
وربنا يبارك فيك
وما يحرمنا من كلامك ونصايحج بجد
the lost

[بحر الحنان]

موضوع في غاية الروعة والجمال
يستحق فعلا التميز لك كل التقدير

[salama10]

موضوع رائع وفكرة هايله

اتمنى من الله ان يسدد خطاك

ومتابع معاك ان شاء الله

بجد والله الفكرة روووووووووووووووووعة

دمت بخير