بنت الباشا الظابط بتبلطج بعصا كهربائية ممنوعة قانونا صور مع الواقعه

[pop pop]

بنت الباشا الظابط بتبلطج بعصا كهربائية ممنوعة قانونا

لوحت بالعصا الكهربائية في وجهه
وقالت له :كلام شوارع
لو دكر وراضع من...أمك خليك واقف
وهددته بإصابته بالشلل بواسطة العصا الكهربائية
وإتصلت بأبوها تقول له إبعتلي ظابط في شارع فيصل دلوقت
إبنة ضابط شرطة برتبة عميد في مديرية أمن الجيزة تستخدم عصا كهربائية ممنوعة ومجرمة قانونا في خناقة في الشارع بعد أن صدمت سيارة مواطن بسيارتها من الخلف وتستخدم ألفاظ غاية في البذاءة لا أستطيع أنا شخصيا بكل بذاءتي أن أتفوه بها
طبعا تربية أبوها
بس يا ترى دربها كمان على العصا الكهربائية لترويع المواطنين كما يستخدمها هو شخصيا في تعذيبهم
سمعنا وشفنا كتير ظباط شرطة بيخلوا عربيات الشرطة بتاعة البلد والشعب تشتغل موصلاتي خصوصي لولادهم وبناتهم وزوجاتهم وهم رايحين المدرسة أو الجامعة أو يعملوا شوبنج
لكن دي أول مرة نشوف بعينينا أبناء هؤلاء السفلة الفاسدين وهم يستخدمون نفس أدوات إرهاب ذويهم إلى جانب النفوذ لأنه يبدو أن النفوذ لا يكفيهم ويجب التعامل مع المواطنين كما يتعامل آباؤهم
ها يا منى يا ناصرجية يا مناضلة
لسه ها تسمعي كلام الأمن وتخافي على برنامجك أحسن أحمد بهجت يوقفهولك
ها يا معتز
لسه بتتلقى الأوامر بالتليفون من أمن الدولة وتعيط علشان بيتدخلوا في برنامجك بس برضه خايف يتقطع عيشك
ها يا إبراهيم يا عيسى
لسه بتعند مع المدونين علشان بينتقدوا سياستك في إدارة الجرنال
لسه ها تنفذوا تنبيهات الأمن بعدم التعامل مع المدونين ومقاطعتهم
لسه الأنا العليا بتاعتكم بتوجعكم
ومش عاوزين حد يبقى نجم جنبيكم
على راحتكم
لكن ده مش نضال اللي بيجيب مرتبات بعشرات الألوف في مقابل إنكم تتكلموا في حدود المسموح وما تتعدوش الخطوط الحمرا اللي المدونين ياما زقوكم علشان تعدوها لكن انتم رجعتم تاني
اتقوا الله في بلدكم وفي الناس اللي مصدقاكم ووثقت فيكم وبتجيب لبرامجكم إعلانات وتعلي نسبة المشاهدة وتعلي نسبة التوزيع لجرايدكم
هذا هو رقم سيارة هذه المواطنة السافلة

شيفروليه أوبترا سوداء
ملاكي الإسكندرية
180707

مطلوب تحقيق في هذه الواقعة
مطلوب محاكمة هذه البنت
ومحاكمة أبوها

[zezo1]

لاحياة لمن تنادى

[~ man neO ~]

يا بوب اللى ليه ظهر ميضربش على افاه
لحد ايمته لما الناس دى هتفضل ركبانا كده
فى الدول الاوروبيه مفيش الحاجات دى
تقبل مرورى

[بحر الحنان]

على فكرة الكلام ده فديو وانا شوفته بس بجد استغفر الله العظيم
دي اساسا لو مسلمة الاسلام اتبرا منها لانها اطوالت على الله سبحانه وتعالى
لا ماينفعش ابدا يسمعلها والله زوهلت جدا وانا بسمعها وكان نفسي تبقى قدامي ربنا يستر
يسلمووو الايادي يارب تحياتي ليك

[احمد طنطاوي]

عليه العوض ومنه العوض في البلد
بيبيعوا ويشتروا فينا .. حسبي الله ونعم الوكيل .

[pop pop]

حسبى الله ونعم الوكيل

[shely]

نو كومنت

نو كومنت تانى مره

[shely]

اظن اللى كان بيصور مكانش قصده يصور نمره العربيه

على العموم ده تصرفات المفروض متتعملش فى بلد عربى اسلامى

[m.chezoo]

كالعادة والطبيعى فى البلد اللى مفيهاش اى ديمقراطية ولاحريه ولاامان

لان فعلا اللى ليه ضهر عمره مايتهان فى البلد دى ولو طلعوا بتوع البرامج هيطلعوا ليها حق احان اتعودنا اننا نحتج اها نتعدى الناس اللى فوق دى ممنوع والا هتشوف ايام سوده على دماغك

حسبى الله ونعم الوكيل

[طيف عابر]

لا اله الا الله

اولاً تصرفها اكيد مستهجن ويدل على بلطجية طبعاً ولا يدل الكلام او الشكل على منظر بنت ناس
واشك انها عشيقة ضابط وليست ابنته
مهما كان ليس هذا المهم في القضيه

المهم انه فعلا تجاوزات وتصرفات زادت عن حدود المعقول والمقبول
للاسف شيء مخزي فعلالالا
بلادنا ديمقراطيه كتير