ايه اكتر موقف محرج او صعب مريت بيه فى حياتك

[mr_ahmedhamdi]

خلي عندكم شجاعة يا خوافين وكل واحد يقول موقف مر بيه فى حياته محرج او يخوف او يضحك كده يعنى
عاوز اشوف مين الشجاع فيكم

[بحر الحنان]

ومييييين قالك اننا خايفين لالالالا بالعكس ده كده حلوة بنفتكر مواقفنا حتى لو وحشة بس اكيد لحظات حلوة لما نفتكرها المهم المهم
هقولك انا بقا على موقف بس اوعى تضحك
يخص بابا كانو طلبو منه شهادة الجامعة وكان في واحدة من الاول بس ضاعت اخوية كان جي من مصر قولنله طلع مستخرج وهاتها معاك وجه وجابها قام بابا مالقاش غيري ويقولي خدي شيليها اصل بعيد عنك الاخت نسايه اوي اخدتها وشيلتها وماما كانت سافرت لتيته وجه اليوم اللي مطلوبة فيه واني ادور عليها في البيت كله تقولش فصت ملح ودابت قولتله خلاص لما ماما تيجي تشوفها ماما جت يعيني واستقبلناها بانها تدور عالشهادة وهي التانية تدور وتدور يالهوي قعدنا في الحكاية دي شهر وكل يوم بابا يقولي يابنتي افتكري حرام عليكي مفيش فايدة خلااااااص راحت من دماغي ماما جت من ورا بابا وكلمتهم في مصر يطلعو واحدة تانية وداااااب ابن خالتي فيها بابا مايعرفش يقولي طيب تعالي نفتكر اليوم من اوله ونفتكر ونروح ونيجي نفتكر كل حاجة الا هي وخلااااص خلصها وبعتها بريد بابا اتفأجا بس قولنله انها من مصر واحدة تانية قالي خدي شيليها قولت لالا ابعدو عني
وخلصت الحدودة يارب تكون عجبتك بس اوعى تضحك بقولك اهو

[نور نور]

ايه يابنتي وبابا سكت لك ده لو كان بابايا كان ولع فيه هههههههههههههه
لا بس بجد موقف جااااااااااااااامد ومش هضحك

[بحر الحنان]

ههههههههههههههههههههههههه هه
وانتي فاكرة انه ماولعش ده فرقع مني بس تقولي ايه بقى

[hamada81]

انا بقه هحكيلك موقف جامد طحن الموقف ده كان يوم فرحى
انا بقه كنت جايب مطرب ومطربه يغنوا مع الدى جى (كوندينسر)يعنى
وفى وسط الفرح بقه وكله عمال يرقص وراحت المطربه واقعة من فوق المسرح
واللى كانوا بيرقصوا معايا سابونى ولاد ال........ وراحو يقوموها
وده كان من المواقف الطريفه اللى مريت بيها

[mr_ahmedhamdi]

هههههههههههههههههههه
ايه المواقف الجامدة دي انا هاموت من الضحك