حكم بالهيلوغريفي.......... أيوة بالهيلوغريفي

[xXx SHaDY xXx]

الشعب المصرى هو الشعب الوحيد الذى يتكلم لغه فريده وياما نعيش ياما نشوف

لا يتكلمها شعب آخر حتى من الشعوب المجاوره....

طبعا....مش اللغه العربيه.....أومال أيه ياعمو.....؟؟

اللغه الهيروغليفيه.....

أه والله العظيم....خد عندك......

عمركو سمعتو حد بيهدد عياله< بالبعبع >.. ..غير عندنا في مصر

أو أم نازله ضرب ف أبنها وتقول له <....كخ....>

غير عندنا ف مصر.....

طب أيه رأيكو أن الكلام ده أصله هيروغليفى....

كلمه بعبع....أصلها كلمه <....بوبو....> وهو أسم عفريت مصرى قديم..

.كانو قدماء المصريين يستخدموه لتخويف العيال

أما كلمه<....كخه.....> فهى كلمه هيروغليفيه معناها

القذاره..........؟؟؟

حتى العيال عندنا بيتكلما هيرو غليفى......

الواد لما يجوع يقول<.....مم....>وأصلها.....أونم ....

بمعنى ....أكل.. ..ولما يعطش يقول <...أمبو......>

وأصلها....<أمبوا...> يعنى أشرب

والعيل عندنا وهو بيتعلم المشى يقولو له.....تاتا....

خطى العتبه.....تاتا....حبه حبه

وتاتا كلمه هيروغيليغيه ومعناها....<...أمشى....>

وياسلام لما الدنيا تمطر ف الشتا والكل يغنى ويقول

يامطره ...رخى ..رخى..عالا قرعه بنت أختى.. ..

<...رخى.....>أصلها ....رخ....ومعناها...نزل..

وفى الصيف لما نتشوى من الحر..نقول الدنيا

بقت....صهد....وصهد بالهيروغليفى معناها...نار...

ويامحلا الهيروغليفى في أكلنا....فالفول عندما يستوى

نقول عليه ...مدمس...وأصلها...متمس...عند قدماء المصريين ومعناها...

تسويه الفول.....ياخرابى....؟؟

دا الموضوع طلع له جذور تاريخيه.

أما كلمه ....بصاره....فأصلها....بيصورو. ...ومعناها

الفول المطبوخ.......هى...هى بريحتها وتقليتها ولونها

عزيزى القارىء.....بعد هذه الدراسه...

من التاريخ المقارن للغات.....أوعى تخلى واحد يتأرنن عليك

ويقول لك....أنا عندى لغات......قول له....تعرف

هيروغليفى........هيقول لك لاء.....قول له

كخ يا بابا روح أتعلم لغات الأول وبعدين كلمنى

[haboosh]

شكرا على المعلومات المفيدة

[xXx SHaDY xXx]

ميرسي اوووي ياجميل

نورتي

[كابوس الحرامية]

هههههههههههههههههه بيس يا مان برافو عليك علمتنا حاجة للزمن يمكن يجي يوم ويمنعو العربي فنتكلم هيروغليفي

[xXx SHaDY xXx]

هههههههههههههههههههه

ميرسي اوووي ياجميل

نورتي بجد