لو قنوات التلفزيون دخلت في بعضها هتبقي ازاي

**xXx SHaDY xXx** · 27 - 3 - 2009, 02:48 AM

سيداتى ساداتى

اهلا بكم فى اليوم المفتوح

الحقيقه النهارده الارسال اتعطل كتير

واحتمال كبير اوى القنوات تدخل فى بعضها

فا..... خلوا بالكوا

كل واحد يظبطت القنوات كويس جدا جدا

علشان تعرفوا تتفرجوا على فقراتنا النهارده

واولا مع نشرة الاخبار ..

النشره : سيداتى ساداتى نقدم لكم نشرة الاخبار

وفى نشرتنا ........ ...... علبتيييين زابادى وكيلو لبن وخمس خيارات

وتروحى جايبه ....خمس لاعبيييييين فى خط الدهر ..

و3 فى خد النص و 2 فى الهجوم

وبيحكم مباراة النهارده الكابتن جمال الغندور

اللى نزل ارض الملعب وقدامه ..............

عين بوتاجازك وتحطى عليها حلة وتروحى سايباها

................ فى المغاره وبعدين يا عمو

وبعدين يا حبيايبى راح على بابا وسمسمه داخلين وهناك بقى ايه لقو

لقوا .........قوات مجلس الامن وادان بشده ما يحدث فى القدس

كما اعلن الرئيس جورج بوش انه ...... حمار كبير اوى

وراحوا راكبينه وطلعين على الغابه ولقوا هناك ........اللاعيب الكبير

اللاعيب الكبير اوى وماشى بالكوره وهايعدى منه يا خساره اتخدت منه ووصلت

لل..........الفيل الكبير اللى راح ضارب الاشكيف وامنا الغوله

وحطهم جوه ........الكنافه المحشيه بالزيبيب وجوز الهند

وبعد كده تحطي الشربات....... على حسام حسن اللى ماشى بالكوره

وهايشوط ياخساره .............. باظت البصاره انا قلتلك ياستى ما تحطيش

ملح كتير على الاكل عشان ما يعملش ...........

زلازل وبراكين فى جنوب شرق آسيا مما ادى اللى .........هجوم سلاحف النينجا

...........وهدف اكيد يضيع منه ويشوط عصام الحضرى الكوره

ويوصلها ل............ حلة الشوربه وتحطى فيها حتت الخيار والكوسه

بعد ما تسلقيها كويس وتروحى حطالها على ..........

كوسوفا حيث هاجم ميلوسوفيتش رئيس الصرب

المجتمع الدولى ووصف ما يحدث بانه ............

كوسه وقبل ما تسويها لازم تحطيها .............

فى الجووووووووون يا واد يا لاعيب دى ما يحطهاش غير حسام حسن

صاحب الراس الزهبيه اللى بيفكرنا .......... بقرع العسل وتحطيه على بوتاجازك

.............. كابتن ماجد اللى خد بسام وراحوا يلعبوا ........... فى الفرن

لمدة خمس دقايق و32 ثانيه وبعدها تجيبى حله كبيره اوى اوى

وتخطى فيها ... ........ ياسر ريان وبيرقص وبيدخل منطقة الجزاء

وبيضرب ودخل رجال الاسعاف وشالوه فى ........... كنكه

وبعد ما تقدمى الشاى لضيوفك تقوليلهم بابتسامه رقيقه ..........

براااااااه وهادى خشبه يا واد يا لاعيب يخطف الكوره من ..........

ام على وبعد ما تحطى عليها الشربات تروحى مديه لجوزك .......

ببوز الجزمه وزى ما احنا شايفين جماهير الدرجه التالته .......

اتحرقت فى الفرن يا خساره يا خساره لكن ماتزعليش تقدرى تقدميها

لل.........المفوضين العرب فى مباحثات السلام حيث صرح السيد جورج بوش

انه سوف يضطر للمضى قدما فى عملية السلام

وسيعرض مقترحاته على ........ صدره يا واد يا لاعيب

هانى رمزى بيعمل عجايب النهارده رقص خمسه

وشاط الكوره قنبللللللللله ....... فى قلب العالم الاسلامى

الذي ادان كل ما يحدث داخل ........... بيت الاشبااااااح

ههههههه ولما باسم شاف العفريت قام جرى بسرعه وراح داخل

............ مجلس الشعب الذي قرر عقد اولى جلساته ....... فى الزيبالة

يعنى لازم تتخلصى من الزيباله اول باول

وعلشان نجهز الشوربه لازم نسلق ...... القوانين الجديده

وقد تم ضبط احد اعضاء مجلس الشعب ........... وهو بيلعب فى مناخيره

ودا يصح يا عمو .لا يا حبيبى طبعا دى عاده سيئه جدا كان زمان بيعملها

.............الحكم واللاعبيه اللى شرفونا النهارده ........... دى حله كبيره اوى

والى هنا تنتهى نشرة الاخبار ..

**كابوس الحرامية** · 27 - 3 - 2009, 03:00 AM

هههههههههه دوختنا يابني بطل لعب شوية منور الكافيه

**mano** · 27 - 3 - 2009, 08:01 AM

حلوة جدا يا شادى ولكن مكررة للاسف ارجو ان تتقبل مرورى

**ابو تريكه** · 27 - 3 - 2009, 09:48 AM

ههههههههههههههههههههههههه ههههههه

لا انا اول مره اقراها

حلوه يا شادى بيس

**xXx SHaDY xXx** · 27 - 3 - 2009, 06:30 PM

ميرسي اوووووووووي ياجماعه

نورتو بجد

بس انا مش عارف هي مكرره فين بالظبط يامانووووووو

انا كل ما بضيف توبيكــ انت تقولي مكرر

انا مالكــ بتعند فيا ولا ايـــــــــه ؟؟

**حسونة** · 27 - 3 - 2009, 06:32 PM

ايه اللخبطة دى يا شادى

أنا مفهمتش حاجة خالص

ميرسى على التوبيك الهايل ده

**xXx SHaDY xXx** · 27 - 3 - 2009, 06:43 PM

ميرسي اووي ياحسونه

نورتي ياجميل

**mano** · 28 - 3 - 2009, 06:11 AM

المشاركة الأصلية كتبت بواسطة xXx SHaDY xXx

ميرسي اوووووووووي ياجماعه

نورتو بجد

بس انا مش عارف هي مكرره فين بالظبط يامانووووووو

انا كل ما بضيف توبيكــ انت تقولي مكرر

انا مالكــ بتعند فيا ولا ايـــــــــه ؟؟

لا واللهى يا شوشو تعالا وانت تتاكد

https://forum.masrawycafe.net/showthread.php?t=31720

**xXx SHaDY xXx** · 28 - 3 - 2009, 10:59 AM

ميرسي اووووي ليكووو

نورتو

وع العموم حصل خير يامانووووووو

**Barbie** · 28 - 3 - 2009, 06:10 PM

ههههههههههههههههههههههههه هههههههههههههههه
جميل وبصراحه اول مره اقره
تسلم يا شادى

الموضوع: لو قنوات التلفزيون دخلت في بعضها هتبقي ازاي

أدوات الموضوع

لو قنوات التلفزيون دخلت في بعضها هتبقي ازاي

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة