يا ريس يا حبيبنا اوعى تمشى وتسيبنا.....عشان خاطرى افتكرونى فى السجن ولو بعيش وحلاوة

[mano]

كمال الجنزورى راح لبابا حسنى مبارك بعد ما شاله من الوزاره وقاله عايز اعرف يا ريس ليه شلتنى من الوزاره؟
الريس: يا كمال يا حبيبى التغيير سُنة الحياه
كمال: طيب ليه ياريس شيلت وزير المواصلات؟
الريس: يا كمال يا حبيبى التغيير سنه الحياه
كمال: طيب ممكن اسألك سؤال اشمعنى انت الوحيد اللى مش بيتغير يا ريس؟
الريس: يا كمال يا حبيبى تغيركم انتم سنه
لكن انا وجودى فرض
.................................................. ............................................
الريس: بيسأل احمد نظيف هسألك سؤال وتجاوبنى بصراحه بدون مجامله او نفاق
احمد نظيف: تحت امرك يا ريس
الريس: قولى بقى انا الافضل ولا عبد الناصر؟
نظيف: انت طبعا ياريس جمال مين اللى كان بيخاف من الامريكان
الريس: طيب انا الافضل ولا السادات؟
نظيف: انت طبعا ياريس سادات مين اللى كان بيخاف من الامريكان
الريس: طيب بالنسبه للعدل.... انا ولا سيدنا عمر بن الخطاب
نظيف: انت طبعا ياريس عمر بن الخطاب كان بيخاف من ربنا لكن انت لأ
.................................................. .................
الريس كان فى سرير المرض حينما أخذ يلقى بوصاياه الأخيرة لرئيس الوزراء احمد نظيف
وصيتك الحكم من بعدى يا نظيف
فى رقبتى يا ريس .. كله تمام والسلطة هياخدها جمال ..
ثم راح فى غيبوبة .. أفاق منها بعد قليل
وصيتك الشعب من بعدى يا نظيف
ما تخافش يا ريس .. الشعب ياكل الزلط ...
ثم راح فى غيبوبة .. أفاق منها بعد قليل
نظيف :نعم يا ريس
ماتنساش.. توكيل الزلط لعلاء
.................................................. ..........................................

مرة سيادة الريس مد إيده في جيبه لقي 5 مليون جنيه !!
فزعل قوي وخاف وقال: إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد :
5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله هتروح تستغفر ربنا بالطواف حوالين الكعبة، لفة لكل مليون
جنيه وخلاص .
الريس راح لقي عمنا صفوت فقال له: أنت بتعمل إيه هنا؟
أنت هتلف كام لفة؟
عمنا صفوت :78 لفة .
الريس: يخرب بيتك؟ ده أنت خربت البلد !!
عمنا صفوت: أنت جاي علي انا؟ روح شوف علاء ابنك جايب
موتوسيكل وبقاله 3 أيام بيلف
.................................................. .........................

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام'
الرجل الثاني : ' من 5 الى 10 لتر بنزين
.................................................. ...........................

مبارك : عارف يا ابليس ياخويا, انا عاوز اعمل في الشعب المصري حركه تطلع
من نافوخهم
أبليس : طب هات ودنك وخد الفكره دي ....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات
بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
.................................................. ..........................

مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي

[omaro]

انا معرفكش ولا اعرف حد فى المنتدى دا خالص يا عم انا لا عايز اتنفخ ولا اتكهرب
انا صحتى على قدى انت مستغتنى عن عمرك براحتك انما انا لا
ولو سمحت لو اتقبض عليك من أمن الدولة ولا المخابرات ولا اى جهه تانى اوعى تقلهم
انك تعرف واحد اسمه عمر انت متعرفهمشدول ممكن يقبضوا على كل اللى اسمهم عمر

[mano]

انا معرفكش ولا اعرف حد فى المنتدى دا خالص يا عم انا لا عايز اتنفخ ولا اتكهرب
انا صحتى على قدى انت مستغتنى عن عمرك براحتك انما انا لا
ولو سمحت لو اتقبض عليك من أمن الدولة ولا المخابرات ولا اى

ههههههههههههههههه متقلقش يا عمر مع اول قفا هعترف عليكو كلكووووو وهوديكم فى داهية والمنتدى دة هيتقفل
بس انا ملاحظ ان خمسة غيرك دخلو قرأو الموضوع ومعلقوش وبقولهم يا جماعة متخافوش نحن فى بلد ديموقراطى

[Ahmad Misk]

أظن إن النكته بتاعة الكعبه ديه

فيها استهزاء بشيخ الأزهر وده على الرغم من المؤاخذات عليه لكنه يبقى رمز الإسلام في مصر

وفيها استهزاء بالكعبة وبالدين

نرجوا أخذ الحذر

[Khalid-2009]

ههههههههههههههههههههههههه ههههههه

جاااااااااااااااااااااااا اااااااامد ،،، بيس يا مااااااااااان

هو ده

[تالاوبس]

الله ياخد شيطانك يااخى والله انتى اخرتك سوده
شويه نكت فى الجون يامعلم
اوعى وشك وحاسب على قفاك
ههههههههههههههههههههههههه ه
الله يرحمك كنت محترم

[فــــارس الكافيه]

ولله جامد جـــــــــــــــــــامد اوى يا مانو انت بجد ليك مستقبل بس مش هنا فى المعتقل بس بجد كلام صح ولله ويلا ورينا مواضيعك الجامدة يا عم اخوك فى المعتقل قريب بأذن لله فـــــ بلاــــارس جواد

[~ man neO ~]

شد حيلك يا مانو كلناا لهاا انتم السابقون
بس احناا ان شاء الله مش هنلحقك احناا نلحقك
على الجنه مش على ابو زعبل بس ميضرش
اما جيلك بعيش وحلاوه وممكن شوه حاجات تانيه
مشكووور يا مان بس الحته بتاع شيخ الازهر دى حرام نذكر الله فى الضحك لو على شيخ الازهر اينعم رمز للاسلام بس صراحه عليه
تحفظات للصبح مش كثير تقبل مرورى يا مان و

[mano]

شكرا يا جماعة للردود الجامدة جدا دى وبالنسبة للنكتة بتاعت شيخ الازهر بقولكم سورى ....بس انا ملاحظ حاجة كدة....انتو كلكم بتحبو حبيبنا سونة كتير كتير جدا زى ما انا بحبة بالظبط ونتقابل كلنا فى السجن انا وعبد النبى واسلام فى عنبر تلاتة يا جماعة ابقو زرونا اما عمر البرديسى هيبقى فى المخابرات بيحترموة هناك