بتدوروا عليها ؟؟ هي راحت فين يانــاااااس؟ تعالوا ندور مع بعضينا بقي

[BA7IBAK YA BOY!]

بسم الله الرحمن الرحيم

السلام عليكم ورحمة الله وبركاته



ازيكم ؟ اخباركم ايه؟

هتقولوا الحمد لله

ماشي نبتدي الموضوع بقي

مش عارفة ايه جو الاكتئاب المسيطر علي الشعب ومحدش يقولي ليه؟

ممنوع السؤال اصلا

طيب كلنا اكيد بندور علي السعادة

وبندور عليها ليه بقي؟؟؟؟؟

عشان المؤكد ان احنا عايزيين نكون سعداء==>> سؤال ذكي واجابة اذكي

بس في حاجة مفهوم السعادة بيختلف من انسان لانسان تاني

يعني مثلا: في انسان شايف سعادته في الفلوس وفي واحد تاني شايف سعادته في السلطة

وواحد تالت شايف سعادته في الاكل وحاجات كتيره.........الخ

بس انا متهيالي ان دي عمرها مكانت السعادة الحقيقة

هتقولولي ازااي؟ اقولكم ان دي سعادة مؤقتة مهما كانت مدتها

يعني الفلوس ممكن تيجي وبرده تروح بسهولة اوي ونفس الوضع بالنسبالة للسلطة

اكيد هتسالوني تاني؟ وتقولوا امال حضرتك السعادة فين بالظبط؟؟

قبل مااقول فين السعادة الحقيقية

لازم نتفق في حاجة ان مفيش حاجة اسمها سعادة كاملة يعني اكيد كلنا عندنا مشاكل وهتكون برده عندنا مشاكل دايما

دوختكم مش كده؟؟؟!!

سألتونى بقى نلاقى فين السعادة الحقيقية ومش هنقول الدايمة بقى

لكن انا ممكن اضمنلك لحظات سعيدة بكل عمرك لأنها حقيقية

انا من رايي ان السعادة هتلاقيها في حاجتين وسهلين جداا انك تعملهم

*حب ربنا والاقتراب منه بطاعته والحرص على رضاه ومراعاته فى كل صغيرة وكبيرة
والرضى طبعا بقضاءه ودى سعادة حقيقية

*حب الناس وحب خدمة الناس :
تخيل انت لما تشوف ابتسامة فرح ورضى على وش واحد متربطكش بيه اي صله غير انك
ساعدته فى حل مشكلته اد ايه هتكون سعيد تخيل لما تحول حزن اى حد لإبتسامه جميلة
صدقنى لو هتلاقى سعادة كبيييييييييييرة فى خدمة ومساعدة الناس خصوصا لما يكونوا محتاجين ليك

انا متهيالي هي دي السعادة الحقيقية وبكده كلنا هنكون سعداء حتي لو ثواني


مش كده ياعبد الجبار انت وجمالات؟؟==>> مين دول؟؟

حاجة اخيرة بقي

عايزة اسمع رايكم في الكلام ده

وعايزة اعرف ايه هي السعادة بالنسبة ليكم؟؟



وبسس كده


تحياتي لكم

[عبقرينو]

*حب ربنا والاقتراب منه بطاعته والحرص على رضاه ومراعاته فى كل صغيرة وكبيرة
والرضى طبعا بقضاءه ودى سعادة حقيقية

*حب الناس وحب خدمة الناس :

[yara]

شكرا ريم على الموضوع الجميل
السعاده بالنسبه ليا انى ارضى ماما وبابا لانه رضى ربنا من رضا الوالدين وانجح فى الكليه بتقدير يرضيهم ولما اشوف الناس الى حوليه مبسوطين ببقى سعيده

اذا رضى عنك ربك رضى عنك الناس جميعا واذا سخط عليك ربك سخط عليك الناس جميعا

[dr_manoon]

السعاده فلا بقت شئ نادر فعلا بندور ليها ومشبنلاقيها بالساهل
جو اكتئاب عام مسيطر على الشعب بسبب اشياء كتيره
الغلاء وعدم وجود الماده بسهوله ده خلاف الاسباب النفسيه
والمؤثرات الخارجيه وفعلا الحل زى مقولتى ياريم التقرب من الله
كل اللى احنا فيه غضب من ربنا علينا اللهم قربنا اليك واهدنا يارب

[BA7IBAK YA BOY!]

[/center]

هيهيهيهيهيهييه
بيصقفولي تيرارا
ههههههه
تسلم يا جميل علي المرور المميز

[BA7IBAK YA BOY!]

شكرا ريم على الموضوع الجميل

السعاده بالنسبه ليا انى ارضى ماما وبابا لانه رضى ربنا من رضا الوالدين وانجح فى الكليه بتقدير يرضيهم ولما اشوف الناس الى حوليه مبسوطين ببقى سعيده

اذا رضى عنك ربك رضى عنك الناس جميعا واذا سخط عليك ربك سخط عليك الناس جميعا

فعلا يا يارا هي دي السعاده الحقيقيه
ويارب دايما اهلك راضين عنك وربنا قبلهم طبعا
تسلمي يا عثل علي مرورك المميز

[BA7IBAK YA BOY!]

السعاده فلا بقت شئ نادر فعلا بندور ليها ومشبنلاقيها بالساهل
جو اكتئاب عام مسيطر على الشعب بسبب اشياء كتيره
الغلاء وعدم وجود الماده بسهوله ده خلاف الاسباب النفسيه
والمؤثرات الخارجيه وفعلا الحل زى مقولتى ياريم التقرب من الله
كل اللى احنا فيه غضب من ربنا علينا اللهم قربنا اليك واهدنا يارب

اللهم امين
يهدينا جميعا
تسلمي علي المرور المميز