حب ولا

[لا تنسى ذكر الله]

حب ولا

السلام عليكم ورحمه الله وبركاته
دى أول مشاركة ليا هنا فى الكافيه
هل ده بقه حال الشباب والبنات دلوقتى ولا ايه ؟ حاولو تجاوبونى
انا هأحكى حكاية كدة زى ما سمعتها بالظبط
الأول بنت عادية جدا زى أى بنت فى الدنيا بتحب كل حاجة تخليها سعيدة هى ووالدها بس بالرغم من انها عايشة مع والدتها واخوها كمان وهما موجودين معاها فى نفس البيت بس والدها كان كل حياتها
وزى ما انتو عارفين ان البنت فى سن معين بتتأثر بأصدقائها اللى ممكن يكونوا كويسين أو لا
فابتدوا يكلموها عن الحب :x وانه احلى احساس فى الدنيا فحلمت وفضلت تحلم لحد ما وصلت لسن 18 سنه فى الجامعة يعنى قابلت الحب:x:x وحست بكل اللى اتحكالها عنه
من طرف واحد بس الطرف التانى كان بيعرف يتكلم كويس وبس لكن فعل مش هيعمل حاجة ومن كتر حبها ليه فضلت جانبه سبع سنين فى السبع سنين دول والدها توفى :( وملقتش حبيبها بالرغم من وجوده بس محستش انه جانبها بالعكس كان بيفكر فى نفسه وهى من كتر حبها بتسامحه على كل اللى بيعمله لحد لما جه فى يوم وهى بتكلمه فى التليفون قالها انا معايا خطيبتى:-O اتصدمت صدمة عمرها ( يانهار مالوش ألوان ده انا اللى وقفت جانبه ) هيتجوز غيرى عملت الطبيعى وقالت زى ما اتحملت فراق والدى هتحمل فراق حبييبى=(( ومر كتير شهر ونصف وكانوا بالنسبة ليها عمر يا جماعة حبيبها بتنام على صوته وتصحى عشان تسمع صوته برضوا تخيلوا واقفة جانبه أحسن من أهله معنويا وماديا المهم بعد شهر ونصف كلمها وقالها انه مش قادر يعيش من غيرها عارفين البنت من كتر فرحتها مش نامت لمدة 3 أيام المهم صدقت ورجعت تحبه أكتر من الأول على وعد منه أن اول ما هتسمح الظروف هيبعد عن خطيبته اللى هى بالمناسبه بنت خالته صبرت حوالى سنتين منهم سنه كان هو فى الجيش بس فضلت برضوا واقفة جانبه ماديا ومعنويا بس كان جواها احساس انه بيستغلها المهم يا جماعة خرج من الجيش بعد ماهى خلصت كل حاجة عندها حب و صبر وفلوس حتى الشغل هى شغلته بس كانت مستنيه كلمة واحده وهى انه خلاص موضوعه مع خطيبته انتهى بس كل يوم بظروف وحكايات لحد لما جه الوقت اللى لقت خطيبته بترد عليها وتكلمها لدرجة انها بقت تبعت لها رسايل على الموبايل برقمها وتشتمها وهى استحملت بس المرة دى عشان خاطر السبع سنين اللى راحوا من عمرها لحد لما يأست ولما قالتله مجرد أن خطيبته زودتها أوى ولازم يبقى فى حد قالها حقها وفى الوقت ده كان بيطلب فلوس بس فمكنش قدامها حل غير انها تبعد بس عن اقتناع ولاول مرة فى سبع سنين بعد حب بعد تضحية بعد كل حاجة كانت حلوة بس ده ميمنعش انها بتقول دلوقتى انها بتحن
* هل لها حق تحن ؟
قولولي رأيكو وشكرا انكوا استحملتونى واسفة طولت عليكو جدا

[مصطفى شعبان محمد]

لابجد ربنا يباركلك .... بس هى ليها حق تحن لانها حبيته اوى وعلى فكرة مش كل الشباب كدة والله وعلى فكرة حتى دلوقتى لوقالها نرجع مش حتعارض لانها طيبه وبنت ناس بس تبقى غلطانه ساعتها وخطيبته حتعمل فى زى ماعنل فى البنت دى (كما تدين تدان)وربنا يصبرها.... على والدها وعلى حبيبها اللى ميستهلش يكون حبيب حد اصلا .

[ايه علاء]

لابجد زى ما الاستاذ مصطفى قال معلش يعنى سورى فى اللفظ هو قليل الاصل وحيتعمل فى كدة لان بنات الناس مش لعبه

[ابو تريكه]

انا رايى بقى انها غلطانه اكيد من الاول كان لازم تحس انه مش بيحبها دول سبع سنين يا عالم وكمان رايح يخطب شهر وترجع تكلمه طيب ازاى

انا عارف ان دى طيبه بس زياده عن اللازم بس اكيد لازم تتعلم من الدرس ده وتختار الشخص المناسب واللى يستاهل التضحيه من اجله

اسف للاطاله وربنا يوفقها ويعوضها باللى احسن منه

[TOTA_MEMO]

سوري يا ابو تريكه انا مش معاك فى رايك هى فعلا اه طيبه جدا بس اكيد برده هو كان مبين لها ان هى كل شىء فى حياته على الاقل فى اول فتره بس لكن الطيبه دى تتاكد ازاى انه بيحبها بجد يا ريت بقى ترد عليا على فكره السؤال ده كان سبب اشتراكى معاكوا فى المنتدى
اسفه لو كنت طولت عليكوا
توتا