حبك خنى وغدره قتلنى
بعد ليه ومرديش يفهمنى
وده غصب عنى جرحى المنى
وانا على ايه هفضل مستنى



مسيرك تندم عــ اللى لقيته
كان بيخاف مالنسمه عليك
مسيرك تندم عــ اللى نسيته
وبكرة تشوف الويل بعنيك



حبك بعنى بكدبه خدعنى
وقلبك سابنى بعده تعبنى
حتى الجرح فقلبى غلبنى
وهد بنفسه خلاص المبنى



اللى حصلى بجد كفايه
واوعاك تحلم ان ارضى عليك
مش هتلاقى مكان جوايا
ولا هتأثر فيا عنيك



مش ناقصاك .. وابعد شويه
وخليك مكانك .. ماتجيش عليا
مكنتش منى .. ومبقاش هاممنى
متقولش قلبك .. مهو مش لازمنى



ومعاك تاعبنى .. ارحمنى سبنى
وايوة كلامك .. مابقاش عاجبنى
ومش فارقه عندى .. ولا حاجه من دى
ولو اد بعدى .. مانتش اد عندى