الرقم الغريب إلي اتصل بيا !! ( مقال الأسبوع )

**انتهينا** · 3 - 4 - 2009, 02:32 AM

في الصحراء بين قطيع غنمي وفوق حماري كنت جالس وممسك بعصا طويلة أضرب بها على ظهر الحمار كي يسرع في المشي . . . وفجأة يقطع المخرج التصوير ويقول : هايل هايل اوي يا احمد .. انت صح انك ممثل مبتدئ لكن أنا بشهدلك بمستقبل جميل في التمثيل ...
في هذه الأثناء يدخل زميل لي ويحمل موبايلي ويقول : موبايلك بيرن يا احمد ...
أخدت منو الموبايل فإذا بالمتصل رقم غريب !!!

أنا : ألووو !! مين ؟؟
المتصل : ألو ازيك يا احمد ...
أنا : مين حضرتك .. بس الصوت ده مش غريب علي دا شبه صوت جدي الله يرحمه ...
المتصل : ما أنا فعلا جدك يا لوح ...
أنا : إزاي !!!!!!!! جدي ميت من 10 سنين !!!!!!
المتصل : يا لوح أنا جدك بأمارة يوم المستشفى لما خبطت العربيه عندها ومحدش عارف غيري أنا وانت ...
أنا : ايوه ايوه ... بس انت ميت بتكلمني ازاي ..
المتصل : من موبايل واحد جاري هنا في القبر ...
أنا : اااااااااااااه وانت ايه اخبارك .. واحشني اوي يا جدو ...
المتصل : انت اكتر والله يا ابو حميد .. بس قولي ايه اخبار والدك ووالدتك واخواتك ؟؟
أنا : كويسيين اوي ... المهم انت عايش ازاي .. قصدي ميت ازاي ..
المتصل : ميت ايه يا حمار دا انتوا الي أموات ... مهو جاري ده لسه جاي قريب وحكالي على حال الدنيا عندكو .. انتوا مش لسه برده مبارك ماسك مصر ومش لاقيين تاكلوا ومفيش عيش وعندكوا غلاء أسعار والحياة بقت تقرف ..
أنا : الله يرحمك يا جدو دايما كنت تعرف الاخبار اول بأول كده ..
المتصل : الله يرحمك انت ويرحم مصر كلها ..
أنا : طيب مقلتليش انت ايه اخبارك ..
المتصل :يوووووووووه اقولك ايه ولا ايه دا انا مرتاح اوي ونايم في حته دفا وحلوه والمكيف شغال تمام ومبيعطلش وكل حاجه ببلاش ..
أنا : يا حظك يا عم .. واحنا الي قرفانين هنا ومش لاقيين ناكل والبلد كلها بدأت تشحت بس من مين يا حسره دول بروحوا يشحتوا عالحدود ..
المتصل : ولد ..بص ..لو مش عاجباك العيشة عندكوا أنا عندي قبر لقطه قريب مني ومن امي وابويا الله يرحمهم وباصص على شارعين .. فكر وردلي خبر ... قبل ما يروح .. دا كان فيه قبر لازق فيا كان نفسي يبقى من حظك ونصيبك بس الراجل الي شتم مبارك في التلفزيون الساعه 7:00 في البرنامج أخد القبر الساعه 7:05 وقبل حتى ما يكمل البرنامج ..
أنا : ااااااااااااه مهو مكملش على فكره و مذيع تاني الي كمل ...
المتصل : مهو التاني برده جه الساعه 7:10 بعد ما سأل المخرج عن صاحبه .. اوعى يله شطانك يوزك وتقول كلمه صح عن سيادة الريس ..

تيييييييييييييييييييييييي ييييييييييييييييت ينقطع الخط

( وجهة نظر )

**No TiMe** · 3 - 4 - 2009, 02:40 AM

ودا الي بيحصل
وشكلنا كلنا مش هنرتاح الا في القبور
تسلم ابو حميد
وبجد موضوع جميل بطريقه اجمل
تقبل مروري يا حبييب البي

**BANOTADALO3A** · 3 - 4 - 2009, 08:32 AM

ههههههههههههههههههههه
بجد رائع الموضوع يا احمد جطيط فيه فكرة ووحهة نظر بطريقة عامية وفيها نوع من السخرية
جميل جدا واللهى
تسلم ايديك
تقبل مرورى

**انتهينا** · 3 - 4 - 2009, 02:29 PM

المشاركة الأصلية كتبت بواسطة دمـــــــــــ حزن ـــــــــــــــعه

ودا الي بيحصل

وشكلنا كلنا مش هنرتاح الا في القبور
تسلم ابو حميد
وبجد موضوع جميل بطريقه اجمل
تقبل مروري يا حبييب البي

ميرسي ليك يا اسلام على ردك الجميل

تسلم يا حبيب البي

تحياتي ليك

**انتهينا** · 3 - 4 - 2009, 02:32 PM

المشاركة الأصلية كتبت بواسطة BANOTADALO3A

ههههههههههههههههههههه
بجد رائع الموضوع يا احمد جديد فيه فكرة ووجهة نظر بطريقة عامية وفيها نوع من السخرية
جميل جدا واللهى
تسلم ايديك
تقبل مرورى

نورتي التوبك يا قمرايه

ولازم طبعا اتقبلوا

ميرسي ليكي يا امنيه على ردك الي دايما منورني

تحياتي ليكي

**نور نور** · 3 - 4 - 2009, 03:18 PM

ايه يابني التوبيك الجامد والله انت دايما جامد وتوبيكاتك مالهاش حل
بجد والله توبيكاتك احلي واجمل والذ توبيكات
تسلم يا احمد علي الشغل الجاااااااااااااااااااااا اامد

**~ man neO ~** · 3 - 4 - 2009, 04:30 PM

والله يا احمد انت قولت كلمه حق فعلا
ان مفيش حد بيقول كلمه دلوقت صح
كلوا نفاق فى نفاق وبالزات مع سياده
الريس الكل طول ماهم جنبه وشايلهم
معاه اووول ما الرئيس ده يتشاال من المنصب
ولا يموت "يارب قريب" الكل يطلع فيه
كيت وكيت
والحق ياا مان خذ بنصيحه جدك
وخذ القبر اللى بيطل على شارعين وهواه بحرى

تسلم ياامان على الموضوع

**انتهينا** · 4 - 4 - 2009, 06:19 AM

المشاركة الأصلية كتبت بواسطة نور نور

ايه يابني التوبيك الجامد والله انت دايما جامد وتوبيكاتك مالهاش حل
بجد والله توبيكاتك احلي واجمل والذ توبيكات
تسلم يا احمد علي الشغل الجاااااااااااااااااااااا اامد

انتي الي ردك واللهي أجمل واحلى رد

نورتي والله يا دعاء وبجد واللهي فرحت جدا لما شفت ردك في الصفحه

ميرسي ليكي يا قمرايه

تحياتي

**انتهينا** · 4 - 4 - 2009, 06:33 AM

المشاركة الأصلية كتبت بواسطة abdelnaby

والله يا احمد انت قولت كلمه حق فعلا

ان مفيش حد بيقول كلمه دلوقت صح
كلوا نفاق فى نفاق وبالزات مع سياده
الريس الكل طول ماهم جنبه وشايلهم
معاه اووول ما الرئيس ده يتشاال من المنصب
ولا يموت "يارب قريب" الكل يطلع فيه
كيت وكيت
والحق ياا مان خذ بنصيحه جدك
وخذ القبر اللى بيطل على شارعين وهواه بحرى

تسلم ياامان على الموضوع

هههههههههههههههههه

نورت والله يا حودا بتعليقك المتألق دايما ده

تحياتي ليك

**esra2** · 4 - 4 - 2009, 05:52 PM

هى دى آخره اللى يتكلم عن الريس و الحكومه

الموضوع: الرقم الغريب إلي اتصل بيا !! ( مقال الأسبوع )

أدوات الموضوع

الرقم الغريب إلي اتصل بيا !! ( مقال الأسبوع )

معلومات الموضوع

الأعضاء الذين يشاهدون هذا الموضوع

المواضيع المتشابهه

1200 خط عربي من اروع الخـطوط للتصميم ( تشكيله رائعه )

برنامج Blender 2.60 الأروع في التصميمات ثلاثية الأبعاد وعمل الرسومات والألعاب

تحديث متصفح الجوال الاروع اوبرا ميني

للسيدات فقط ......... ممنوع دخول الرجال بعد منتصف الليل

الكلمات الدلالية لهذا الموضوع

ضوابط المشاركة