متزعلش مننا يا عبد النبى
مش عارف ابتدى منين هبتدى من وانا صغير خالص
بص يا سيدى انا اسمى حسام وسبب تسميتى (كل حاجه ليها سبب) كانت اختى وهيا صغيره ديما تقول لماما فى بطنك حسام حسن
علشان كده سمونى حسام , اتربيت مع تيته وجدوا (كان السبب ان طلع معايا اخ توام وماما مش هتقدر تربينا احنا اللى 2)
علشان كده تلاقينى على طول بحب اروح آضى معاهم الاجازات كلها وكنت عايش ملك مش قادر اوصفلك كنت عايش ازاى احلى ايام
حياتى كانت معاهم ربنا يديهم طولة العمر اى حاجه كنت عاوزها بيجيبوهالى .
ايام الحضانه كنت بروح ايام وايام بقولهم لا انا تعبان مش قادر والحورات دى بقه علشان ما رحش
فى يوم رحت لقيت مدرسه جديده كانت جميله فـ دى اللى حببتنى فى الحضانه وكنا بنبدل مع بعض السندوتشات
وكبرت وعدت الايام
جيت فى الا بتدائى فرحت بقى انى هاروح المدرسه انا واخويا بس اللى حصل ان انا كنت فى فصل وهوا كان فى فصل
واحنا توام واعدنا نعيط وكان يوم بابا جه ونقلنا مع بعض والحياه مشيت.
كانت الشنطه مش بتفارق ضهرنا كنا ملتزمين اوى وكان كل الاساتذه بتحبنا وبتحترمنا
وكبرنا وجينا فى 4و5 كونا عصابه بس مش اى حاجه علشان كنا توام وكان لينا شعبيه جامده
فى المدرسه ماقولكش على اللى كان بيحصل كانت بتحصل حروب مع البنات والصبيان
فى يوم عملنا حرب بينا وبين الفصل اللى جنبينا بالخشب المخلع
ففى واحد مننا مكانش يقصد الخشبه كان فيها مسمار فا بيحدف الخشبه
لقينا المسمار دخل فى قوره الواد والله زى ما بقولك كده
وديناه العياده وطبعا محدش قال مين اللى عمل كده .
نسيت آلك فى 2 ابتدائى كنت بحب اكتب شهر ففى واحد معايا فى الفصل
جميله جدا كتبتلها جواب من اربع كلمات بس كان فيهم المفيد
فيروح اخويا مدى الجواب للى كان واقف على الفصل
وقله ادى الجواب ده للبنت دى البنت خدت الجواب
وسكتت تقوم البنت صحبتها تاخد الجواب تديه للا ستاذه اللى كانت واقفه
اللى حصل انى انا اضربت واتبهدلت من سعتها مباقيتش اكتب جوبات تانى
هخش فى ثانوى على طول كنت فى مدرسه مشتركه بس ماليش فى حكايه البنات
انى اكلم بنات واعاكس او اعمل بلياتشو علشان يدحكوا .يعنى كنت عادى
فى تسرفاتى مع اى حد فى المدرسه .جيه يوم غاب اللى هما المفرود يحيوا العلم
فطلعونا انا واخويا ما ئلكش على اللى حص ساعت ماطلعنا نحيى العلم
العيال استغربت ساعتها ايه اللى بيحصل ده
.
وكمان انا من نوع esra2 اللى هوا الهادى مش بحب اتكلم كتير احب اسمع
وبعدين لو حابوا يخدوا راى فى حاجه
وكمان انا مش من النوع اللى اصحابوا ياثروا عليه
بالعكس.
كفايه كده لحد ما فتكر حاجه تانيه