قضية ...ورأي ...البطالة في مصر...

[طيف عابر]

....كما تعلمون حصلت قضية البطاله في مصر على المرتبة الثانية في المواضيع التي عُرضت للاستفتاء في موضوع قضية ورأي....

ونبدأ في طرح المشكلة للنقاش وسماع اراءكم ....

تُعد مصر من اكثر الدول العربية في الكثافة السكانيه ...ومصر بلد حضارة ...وفيها العديد من المشاريع والخيرات ورغم هذا تُعد مصر ايضاً من اكثر الدول العربيه فقراً رغم تفاوت الطبقات المثير للجدل فيها فالطبقه الغنية في مصر تعيش رفاهية فوق الوصف في حين تعيش الطبقه الفقيرة حياة معدمة تكاد تخلو من اسباب المستوى الادنى من العيش الكريم

وتُعد البطاله من اسباب الفقر في دولة مصر الشقيقة

فما هي اسباب البطالة في مصر؟؟
وكيف السبيل للوصول لحلول واقعيه وجذريه للمشكلة من وجهة نظركم ...

نرجو التفاعل ان امكن ومناقشة الموضوع من زواياه المختلفه
فهل اسباب البطالة
--عزوف الشباب انفسهم عن بعض الوظائف بسبب تدنى الرواتب او عدم ملائمتها لمؤهلاتهم العلمية
ام
--عدم توفير الحكومة لفرص عمل للشباب
--- اسباب اخرى


طيـــــــــــــــــــــــ ـــــــــــــف عابــــــــــــــــــــــ ـــــــر

[MagMan]

بحد موضوع هايل وكتير مهم جدا
وانا شخصيا الموضوع كتيرعجبني جدا
وعندي من افضل المواضيع في المنتدي
وعن بحث مستمر والحمد لله قدرت ان اجمع هذه البيانات عن البطاله
فضلت ان اضع هذا اللينك بدلا من كتابه الموضوع لان الموضوع كبير وصعب اكتبه كله
http://www.egyptiangreens.com/docs/g...&categoryid=36

[العوامى]

بسم الله الرحمن الرحيم
موضوع جامد كالعادة طيف
*****
بالنسبة لمصر فهى من أغنى الدول العربية
فلديها من المواد مايغنى شعبها عن العمل وأخذ راتب شهرى
دون التأثير على المستوى المالى للدولة
****
مثلاً لديها البترول والذى يصدر إلى أغلب الدول المجاورة
كبترول أو كغاز طبيعى
كإسرائيل -الأردن -سوريا
بما يقدر بحوالى 20مليار متر مكعب "إحصائيات 2006"
**
والكهرباء أيضاً تصدر من مصر إلى تركيا مروراً
بالأردن وسوريا والعراق وقبلهم إسرائيل طبعاً
**
السياحة من أكثر الموارد جلباً للعملة الصعبة
مش عارف السياحة انضربت ولا إيه
*
قناة السويس
التى تستطيع أن تتكفل يومياً براتب لايقل عن 3 جنيهات لك فرد مصرى
*
بس الله يساعدهم هم كثير برده اللى بيتوزع عليهم الفلوس دى
ده حتة وزير صغنن مايكفيه نص مليون جنيه يومياً
ده مايأكلوش عيش حاف
****

دة بالنسبة للدولة الفقيرة طبعاً من غير باقى الموارد
والتى تتمثل فى الإتاوات المسماة بالضرائب
**

ده كله شجع مجموعة من الحرامية الصغار إلى تقليب عيشهم
فى أرصدة البنوك ودم الغلابة والمصانع الفشنك
وكل ده مابيضر غير الواطن صاحب الرصيد فى البنك المفلس
والعامل فى مصنع فشنك متسرح بعد ماصاحب المصنع خلع
دة واحد من الأسباب
**
كمان بعض أصحاب المصانع بيفترو على العمال
ومابيدوهم حقوقهم والحكومة واقفة وراهم
لأنهم أولاد عمومتهم فى السرقة
دة سبب تانى
**
بالإضافة للأسباب اللى انتى قولتيها
**
وكمان مافيش إهتمام بالمجالات المختلفة وإيجاد الفرص المناسبة
للآفراد حسب تعليمهم علشان يطورو البلد ويلاقو أنفسه
لأن أوحش حاجة ان الواحد يشتغل
وهو حاسس انه مابيقدم حاجة مفيدة مجرد باب للفلوس وبس
**
كمان الواسطة والرشاوى سبب فى عزوف البعض
عن البحث عن عمل وحدوث حالات من الإكتئاب وفوبيا العمل
**
"أما عن الحلول"
أولاً وهو عامل رئيسى جداً وهو عدم تخلى أبناء مصر
الأكفاء عن مصر بالسفر أو الهجرة
فذلك ماسمح للعصابة بسرقة ماطالته أيديهم دون حساب
*
ثانياً إيجاد فرص مناسبة وتطويرها لسد حاجات العمالة
بمايلائم العمال
*
ثالثاً القضاء على جميع أوجه الفساد الإجتماعى
رشوة-واسطة"كوسة"
**
رابعاً الواجب على هيئة القوى العاملة أن تقبض بيد من حديد
وتحاسب أصحاب المصانع والشركات حالة التهاون فى حقوق العمال
**
خامساً على وزارة الموارد البشرية التوسع فى ماتقوم به الأن
من تيسير العمل للشباب بمايلائم كلاً على حدة
******************
أرجو ألا أكون أطلت عليكم
"هذا رأيته والله أعلم"

[dr_manoon]

اسباب البطاله بقى اننا بنتسرق يعنى الحكومه
الحمد لله مخلصه على كل حاجه اول باول
مصر دى مليانه بالخيرات والثروات التى انعم الله علينا بيها
والله فيه نعم كتيره جدااااااااااااا بس
اقولك ايه تعرفى ليه البطاله موجوده
لان الطبقه المتوسطه نسبتها قليله جداااااااااااا
يعنى الناس الاغنيه نسبتهم كبيره جدااااااااااااااااا
والفقرا كبيره جداااااااااااااااا
ففيه معاه فلوس فعلا ملهاش حصر وفيه اللى مش بيتعشى
او بياكل عيش حاف اذا لقاه اصلا
غلو الاسعار الزائد
البلد بتتباععععععععععع بلدنا بتتباع قدام عيونا
وسايبنها كل شويه يبيعو بنك مصنع منك لله ياجمال انت وابوك
والله العظيم بلدنا دى منهوبه حرام الناس وحرام الشباب
فيه اللى عاوز يشتغل بدل مينحرف وفيه اللى عاوز يتجوز
المشكله ان مفيش فرصه اصلا قدام حد عشان يستغلها اذا مكنش
الواحد اهله مامننله شغل خلاص كل سنه وهو طيب
حرام الاحلام تتهدم بسهوله كده حرام كل شاب مخلص
نفسه ونفسه ويطلع ينصدم بالواقع يينحرف ييدخل السجن
ياما يسافر بره .
بس معلش الللى عاوز يكافح وينحت فى الصخر والله ربنا بيساعده
بس ينوى النيه الكويسه ربنا مش بيتخلى عن مؤمن والله ربنا
ده كريممممممممممم اوىىىىىىى اللهم ارحمنا واكفنا شر انفسنا ومهدلنا سبيل الخير يارب
واخيرا الحل الصبر الايمان العزيمه الاصرار ثم التوكل على الله
والبدء باى مشروع اى شئ وربنا هيكرم الانسان شكرا ليك ياطيف

[أحمد عمر]

اهلا طيف
فضلت انى اتمهل ف الرد حتا اشوف رد عوامى لانى كنت ع يقين انه سيأتى بجديد فبارك الله فيك اخى الحبيب كما ان مجمان عبر بما قل ودل فاثابنا واياكم الجنه ..
واما عن وجه نظرى المتواضعه فانى ارى ان مصر كما ذكر انفا من اغنى دول المنطقه ف العدد والعداد ..
فمصر قد وهبها الخالق .. ثروات طبيعيه ..وبشريه.. لن اخوض ف تفصيلها فكما يقولون فالاثر يدل ع المسير..
ولكن..
اعتقد ان المشكله ليها اكثر من محور..
تضخم للثروات يقابله فساد بكل انواعه" عدم شفافيه وانتفاء للمسائله وسوء تخطيط.."
التعليم واقصد هنا الكيف لا الكم .. اى هل يتوافق ما يقدمه النظام التعليمى ف مصر مع ما يتطلبه فعلا السوق؟!!
بثقه استطيع ان اجزم" بلا" لاسف الشديد
"لا " لان اصبح هذا النظام" كساقيه حجا" تخذ من النهر وتصب في نفس النهر فلا عجب فان حجه يعجبه نعيرها ..
واخيرا -فيما اره سبب- نظره الفرد الذى هو اساس اى مجتمع ..
فنظرتنا كافراد ع النقيض ..
فمنا من يقبل باى شئ فيهدر الاف الاموال التى صرفت عليه حتا يصبح حاصلا ع تلك الشهاده ..
ومنا من لا يقبل بدايه متواضعه ربما بعدها يصبح شئ عظم فقط لكونه لا يراها تناسبه كشخص جامعى .. او ابن ناس-وكان غيره ولاد..-
دول اراهم اسباب حقيقيه للمشكله -من وجه نظرى المتواضعه-
وامال الحلول..
فهى مراجعه شامله للنظام السياسى وتطبيق قواعد الحكم الرشيد من شفافيه ومسائله .. ودى الخطوه الاول للحفاظ ع ثرواتنا سواء بشريه او طبيعيه..
منهجه نظم التعليم المصرى حتا يتوافق حقا مع المتطلبات الفعليه للسوق واعداد الكوادر بالشكل والكيفيه المطلوبه ..باختصار الاستثمار طويل الاجل ف المجال التعليمى واقصد بالاستثمار هنا كل ما تعنيه الكلمه من معانى..
واخيرا سنلاحظ اننا بعد الخطوتين السابقيتن اننا استطعنا ان نقوم بحل النقطه الاخير -نظهر الفرد- لاننا استطعنا ان نجفف مصادر المشكله من منابيعها الاول..
واخيرا لم ارد ان اطول وحاولت بقدر الامكان الابتعاد عن تكرار افكار ذكرها اخوتى ف رديهما السابقين..
لعلى سيكون لى عوده لزم الامر
طيف ليس بعابر
دمتم دائما متميزه

[العوامى]

إيه الكلام الجامد ده ياغالى
أقول إيه
رائد تنمية فكرية ولا إيه
أستاذ تطوير الذات
كلامك فعلاً أفادنى ياجمر

[أحمد عمر]

إيه الكلام الجامد ده ياغالى

أقول إيه
رائد تنمية فكرية ولا إيه
أستاذ تطوير الذات
كلامك فعلاً أفادنى ياجمر

اخجلت تواضعنا يا حبى
ربنا يخليك ويعزك ويكرمك
ااحنا بنسفيد منك يا حبى

[أحمد محمود ميلاد]

حقل الصبار لا يُنبت ألا صبارا

أي عالم أقتصاد أو حتى أي عالمة يعي جيداا أن هذا الوطن غنى بكل ما قد يضعه و يؤهله أن يحتل مكانة متميزه أقتصاديا و أجتماعيا كابدايه
فالزيادة السكانيه التى يعايرنا بها مبارك ليل مساء بحجه أنها تلتهم النمو - هو فيين.....؟؟ - هي العامل الأساسي الذي يجعل الصين و الهند تعيشان أنفجار في النمو الأقتصادي و التنمية و لكن دائما ما يجب أن يكون هناك حجه تبرر ما وصلنا أليه من قاع مره الحرب مره الأرهاب مرة الزيادة السكانيه مرة سياسات العهود البائدة و غير ذلك من حجج يتشدق بها مبارك و نظامه
أن النظام الفساد الأستبدادي لا تتوقع منه غير الصبار فالفساد و تأكل الطبقة الوسطى و الأحتكار و الخضوع لأجندة أقتصادية غير وطنيه بالمره هي سبب كل ما نتعرض له على الصعيد الأقتصادي أن من حق المواطن المصري أن يجد فرصة عادلة في العمل الكريم الذي يصون كرامته و يمنعه من التلطم بين الشقاء و الأعداء من الدول و من الموت غرقا أو حرقا و هو يجاهد في سبيل فرصة عمل شريفه تعفه عن السؤال.....
نظام لا يمتلك قلبا و لكن يمتلك حسابا في البنوك السويسريه لا يشعر بابنائه

لا حول و لا قوة ألا بالله

[طيف عابر]

بحد موضوع هايل وكتير مهم جدا
وانا شخصيا الموضوع كتيرعجبني جدا
وعندي من افضل المواضيع في المنتدي
وعن بحث مستمر والحمد لله قدرت ان اجمع هذه البيانات عن البطاله
فضلت ان اضع هذا اللينك بدلا من كتابه الموضوع لان الموضوع كبير وصعب اكتبه كله
http://www.egyptiangreens.com/docs/g...&categoryid=36

شكرا كتير ماجمان على مشاركتك القيمة
واتمنى برضه نسمع رأيك انت الخاص كشاب من مصر ممكن تواجهك هالمشكلة ---لا سمح الله ---او الناس حولك بيعانوا منها لانه المقصود من الموضوع نقاش بسيط بينا كاعضاء

شرفنى مرورك جدا ماجمان واسعدنى تواجدك

[طيف عابر]

بسم الله الرحمن الرحيم


**
"أما عن الحلول"
أولاً وهو عامل رئيسى جداً وهو عدم تخلى أبناء مصر
الأكفاء عن مصر بالسفر أو الهجرة
فذلك ماسمح للعصابة بسرقة ماطالته أيديهم دون حساب
*
ثانياً إيجاد فرص مناسبة وتطويرها لسد حاجات العمالة
بمايلائم العمال
*
ثالثاً القضاء على جميع أوجه الفساد الإجتماعى
رشوة-واسطة"كوسة"
**
رابعاً الواجب على هيئة القوى العاملة أن تقبض بيد من حديد
وتحاسب أصحاب المصانع والشركات حالة التهاون فى حقوق العمال
**
خامساً على وزارة الموارد البشرية التوسع فى ماتقوم به الأن
من تيسير العمل للشباب بمايلائم كلاً على حدة
******************
أرجو ألا أكون أطلت عليكم
"هذا رأيته والله أعلم"

بارك الله فيك عوامي .... تحليل رائع ورد اروع بصراحة

فعلا مصر عندها موارد وامكانيات ممكن تخليها اغنى من دول الخليج لولا ؟؟؟

والصناعات والمنتوجات المصريه تباع في الاردن باسعار مرتفعه جدا اغلى من المنتجات الاجنبيه وهذا جعلنى استغرب جدا

بالنسبة للحلول

الاول

صعب جدا لان الشباب يريد حلولا سريعه رغم انه واجبه يفرض عليه فعلا البقاء ولكن الواقع مختلف فالرغبه براتب عالي ومنصب احسن تطغى للاسف على كل شيء

اما باقي الحلول فجدا سهلة ورائعه
شكر كبير كمان مرة عوامى