احمد ومنى وفسحة غير عادية

[hamada_z]

احمد" و"مني".. خارجين يتفسحوا"

مني وأحمد واقفين في عز الضهر علي الكوبري

مني: "برومانسية" شايف النجوم يا أحمد

أحمد: نجوم ايه بس في عز الضهر دا أنا الشمس حرقت افايا

مني: الله ياأحمد بص السحابة اللي هناك دي اللي عليها العصافير

أحمد: لا والله ياحبيبتي أنا مش شايفها بس شايف دخان عربيات خنقني

مني: يووووووووووووه يا أحمد خليك رومانسي شوية

أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت

مني: انت مش بتحبني والا ايه

أحمد: ياستي بحبك

مني: لأ انت كذاب انت مش بتحبني

أحمد: يعني أولع في نفسي بجاز عشان تصدقي اني بحبك

مني: "والدموع علي خدها" لا يا أحمد أنت تغيرت خالص

أحمد: ياحبيبتي والله بحبك

مني: لأ يا أحمد متصلحش اللي أنت عملته

أحمد: وهو أنا كنت عملت إيه بس

مني: "تعيط" اهئ اهئ اهئ

أحمد: بتعيطي ليه دلوقت

مني: أحمد طلقني يا أحمد

أحمد: هو احنا لسة اتجوزنا عشان اطلقك

مني: يعني كمان مش عايز تطلقني

أحمد يشد في شعره: يادي الليلة السودا أنا ايه اللي خرجني بس

مني: كمان خليتها ليلة سودا.. يعني أنا اللي خرجتك غصب عنك

أحمد: ياستي مش قصدي. بصي أنا مش هرد عليكي عشان مانتخانقش

مني: للدرجادي قرفان مني

أحمد: "وشه يحمر من الغيظ" يعني انتي عايزة تتخانقي وخلاص

مني: يعني أنا نكدية يا أحمد


أحمد: لأ...... أنا

مني: انت بتاخدني علي اد عقلي

أحمد: حقك عليا وادي رأسك ابوسها

مني: ياسلام كده بكل بساطة

فجأة يقف أحمد علي سور الكوبري ويرمي نفسه في الميه

مني: تفتكر يا أحمد اني كده هسامحك


الصورة دى المفروض تكون احمد اتخنق من منى


يارب الموضوع يعجبكو......................................


IVI_HAMADA_IVI

[No TiMe]

هههههههههههههههههههههههه
والله الرجال ليه حق يرمي نفسو من برج ايفل مش من الكوبري ايه البنت الخنقه دي

[xXx SHaDY xXx]

دي بنت خنيقه طحن بجد

تسلمــ ايدكــ وكيبوردكــ يامانــ

[جنرال الحب]

ههههههههههههههههههههههههه ههههه

له حق يطلق البت دى