وشاية مع النفس

**egm** · 7 - 4 - 2009, 05:25 PM

هل كل ما نحلم به يتحقق؟

هل حب عمرك الذى وهبت له نفسك نفعك دلوقتى ؟
انت بتبص حواليك ليه ....
ايوة انا بسألك انت
أكيد من جواك بتقول لا
ولا حبى اللى وهبت نفسى ليه راح ليه موش عارف
اقولك انا ليه ...
ليه ::: لانك انت السبب انت اللى بغباوتك ضيعت الحلم اللى كان اصلا موش حقيقى كان زى السراب ., هتقولى سراب ايه ده كان حقيقى هقولك سراب لانك بمجرد ما اعجبت بيها جريت وراها وخليت نفسك تحبها وخلليتها تقرب منك بحرفنتك
وشويه شويه خلليتها تتعود عليك من غير حتى ما تفكر للحظة ...
هيا تنفعك ولا لأ؟
اكيد وقتها كنت بتقول هيا دى اللى انا فوزت بيها ___ هيا دى اللى قلبتلى حياتى
هيا فعلا قلبتلك حياتك ،بس للصح ولا للغلط
شوفت بقا موش بقولك سراب واديك اهوة فوقت فوقت وشوفت الحقايق
هيا ممكن تكون مرة بس المهم انك فوقت فوقت يا قلبى بعد ما كنت خلاص وقعت فى الخــية
اهيه سابتك وراخت شافت حياتها وانت كمان شوفت حياتك بس ياترى يا واد يا قلبى انت كنت لسه فاكرها؟ رد .... ساكت ليه .... انخرست دلوقتى ....

**mozo** · 7 - 4 - 2009, 05:29 PM

وياترى الواد قلبك رد ولا لسه
بس ياريت يرد ع الهوا عشان اعرف الاجابة
يهمني اني اعرفها

**egm** · 7 - 4 - 2009, 05:30 PM

**egm** · 7 - 4 - 2009, 05:33 PM

;;;;;;;;;;; مين ده اللى يفتكر منا زى ما هيا شافت حياتها انا كمان شوفت ولا عاوز افتكرها :::::::::::::::

ده حالى مع قلبى اللى تاعبنى
ده حالى مع اللى مغلبنى
" انتظرونى "

**mozo** · 7 - 4 - 2009, 05:33 PM

ولا فهمت اي حاجة

**mozo** · 7 - 4 - 2009, 05:35 PM

انتظروني

سنعود بعد الاعلان
روتانا سينما مش هتقدر تغمض عنيك

**egm** · 7 - 4 - 2009, 05:38 PM

ليس من الواضح بل ليس من الصريح وجود اى اضافات على هوامش الجمل
بل ان الذى يدرك لابد وان يطلق كلاما من الاحرى به ان يتم ادراكه
وهذا لمن اراد الافصاح عن الداخل فالذات ليست الا منبع
ينطلق منه الاحساس بالاكوان والخلائق وخالقها
وعجبى

:: محمد السيد ::

**mozo** · 7 - 4 - 2009, 05:44 PM

هههههههههههههههههههه
ياريت تكلمني زي ما أنا بكلمك وياريت
تكبر الخط شوية
وياريت بلاش قناة الجزيرة اللي انت قاعد فيها دي

**egm** · 7 - 4 - 2009, 05:50 PM

طيب
بالصلاة على النبى كده احنا بنعرفوا نتكلموا مع اى حد ونردوا ويا سلام يا موزو انتى يا مشهيصانى

**بحر الحنان** · 7 - 4 - 2009, 05:50 PM

ايه يابنتي انتي وهو انت هتتخناقو هنا براحة شوية
اولا اهلا بيك محمد ثانيا ايه الكلام ده معناه ايه قصدي هو عتاب للنفس ولا ندم ولا ايه
بس لو عتاب ماحدش بيعاتب بالشكل ده نفسه ولو ندم لو زي ماقولت شافت حياتها وشوفت حياتك
خلاص ليه الندم ده اساسا ماكنش حب اسمحلي المقولة انفهمت بس مش هينفع نقبلها لازم نتخطاها
ولا انت عندك رأي تاني تحياتي ليك

الموضوع: وشاية مع النفس

أدوات الموضوع

وشاية مع النفس

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة