لاتشرب مارلبورو و تنصر الامريكان, اشرب حشيش و انصر الافغااااااااان

**xXx SHaDY xXx** · 10 - 4 - 2009, 02:25 AM

حكمة مسطول

( لاتشرب مارلبورو و تنصر الامريكان, اشرب حشيش و انصر الافغااااااااان)

******************************

مسطول انقذ واحد غرقان ادوه وسام شجاعة وقالولوه : بس للاسف الراجل انتحر شنقا ، المسطول قاليهم : لا انا علقته عشان ينشف

************************************

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

****************************************

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

*********************************************

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم

********************************************

واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية

*********************************************

مره كل ستات الارض اتجمعو واتفقو علي حاجه هي ان مفيش ولا واحده فيهم هتعمل اي حاجه في شغل البيت لمده اسبوع ،

فات الاسبوع وعملو اجتماع تاني قالت الست الفرنسيه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأ هو بيعمل شغل البيت

قالت الست الهنديه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه تالت يوم بدأ يخرجنا بره البيت وناكل بره علشان مش نبهدل البيت

قالت الست المصريه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأت اشوف شويه بعيني الشمال

*********************************************

مذيعة قابلت اتنين مساطيل فسألت الأول: إيه رأيك في مصر؟ فرد عليها و قال: مصر دي أمي، فسألت الثاني نفس السؤال فرد عليها و قال: مقدرش أتكلم على أم واحد صاحبي.

*********************************************

مسطول حب يعمل برا ءة اختراع، جاب ضفدعة وقالها "اقفزى" فقفزت فقام بقطع أحد أرجلها الأربعة وقال لها "اقفزى" فقفزت فقام بقطع رجل أخرى وقال لها "اقفزى" فقفزت فقام بقطع الرجل الثالثة وقال لها "اقفزى" فقفزت قفزة صغير فقطع الرجل الأخيرة وقال لها "اقفزى" فلم تقفز فقام بكتابة (ملحوظة : عند قطع أرجل الضفدعة الأربعة، تفقد حاسة السمع)

*********************************************

واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة وقالوا خلاص هنعرف وزنها بعد ماطلعت على الميزان الميزان خرج ورقة مكتوب عليها لو سمحتوا ياجماعة واحد واحد بالدوووووووور

*******************************************

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا ؟؟؟" الزوجة : "ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون

*********************************************

مرة واحد خد زوجتة حديقة الحيوانات و صورها جنب قفص القرود

و علق الصورة فى الصالون و كتب تحت الصورة

هذه صورة زوجتى مع القرود

ملحوظه زوجتى الثالثه على اليمين

*********************************************

مره واحد غنى اوى عمل مسابقه بين واحد صعيدى وواحد امريكى وواحد المانى على الى يجيب
اكبر سمكه فى البحر نزل الامريكى مجبش حاجه والالمانى برضومجبش حاجه ولسه الصعيدى مطلعش وفضل مده كبيره فنزل منظم المسابقه يدور عليه لقاه ماسك سمكه صغيره وبيقلها فين بابا ؟؟

*********************************************

تلاته عمال بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش

********************************************

مره واحد بيسال خطيبته حبيبتي كام واحد لمسك قبلي فسكتت
قلها مالك يا حبيبتي انتي زعلتي مني
قلتلو لا بس بعدهم

*********************************************

واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه منورين النور فوق

*********************************************

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص
> القرود ياكلهم
> ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه
> بعد تلات أيام
> ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت؟؟
> قام الكتكوت وقال له : يخرب بيتك بوظت الكمين

*********************************************

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

*********************************************

بيقولك 2 حرامية حبوا يسرقوا شقة واحد ففى واحد نط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية

*********************************************

محشش محكوم عليه بالإعدام , قبل التنفيذ سألوه : عايز حاجه تقولها؟ قال : لا . حطوا حبل المشنقة على رقبته رفع ايده فجأة . فكوا الحبل وسألوه : عايز ايه؟ قال : الله ياخدكم كنت حموت

*********************************************

اثنين محششين بتفرجوا على مباراة فالمعلق بقول "دربكة في الدفاع ودربكة في الوسط ودربكة في الهجوم
اوبااااااااااااا جوه الجووووووووووون "فالمحشش قال لصاحبه :اظاهر انو دربكه ده لعيب ميه ميه"

--------------------------------------------------------
وأنــــا منتظــر الردوووووووووووود
---------------------------------------------------------
xXx SHaDY xXx
----------------------------------------------------------

**فــــارس الكافيه** · 10 - 4 - 2009, 02:33 AM

ابويا بيسلم عليك وبيقولك كبر خطك شوية

**xXx SHaDY xXx** · 10 - 4 - 2009, 02:37 AM

جننت اهلي بالخط يامان

صدقني بنسي اكبره

اصلي اتعودت ع الخط الصغير ده خلاص

وانا مبحبش الخط الكبير

انت لازم تلبس نضاره او عدسات

اتصرف انت بقي

هههههههههههههه

**Romance Love** · 10 - 4 - 2009, 02:41 AM

هههههههههههههههههههه
جامدين أوى يا شادى..
تسلم الأيادى..

**فــــارس الكافيه** · 10 - 4 - 2009, 02:46 AM

خلى بالك يا معلم شادى دى مجرد مزاولة انا الحمد لله نظرى 6على 6 بس الغلاسة بقى بحبها بس جد تسلم ايدك على النكت وانا اسمى احـــــــــــــــــــــــ ــــــــمد

**xXx SHaDY xXx** · 10 - 4 - 2009, 02:47 AM

ميرسي اوي

نووورررتي

**xXx SHaDY xXx** · 10 - 4 - 2009, 02:48 AM

ماااااشي ياغلس

سوري قصدي ياعم احمد

نورت يامان

**فــــارس الكافيه** · 10 - 4 - 2009, 02:57 AM

بنورك يا معلم بس متنورش يامة عشان الفاتورة بس

**xXx SHaDY xXx** · 10 - 4 - 2009, 03:03 AM

هههههههههههههههههههههه

ماشي ياعمــ الغلس

ههههههههههههههههههه

**Khalid-2009** · 10 - 4 - 2009, 10:03 PM

هههههههههههههههه

هو ده اشطة عليك يا شااااااادي

الموضوع: لاتشرب مارلبورو و تنصر الامريكان, اشرب حشيش و انصر الافغااااااااان

أدوات الموضوع

لاتشرب مارلبورو و تنصر الامريكان, اشرب حشيش و انصر الافغااااااااان

معلومات الموضوع

الأعضاء الذين يشاهدون هذا الموضوع

المواضيع المتشابهه

الكاريكاتير الذى أمرت أمريكا بحذفه من الجزيره

الكلمات الدلالية لهذا الموضوع

ضوابط المشاركة