مشكله رومانسيه

**المجروح** · 10 - 4 - 2009, 11:08 AM

السلام عليكو

كلنا هنا طبعا اخوات وانا سجلت فى المنتدى لانه اعجبنى

بس فى حاجه لو سمحت عايز رايكوا

انا كنت بحب واحده ومازلت احبها

وهى مش بتحبنى وساعت تحبنى

ساعت الحياه معاها حلوه وساعت زفت

هى مش عايزنى فى حياتها وانا عايزها

بس المعامله زى الزفت جدا منها

ساعت برضوا بتكون زى الفل

ممكن حد يقولى ازى اخلص من المشكله

مع الرغم انى حاولت بس مش عارف ودائما

تعبان نفسيا مكتئب وارجع اقول

سيبك من اللى سابك

بس مش بقدر ابدااا

المشكله انا مش عارف اتغلب

ممكن المساعده

**شمس** · 10 - 4 - 2009, 11:26 AM

ايه القصة الي كلها سعات وسعات
الحب مش كدا ولا عمره حيكون بالسعات
ولا يمكن ينجح لو كان من طرف واحد وده لي موجود بينكم
يعني ايه ساعة تحبك وساعة لاء
هو انت حتة شوكولاته وحتغيرها على مزاجها
او حبك لعبة بين اديها
وطالما انت عارف انها مش عايزاك في حياتها لازمته ايه التعب والعداب ده من أصله
من حقك تكتئب لو هي بتموت فيك ولاقدر الله واتفارقتم
انما واحدة الحب عندها بالسعات وعلى حسب هواها حتكتئب عليها ليه
ولا انت غاوي تعب وخلاص
القصة باينة والحل في ايدك الا لو انت راضي

**Princess maya** · 10 - 4 - 2009, 12:07 PM

انت اساس المشكلة

**شيري العسولة** · 10 - 4 - 2009, 12:26 PM

يعنى اية الحب ده بص يااابن الحلال مافيش حب كده خالص
يااما تكمل الحب ده وتقولها يبقى فى خطوبة وجواز وهى قد المسؤلية ولا لا علشان تقرر لو هيا قدها خير وبركة ولو مش قدها
خلاص البنات كتير على مااعتقد
وماتقوليش حب حب اية ده اللى يخلي الواحد سورى ياعنى متهان
قال ساعات الحب كده دلوقتى ولا اية

وفى سلام ختام

**mr_ahmedhamdi** · 10 - 4 - 2009, 01:34 PM

بسم الله الرحمن الرحيم
ومن ءاياته ان خلق لكم من انفسكم ازواجا لتسكنو ا اليها وجعل بينكم مودة ورحمة إن في ذلك لايات لقوم يتفكرون
صدق الله العظيم (الروم الاية 20)
تدبر قول ربك فى الاية السابقة
تجد ان زوجتك مخلوقة من نفسك وقد كتبت لك من الازل
وقد جعل الله بينكم مودة ورحمة فإذا لم توجد تلك المودة والرحمة وقد اقتصرت معاملتها لك على اهواءها وعلى حالتها المزاجية
فكر فى كلامى كما قال ربك لقوم يتفكرون
ابعد عنها وبدون تردد انت مش هاتنول الا المرض من ذلك الحب وانا بتكلم عن الحب فى الاسلام الحب المشروع خطوبة وزواج
هتمرض نفسيا وعضويا
انقذ نفسك وابعد واذا كان فيه نصيب بينكم كن موقنا انها هاترجع لك وها تتعدل معاك اما لو لا فابتعد وانساها واختار من النساء ما تصلح لك
والله انا بحبك فى الله وخايف عليك وبقولك عن تجارب حياتية مريت بيها وشوفتها حواليا
وهاقولك تحب تفضل لعبة او معدوم الشخصية طول عمرك فكر في نفسك مهما كان حبك ليها قويا والله بيهدي بعد كده وبينضج فكرك وساعتها هتفتكر تصرفاتها معاك وهيتحول حبك لشئ تاني انت راجل لازم تتحمل وتكون كالصخر فى مواجهة الصعاب
ربنا يهدينا ويهديك لما يحبه ويرضاه
وفقك الله وثبتك

**hamada81** · 10 - 4 - 2009, 01:44 PM

شوف يا برنس
هقولك كلمتين واجرى على الله

(من حبنا حبناه وصار متاعنا متاعه
ومن كرهنا كرهناه ويحرم علينا اجتماعه)
يارب تكون فهمت المقصود
يابنى مافيش كده

**Mr.Mo0ody** · 10 - 4 - 2009, 02:50 PM

المشاركة الأصلية كتبت بواسطة شمس

ايه القصة الي كلها سعات وسعات
الحب مش كدا ولا عمره حيكون بالسعات
ولا يمكن ينجح لو كان من طرف واحد وده لي موجود بينكم
يعني ايه ساعة تحبك وساعة لاء
هو انت حتة شوكولاته وحتغيرها على مزاجها
او حبك لعبة بين اديها
وطالما انت عارف انها مش عايزاك في حياتها لازمته ايه التعب والعداب ده من أصله
من حقك تكتئب لو هي بتموت فيك ولاقدر الله واتفارقتم
انما واحدة الحب عندها بالسعات وعلى حسب هواها حتكتئب عليها ليه
ولا انت غاوي تعب وخلاص
القصة باينة والحل في ايدك الا لو انت راضي

وانا برضه مع شمس
وما تزعل منها لأنها صريحه جدا والفايده هتكون ليك انت

وخللى بالك الراجل كرامته وكبريائه نمرة واحد في حياته

واوعى تكون بتبين ليها كده

هى بكده تفرح انها دمرتك وانا والله حاسس بيك
بس مافي حد يستاهل
وانت مش هتعرف كده غير لما تجرب

ربنا يوفقك ومنتظرين ردك ومتابعتك

وأهلا بيك معنا فالكافيه اللى نور بيك

**المجروح** · 10 - 4 - 2009, 09:13 PM

اشكركم جميعا على الاهتمام معى

بس فى حاجه بس عايز اعرفها

المعروف ان ترك اى حبيب بيحصل تعب

نفسى وبيكون الواحد مش عارف يعمل ايه

ازى اتغلب على التعب ده

هو دلوقتى معايا انا مش طايق نفسى

وتعبان جدا صعب يتوصف

انا عارف انى اللى بعمله ده غلط اساسا

ازى اتحمل واقدر انسا واقدر مش اتعب

**mr_ahmedhamdi** · 10 - 4 - 2009, 09:50 PM

هاقولك حاجة
انت عاوز تتجوز والا عاوز تحب وبس
لو عاوز تتجوز دور على واحدة تانية واديها قلبك وانسي الاولانية جرب بس
بس خد بالك واوعى تتسرع وتحب اي واحدة تطلع نص كم وتدعي عليا

لا نقى واحدة بنت حلال من اصل طيب
اما لو كنت بتحب على نفسك بقى والكلام ده وعاوز تتسلي ووقتك فاضى فالحل بسيط
تشرب كوباية مية مبلولة وتجيبها من الكولدير اصل المية المعدنية بتبقى ناشفة شوية وتحط عليها شوية كهربة ناشفة وسأسأها فى شوية مية وتشربهم وتقف فى الندي 3 ايام الصبح
وتلف حوالين البيت تقول يانا ييينا يانى 10 مرات هتبقي زي الفل

الموضوع: مشكله رومانسيه

أدوات الموضوع

مشكله رومانسيه

معلومات الموضوع

الأعضاء الذين يشاهدون هذا الموضوع

المواضيع المتشابهه

تحميل برنامج MindSoft Utilities ب 19و سيلة مختلفة لصيانة و تحسين اداء الحاسوب

عيش الشعور في الرومانسيه والهدوء مع نغمة الموسيقا الرومانسيه حبيب الروح مميزه

الكلمات الدلالية لهذا الموضوع

ضوابط المشاركة