العمده وصل

[mr_ahmedhamdi]

شوف يا اسلام انا هاقولك من الاول ان صاحبك غلط فى اختياره كان لازم من الاول انه يختار صح
ويختار واحدة تقدره وتصون حبه ليها واكيد انا بتكلم عن الحب اللى اخره ارتباط وجواز
وبردو غلط تانى وصاحب واحد اقل ما يقال عنه انه خسيس ولا يمت للصداقة بشئ
وطمن صاحبك انهم هيدوقو نفس الكاس وربنا مش هيرضى لصاحبك بالظلم
والناس اللى ذى دي بتبقى الخيانة فى دمهم واكيد زى ما خانت صاحبك هتخون صاحب صاحبك الخاين
وقول لصاحبك اوعى ترجع لناس زي دي تاني ولا حتى تعرفهم من بعيد
دول مش اهل للصداقة او الحب
كما تدين تدان
تحياتى يا سلم

[No TiMe]

كلامك جميل ومنطقي
وفعلا الي مبيصنش حبو للحبيبو ميبقاش حبييب
ووصل كلامك يا صاحبي وهقول لصحابي انهم ميستهلوش دمعه من عنيك تسلم بجد

ويلا يا شباب الي عندو مشكله يورينا شطارتو
ويكون عندو الجرأه ويقول
العمده عندنا في المنتدي

[mr_ahmedhamdi]

يا جماعة انا ليا واحد صاحبي بعت لى مشكلة وهو مش قادر يكتبها قدامكم
هو بيحب واحدة جدا ومتأكد منن انها بتحبو بنفس الطريقة
وهو خايف يحسسها انه مدلوق عليها علشان هى ما تزهقش منه وفى نفس الوقت حس انها ابتدت تضايق من تقله دا ومش عارف يعمل ايه

بص يا جميل
انت بشخصيتك تقدرتخليها تتمسك بيك
لما تلاقيك رزين - متدين - محترم - بتحبها ومخلص ليها اكيد هاتتمسك بيك
واحب اقولك انت لازم تكون متوازن المشاعر
يعنى ولا مدلوق عليها اوى اوى ولا تكون تقيل اوى وده اصعب مافى الموضوع ازاى توصل للتوازن ده هى دي العبقرية اللى هى وانا مستنينها منك
ومش عاوز اقولك ان البنات بتحب الرقة والصدق والكلام الجميل اللى بيطلع نتيجة المشاعر الصادقة
وقبل ده كله انا بتكلم عن قصة الحب المبررة يعنى اللى اخرها ارتباط وزواج مش حب التسلية ولازم تحسسها بده انك مش بتتسلي بيها وبمشاعرها
وان شاء الله الحب الصدق المبرر اللى يرضى الله ورسوله اكيد هيدوم ويستمر
الحب كالنبتة الصغيرة ارويها بالاهتمام والمشاعر الصادقة والحنية لان البنات محتاجة لده خصوصا الحنية هتكبر لتكون كالشجرة الراسخة
وربنا يوفقكوا

[No TiMe]

اكيد يا ابو حميد والكلام الي بتقولو
والحب عامل زي النبته لما ترويها بتكبر وتكبر
والناس بيحبو بعض علشان يخطبو ويتجوزز ومش بناخدها تسليله
يا جامعه هنا اوبن بوفيه الي عندو اي مشكله العمده هيحلها مش لازم في الحب في اي حاجه ممكن نساعدك فيها بس لمده شهر وندور علي عمده غيرووو

[hamada81]

عندى مشكله ياعمده وعايزك تحلهالى
الا وهى
حكاية حب
عباره عن بنت كانت بتحب واحد جدا وهو كمان كان بيقولها انه بيحبها جدا
وفضلوا مع بعض سنتين عايشين فى مية البطيخ
لغاية مابدء كل اللى حواليهم فى الحياه الجاده
اللى هى مرحلة الخطوبه والجواز وكده يعنى
قررت البنت انها تقوله يتقدملها لو هو مابادرش بكده
وبالفعل هو ماقالهاش حاجه فكانت حيرانه تقوله ولا لآ بعد ما خدت قرارها الاولانى
نصحتها احدى صديقاتها انها تقوله ؛وقالتلها انتى لو ماقولتلوش انا هقوله فاضطرت آسفه
انها تقوله الكلام ده وكان رده كالاتى
انا مقدرش افتح بيت دلوقتى ولو فكرتى شويه هتلاقى نفسك متقدريش تتحملى مسئولية البيت ده
انتى كمان.
فقالت له انت عارف انت بالنسبالى ايه وعلشان كده انا بقتنع بكلامك وبصدقك
بس ليه عندك طلب هو انك تقولى امته تقدر تقرر انك تتقدملى؛ وماقلتلوش تتجوزنى
البنت كل حلمها انها تتخطب الاول علشان تحس ان العلاقه دى جاده فعلا ومش لعب عيال
رد عليها وقالها متزنيش وبطلى رغى وانا هشوف اللازم واعمله
وفعلا المعلم شاف اللازم مظبوط فقرر انه يعمل حاجه غريبه قوى
انه يقولها انه مسافر
قال ايه يا اخويا
لغاية مايكون نفسه(على فكره هو ماكانش هايسافر ولا حاجه)
وفعلا قالها كده وهى قالتله ربنا معاك فى الوقت اللى كانوا صاحباتها بيقولولها سيبيه
وقالها انا هسافر سنه بالظبط وارجع اتجوزك
وبعد ماحصل كده عرف القصه دى وحده صاحبتها بس اوامه شويه
فقالتلها على اللى حصل وقالتلها ماتزعليش نفسك وبصراحه ابن خالتى بيحبك وعايز يتجوزك
وطبعا من غير ما تتأكد من حاجه قررت انها تسمع كلام صاحبتها(الواطيه)وتسيب الحبيب
الكلام ده كان بعد 5شهور من بعد الحبيب ما مشى
وبعد ما اتعرفت على ابن خالة صاحبتها حست انه بيحبها فعلا وممكن يعمل اى حاجه علشانها...(هبله)
فقررت انها تديله حبها اللى ماكملش وتكمل الطريق معاه اللى هو شكله مالوش آخر
بدأت الهبله انها تثق فيه وإدته من حبها اللى فوق اى إحتمال
بص بقه المفاجأه قالها ايييييييييييييييييه؟؟؟
إن الجواز بيموت الحب؛ وعلشان انا بحبك حب مالوش مثيل؛ مش عايز الحب ده يروح هباءا
فذهبت فى عالم أخر من الالم والحزن وقالت لنفسها انا ماليش بخت ولا هما اللى وحشين؟ولا ايه ؟
وكانت السنه خلصت اللى حبيبها قالها عليها؛؛؛؛؛؛ بص بقه حبيبها كان بيعمل ايه؟ كان بيشتغل
وكان مبرره كالاتى(انا قولت انى مسافر لانى كنت عارف ان لو حبيبتى عرفت طبيعة شغلى ممكن تسيبنى)وانا ماقدرش اعيش من غيرها
اشتغل فى المعمار واشتغل شيال واشتغل فى الزباله واشتغل فى حاجات من هذا القابيل
وربنا كرمه وفتح شركة مقاولات برغم انه كان خريج سياحه وفنادق
المهم علشان ماطولش عليك ياعمده
رجع صاحبنا لقى حبيبته مدمره ؛ولما عرف اللى حصل (من صاحبتها طبعا)مبقاش عارف يعمل ايه
هل يتجوزها ويفضل طول عمره عايش مجروح
ولا يبعد ويسيبها مجروحه(مع العلم )انه لسه بيحبها جدا برغم كل اللى عرفه وميقدرش يبعد
بس الكرامه يابنى
وهى لما عرفت طبعا ندمت جدا على اللى هى عملته ونفسها تعمل اى حاجه علشان يسامحها
طبعا المشكله دى اتعرضت عليا من الطرفين بس بما انك موجود ياكبير فأنا ماقدرش اعدى
حدودى
انت بقه قولى هى تعمل ايه؛وهو يعمل ايه
حل ياعمدتنااااا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟

[mr_ahmedhamdi]

ايه يا عم ده
بس هاقولك من الاخر الاثنين مش بيحبو بعض
بتقولى الواد هرب من المسؤلية والارتباط وبعدها اخترع لها انه مسافر وبعدين سافر انا مش فاهم حاجة يعنى لما سافر حس انه بيحبها والا ايه ؟؟
طب وطول السنة دي ماتصلش بيها والا ممعاهوش رصيد
وهى ما بتحبهوش لانها وببساطة اول ما طار العصفور دورت وسمعت لصاحبتها وعرفت واحد تاني اللى هو راخر بيتسلى ومش بتاع جواز
انا عاوز اقولك ان الراجل اللى يبقي مش عاوز يتجوز اللى بيحبها بيبقي بيطول منها حاجة فى الحرام معلش اسف انى بقول الكلام ده بس اخواتى من الجنسين اللى بيسمعونى دلوقتى احب انبهم للحاجات دي .
علشان كده مش عاوز يتجوزها وانت قولتلى انه بيحبها او هي حست انه بيحبها .
قولها ابتدي حياتك من جديد واختارى صح وعن استخارة .
وقول لصاحبك يختار عن استخارة ويبتدي حياته من جديد لانه ببساطة محبهاش ولا هى حبتوه
الحب شئ تانى خالص ومايعرفوش الا اللى حب واتجوز زيك كده مثلا يا حمادة وزيي ((قل اعوذ برب الفلق )) ((من شرحاسد اذا حسد))
يا بنات خليكي زى الجوهرة جوة فترينة عرض ممكن يشوفها من بعيد بس مايقدرش يلمسها ولا تكون ملكه الا لما يشتريها بالزواج طبعا ويطلع عينه
وياشباب اتقو الله فى نفسكم وفى بنات الناس واللى مخلص فيكم ادعوه انه يروح لاهل الانسانة اللى عاوز يرتبط بيها ويعرض ظروفه والله قبلو بيها كان بها ماقبلوش خلاص يبقي كل واحد عرف راسه من رجليه وماعيشناش فى اوهام .
وبعدين اي بنت محتاجة تحس بالامان وان اللى بتحبه فعلا مش بيلعب بيها ولا بيضحك عليها وده مش عيب طمنها يا اخى حسسها انك راجل وروح لاهلها .
وموضوع اصدقاء السؤ يا جماعة خدو بالكم المرء على دين خليله فالينظر احدكم من يخالل وبيأثرو فى بعض تأثير زى ........... كلمة مش عاوز اقولها لكن ما بيضيعش البنت او الولد الا اصدقائهم واولا طبعا بعدهم عن الدين فى ظل غياب الاسرة .
ربنا يكرم بنات وشباب المسلمين ويصلح الحال لكل الناس
تحياتى

[hamada81]

ياسلام عليك يا ابو حميد يا جامد
بجد عمده بصحيح
يعنى كده خلصت يابرنس
وعلى فكره ده كان رايي برده يا حج
بس يعنى يا عم احمد لازم تسيح كده

[No TiMe]

ايه يبني القصديه الي انت كاتبها دي
انا هقولك راي بقي
بص من الأاخر الولد يستاهل كل خير
لانو تعب وليه عذرو لأنو كان بيشتغل وطالع عينو ومش مشكله علشان معرفش انو يتصل عليها المهم كان بيحاول يعمل المستتحيل علشان يسعدها ولا يعيشو في حزن
اما بالنسبه للبنت وقعت ضحيهه لصحبتها استغلت سداجتها وضحكت عليها هيا وابن خالتها الي كان بيمثل انو بيحبها
والبنت ما صدقت ان لاقت حد يحبها وكان كمان يكمل معاها في الجوازر بس كانت مترتبه من صحبتها وابن خالتها
فا الولد يسمحها علشان استغلوها استغلال مش كويس والبنت برضو تعذر حبيبها علشان راح وهوا ناوي للجواز وطلاما رجع كرامتو محفوظه طلاما ليه عذر وعمر الي بيبحو بعض يسيبو بعض
ووفقني الله علي خدمه المنتدي
والسلام عليكم ورحمه الله وبركاته

[mr_ahmedhamdi]

انا مش معاك يا اسلام
الجواز معناه تزاوج الفكر والروح مزيج وخطة بين اثنين واتفاق مقدس بين طرفين مش من طرف واحد
الاخ اللى سافر ده سافر علشان يبنى نفسه لو هما متفقين على كده وبينهم الرباط ده اكيد مكنتش عرفت غيره
لكن البيه بمزاجه خطط لنفسه بدون مشاركتها فى حاجة وبسفره المفاجئ بدون اتصالات ولا اهتمام منه وايه المفروض يحصل منها
وواحد سافر سنة كاملة بدون ما يفكر يراسلها حتى ينفع الكلام ده ولو ماسفرش وضحك عليها تفسره بأيه ,, عمره ما يتسمى حب ابدا
وفيه واحد بيحب واحدة يفضل سنة كاملة من غير ما يكلمها ولا يسمع صوتها ايه ده
وبالنسبة للبنت لو مشينا على المثل اللى بيقول البعيد عن العين بعيد عن القلب ده حتى يا راجل مفيش اتصال
ده احنا فى عصر الانترنت والا ايه

[No TiMe]

والله قيم من يومك وبجد انت خليتي اقتنع بالفكره بتاعتك دي لا دماغ برضووو