(( قلبـــــــين فـ قلبــــــــــ ))


اللى بنَّا مش مجرد بس كلمه
أو حكايه الكل بيها يتحاكوا
جوه منا شوق بيكبر مش بيهدى
حب أكبر من غرام الكون بحاله

قلبين فـ قلب ..
هو دا حالى وحاله
عايشين سوا أجمل هوا .. مابنفترقش
دايبين فـ حب ..
بيحسنى وبحس ماله
بنَّا الغرام مش بالكلام .. مابيتوصفش

ومهما الدنيا تسرقنا .. مفيش حاجه تفرقنا
بنتقابل ونتلاقى .. بتبقى قلوبنا مشتاقه
وهمسه شوق تجمعنا

مفيش لحظه نعديها .. نتباعد نتوه فيها
ماهو فـ قلبى وويايا .. ملاك روحى ودُنيايا
حكايه الكون بيحميها

....