يعوض عليه..حبي ودمع عنيه

خلاص مبقيتش منك.
ولا اللي باقي مني يهمك.
خلاص روح وودعني..
ياجارح قلبي ياألمني..
ماتسألش عني ولا كأنك
كنت حبيب وأنا حبيبتك.

مالناش طريق لبعض تاني..
فبعادك نسيت حناني.
بقيت فعنيه أحن جاني..
خلاص مبقيتش منك.
ولا اللي باقي مني يهمك.

كان بس نفسي اقولك..
محبتنيش..ودمعتي حيشاني
كان نفسي اقولك...
كنت فحبك حقيقي بعاني
بس روح الله يسهلك

مش هقولك (حبيبي)وقتها..
كل زكريات جوايه ليك شلتها
ده أي كلمة حب مش هأمنلها..
خلاص مبقيتش منك.
ولا اللي باقي مني يهمك.

وانا ربنا يعوض عليه..
سهري وخوف قلبي ودمع عنيه..
ويصبرني أيامي اللي جايه.!