قهوتنا على الانترنت
ابحث عن :  
النتائج 1 إلى 8 من 8
  1. #1
    تاريخ التسجيل
    16 - 2 - 2009
    ساكن في
    عند ماما وبابا
    العمر
    30
    المشاركات
    212
    النوع : انثيEgypt

    تمام نصائح مهمة جدا للبشرة







    في البداية عايزين نعرف إيه هي خطوات تنظيف البشرة بشكل عام؟
    1 ـ غسيل البشرة بالغسول الخاص بها أو صابون طبي حسب نوع البشرة.
    2 ـ استخدمي (تونيك)؛ لأنه بيعمل على التوغّل في مسام البشرة.
    3 ـ ابدئي بمرحلة الصنفرة عن طريق عمل "الإسكراب" للبشرة، وده فايدته إنه بيزيل الطبقة الميتة من على سطح البشرة.
    4 – استخدمي ماسك مناسب لنوع البشرة.

    إزاي أحمي البشرة من أضرار أشعة الشمس؟
    بتعتبر الفترة من الساعة 12 إلى الساعة 3 هي أكثر فترة بتكون فيها أشعة الشمس ضارة على البشرة.. علشان كده دايماً بننصح أي بنت هتتعرض لأشعة الشمس في الفترة دي إنها تستخدم كريمات عازلة مكونة من (SPf)؛ لأن بها مادة تحمي البشرة من أشعة الشمس، وبها درجات حماية مختلفة حسب نوعية وحساسية كل بشرة.


    إيه هو الماسك الطبيعي المناسب للبشرة الدهنية؟
    ماسك البشرة الدهنية مكوناته (عصير خيار + ملعقة ماء ورد + ملعقة زيت زيتون + ملعقة دقيق) اخلطيهم كلهم مع بعض وحطيهم على وشك لمدة عشر دقائق، وبعد كده اشطفي وشّك بالماء الفاتر ثم الماء البارد.
    أو ماسك "طمي البحر الميت"؛ لأن البحر الميت به نسبة أملاح ويود عالية جدّاً ويعالج أيضا حب الشباب.

    والماسك الطبيعي للبشرة الجافة إيه؟
    البشرة الجافة أكثر عرضة لعلامات الشيخوخة فلا بد أن نهتم بترطيبها، والماسك المناسب لها يتكون من (ملعقة دقيق + ملعقة جلسرين + ملعقة عسل + أرز مطحون + 4 ملاعق لبن) نخلطهم مع بعض ونضعهم على الوجه لمدة سبع دقائق، وبعد كده نشطف الوجه بالماء الفاتر ثم الماء البارد.

    وفيه ماسك تاني مناسب برضه للبشرة الجافة مكوناته هي (ملعقة خميرة + عسل + 2/1 ملعقة زيت زيتون + ملعقة خل تفاح + ملعقة دقيق) نخلطهم مع بعض ونضعهم على الوجه لمدة سبع دقائق، ثم يغسل بماء فاتر ثم ماء بارد.
    وإيه هو الماسك المناسب قبل وضع الماكياج مباشرة؟
    مكوناته هي (صفار بيضة + زيت اللوز الحلو + قشر ليمون + ماء ورد + عسل + زبدة + دقيق + لبن) تخلطيهم على بعض وتحطيهم على الوجه لمدة ربع ساعة، وبعد كده تغسلي وشّك بالماء الفاتر ثم البارد.

    وإيه الماسك الخاص لشد التجاعيد وشد الترهّلات؟
    ده ماسك مهم جدّاً خاصة للبنات اللي بتعاني من ظهور التجاعيد مبكراً، ومكوناته هي (لب تفاحة + ملعقة نشا نذوبها في 2 ملعقة لبن + زيت زيتون + ملعقة دقيق) تخلطيهم كلهم مع بعض، وبعد كده تحطيهم على الوجه لمدة عشرة دقائق، ثم يغسل الوجه بماء فاتر ثم بماء بارد.

    وإيه علاج البشرة اللي بتعاني من الشحوب؟
    دي كمان ليها ماسك مكوناته هي (2 ملعقة خيار + 2 ملعقة ماء ورد + ملعقة بودرة حليب + ملعقة زيت زيتون) تخلطي كل المكونات دي مع بعض، وبعد كده تحطيهم على وشك لمدة عشرة دقائق، وبعد كده تغسلي وشّك بالماء الفاتر ثم البارد.

    بنات كثيرة عايزة يكون لون بشرتها محمرّ زي الورد تعمل إيه؟
    تستخدم ماسك مكون من (عصير ثلاث جزرات + 2 ملعقة عسل + ملعقة زيت زيتون + زلال بيضة + 4/1 حبة طماطم + 2 ملعقة دقيق) تخلطيهم مع بعض، وبعد كده تحطيهم على وشك لمدة عشر دقائق، وبعد كده يغسل الوش بالماء الفاتر ثم الماء البارد.

    البشرة المختلطة الماسك المناسب لها إيه؟
    (زلال بيضة + 2/1 ملعقة ليمون + 2 ملعقة بطاطس مهروسة + ملعقة عسل + ملعقة نشا) ونخلطهم مع بعض، وبعد كده نحطه على الوجه لمدة سبع دقائق، ثم يغسل الوجه بماء فاتر ثم ماء بارد. فهذا الماسك يساعد على أن البشرة تعمل لها نوعا من التوازن وتعادل توزيع الدهون.
    الماسك الخاص بتفتيح البشرة الداكنة إيه؟
    (ملعقة دقيق + ماء ورد + 4/1 ملعقة زيت خروع + ليمون + 2 ملعقة نشا مذوبة في لبن) تخلط المقادير دي كلها مع بعض، وبعد كده توضع على البشرة لمدة سبع دقائق، وبعد كده تغسل البشرة بالماء الفاتر ثم البارد.

    بنت عندها مناسبة فجأة وعايزة ماسك سريع لتفتيح ونضارة البشرة؟
    تستخدم ماسك مكون من (حبة بطاطس مهروسة + 2 ملعقة لبن + ملعقة نشا + ثلاث ملاعق دقيق ذرة + 4\1 ملعقة زيت زيتون + 4 ملاعق ماء أرز مسلوق) تخلط المقادير دي كلها مع بعضها وتضعهم على الوجه لمدة عشر دقائق فهذا الماسك يعمل على تفتيح البشرة بسرعة ومحاربة التجاعيد.

    ماسك للقضاء على السواد تحت العين؟
    باكيت شاي بعد غليانه ثم يترك على العين لمدة 15 دقيقة، ثم يغسل الوجه بماء فاتر ثم ماء بارد.
    أو (ملعقة نشا + ماء ورد + خميرة بيرة + لبن + زيت لوز + عصير خيار) وتخلط المكونات على قطعة شاش وتوضع على الوجه لمدة عشر دقائق.

    وازاي أعالج تشقق الشفايف؟
    (2 ملعقة فازلين + 4/1 ملعقة زيت زيتون) يوضع هذا الخليط على الشفايف كل يوم قبل النوم.

    الماسك الطبيعي لعلاج تشقق الكعبين إيه؟
    (ملعقة زيت زيتون + ملعقة فازلين + ملعقة زيت أطفال) ونخلطهم جميعا ونضعهم على القدم، ثم نرتدي كيس أو شراب قبل النوم.

    إزاي أعمل كريم صنفرة في البيت؟
    (دقيق + قشر ليمون + قشر برتقال + ماء + صفار بيض) وأخلطهم مع بعض وأضعهم على الوجه لمدة عشر دقائق.

    فيه ماسكات كثيرة جدّاً والبنات محتارة بينهم تعمل إيه؟ وهل يجب أن أغير الماسك من فترة إلى أخرى؟
    1 ـ لا بد أن البنت تتعرف على نوع بشرتها في البداية.
    2 ـ لا تستعجل على نتيجة الماسك. فالنتيجة تأتي بعد مرات عديدة.
    3 ـ أي ماسك موجود به نوع من الغذاء أحاول أن أقوم بتناول هذا الغذاء باستمرار ويجب أن أنوع في طرق الماسكات من فترة إلى أخرى حتى تعطي نتيجة إيجابية.

    وعدناكم إنكم تلاقوا مفاجأة في حوارنا النهارده والمفاجأة هي إننا عملنا حوار مع "عزة" المسئولة عن تجميل الحاجب في مركز تجميل "أشرف
    وسألناها:
    إزاي البنت تختار رسمة الحاجب المناسبة مع وجهها؟
    أول شيء يترتب عليه اختيار رسمة الحاجب هو شكل العين يعني:
    • لو العين ضيقة أرفع الحاجب وأوسّع عشان أظهر العين.
    • لو العين واسعة يبقى الحاجب لازم يكون عريض والجفن يكون مفتوح.
    • لو العين ضيقة أو مغمورة لازم الحاجب يكون رفيع عشان العين تظهر.

    وإيه هي موضة الحواجب دلوقتي؟
    الموضة هي الحاجب العريض ونازل بكرف بسيط في الآخر.

    هل استخدام الموس بيضر البشرة؟
    الموس يستخدم للبشرة الدهنية فقط؛ لأن الشعر بيعمل طبقة من الجلد فلا بد أنها تزال بالموس.

    استخدام الشمع والواكس بيضر الحاجب؟
    لا أنصح باستخدام الشمع أو الواكس؛ لإزالة شعر الحاجب؛ لأنه يسبب ترهّل للبشرة.

    ما الفرق بين قلم الحاجب والتاتو في رسم الحاجب؟
    القلم والتاتو يؤديان نفس الوظيفة، وكل واحد له مميزاته وعيوبه، فبالنسبة للتاتو يعطي شكلاً جميلاً للحاجب، وبيكون دائم، ولا تحتاج إلى رسم الحاجب أو استخدام ماكياج الحاجب.

    وعيوب التاتو إنه بيضعف بصيلة شعرة الحاجب، ويجعل نموه بطيئا لكن القلم والبودر بيقوموا برسم وتجميل الحاجب، والاختيار في الآخر بيرجع إلى الذوق الشخصي.
    ومن داخل القسم الخاص بتكييس العرائس كملنا حوارنا..
    وسألنا فريق العمل المسئول عن التكييس عن الفرق بين الحمام المغربي والحمام التركي، وما هو الماسك المناسب للجسم وتكييس العرائس؟
    أولا: خطوات تكييس العرائس بالنسبة للحمام المغربي يبدأ بـ:
    1 ـ الجلوس في ماء دافئ لمدة ساعة؛ لأن ده بيساعد على إذابة الجلد الميت.
    2 ـ نضع الصابون المغربي، ونستخدم ليفة مغربي لفرك الجلد.
    3 ـ نضع الطمي المغربي، ويفرك على الجسم.
    4 ـ نضع الماسك المناسب للجسم الدهني.

    والحمام المغربي يعتمد على زيت الزيتون، والماسك المغربي مكوناته (طمي مغربي).
    أما بالنسبة للحمام التركي:
    فيتكون من نفس خطوات الحمام المغربي لكن يستخدم فيه بدلا من الليفة المغربي الماسك الخاص به، وهو عبارة عن تركيبة بلدي والماسك عبارة عن (عسل + كوب زبادي + بياض بيضة + 2 ملعقة ترمس مطحون + 2 ملعقة حلبة مطحونة + ملعقة نشا) بعد كده نستخدم أي سكراب يكون سميك وهو عبارة عن (ردّة عيش + ماء ورد).

    وأخيراً سألنا عن الباديكير والمانيكير..

    ما الأشكال الحديثة لرسم الأظافر؟
    "الفرنش" موضة لا تنتهي بجانب وضع الإستراس على الصابع، و"الفرنش" عبارة عن أبيض أوف وايت يوضع على الضافر، ثم يوضع الأبيض الجيري على طرف الضافر، ثم نضع طبقة أوف وايت على أساس الضافر.

    وإيه هي خطوات تنظيف الأظافر؟
    1 ـ نقوم ببرد الضافر وهو ناشف.
    2 ـ ثم يوضع في الماء ثم يوضع كريم.
    3 ـ نستخدم خشبة للتنظيف تحت الضافر، ثم نعقّم القصافة، ونقوم بإزالة الجلد الميت، ثم نضع ملمع عن طريق إسفنجة، ثم نضع اللون..

    وإلى اللقاء في العدد القادم


    ن داخل القسم الخاص بتكييس العرائس كملنا حوارنا..
    وسألنا فريق العمل المسئول عن التكييس عن الفرق بين الحمام المغربي والحمام التركي، وما هو الماسك المناسب للجسم وتكييس العرائس؟
    أولا: خطوات تكييس العرائس بالنسبة للحمام المغربي يبدأ بـ:
    1 ـ الجلوس في ماء دافئ لمدة ساعة؛ لأن ده بيساعد على إذابة الجلد الميت.
    2 ـ نضع الصابون المغربي، ونستخدم ليفة مغربي لفرك الجلد.
    3 ـ نضع الطمي المغربي، ويفرك على الجسم.
    4 ـ نضع الماسك المناسب للجسم الدهني.

    والحمام المغربي يعتمد على زيت الزيتون، والماسك المغربي مكوناته (طمي مغربي).
    أما بالنسبة للحمام التركي:
    فيتكون من نفس خطوات الحمام المغربي لكن يستخدم فيه بدلا من الليفة المغربي الماسك الخاص به، وهو عبارة عن تركيبة بلدي والماسك عبارة عن (عسل + كوب زبادي + بياض بيضة + 2 ملعقة ترمس مطحون + 2 ملعقة حلبة مطحونة + ملعقة نشا) بعد كده نستخدم أي سكراب يكون سميك وهو عبارة عن (ردّة عيش + ماء ورد).

    وأخيراً سألنا عن الباديكير والمانيكير..

    ما الأشكال الحديثة لرسم الأظافر؟
    "الفرنش" موضة لا تنتهي بجانب وضع الإستراس على الصابع، و"الفرنش" عبارة عن أبيض أوف وايت يوضع على الضافر، ثم يوضع الأبيض الجيري على طرف الضافر، ثم نضع طبقة أوف وايت على أساس الضافر.

    وإيه هي خطوات تنظيف الأظافر؟
    1 ـ نقوم ببرد الضافر وهو ناشف.
    2 ـ ثم يوضع في الماء ثم يوضع كريم.
    3 ـ نستخدم خشبة للتنظيف تحت الضافر، ثم نعقّم القصافة، ونقوم بإزالة الجلد الميت، ثم نضع ملمع عن طريق إسفنجة، ثم نضع اللون..

    وإلى اللقاء






  2. افتراضي

    ميرسى ايمى على النصايح الجامدة دى
    وحشتينى اوووى

  3. #3
    تاريخ التسجيل
    19 - 11 - 2007
    ساكن في
    الاردن
    العمر
    32
    المشاركات
    14,186
    النوع : انثيJordan

  4. #4
    تاريخ التسجيل
    16 - 2 - 2009
    ساكن في
    عند ماما وبابا
    العمر
    30
    المشاركات
    212
    النوع : انثيEgypt

    افتراضي

    [quote=out of love;372476]ميرسى ايمى على النصايح الجامدة دى
    وحشتينى اوووى
    [/quoteميرسي جدا ليكي يا إيمان وانتى والله وحشتينى اوووووووووى

  5. #5
    تاريخ التسجيل
    16 - 2 - 2009
    ساكن في
    عند ماما وبابا
    العمر
    30
    المشاركات
    212
    النوع : انثيEgypt

    افتراضي

    اقتباس المشاركة الأصلية كتبت بواسطة ساندرا مشاهدة المشاركة
    تسلمى بارك الله فيكى
    انتى الى ميرسي ليكى يا قمر على مرورك

  6. افتراضي

    بارك الله فيكي

  7. #7
    تاريخ التسجيل
    16 - 6 - 2009
    ساكن في
    EgYpt = CaiRo
    العمر
    31
    المشاركات
    5,114
    النوع : انثيEgypt الفريق المفضل  : الاهلي

    افتراضي

    نصايح فعلا مفيده

    تسلم الايادى

    يتم نقله للقسم المناسب



    Pray For Me Plz
    دعوة وحدة مش كفاية


    البحث على جميع مواضيع العضو HoBa HoBa

  8. #8
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    نبض
    حرفك وحديث
    كلماتك
    هو الرافد لاي
    صفحه
    كانه عيد الاعياد
    يترك في المساحه
    فرحه
    فالياسمين تفتح بعطر بحروفك

    تحيه
    لك لروعه تواصلك ونقاء ودقه اسلوبك

    وسحر قلمك وروعه
    الفكره


 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©