√∫∫∫∫∫∫∫∫ هــتــوحــشــنــي ∫∫∫∫∫∫∫∫√

**xXx SHaDY xXx** · 15 - 4 - 2009, 02:27 AM

هتوحشنى يا حب عمرى
هتوحشنى بس ابقي زورنى

الدنيا خديتك منى وخدت كل افراحى منى
هستناك اشوفك في حلمى بعد ما خلاص بعدت عنى

موتك وجعنى وصحى فيا احزانى وهمى
موتك جرحنى وخلانى احس بوجع قلبي

نفسي تيجى و تاخدنى معاك
اموت في حضنك واحس انى معاك

ازاى تسيبنى لوحدى في الدنيا ديه
مش قلنا هنعيش سوا
ازاى تبعد عنى وتسيبنى في احزانى ديه
مش قلنا هنموت سوا

هفضل استناك واستنى اكون وياك
هفضل استناك وانا بتمنى اكون معاك

لو الدنيا تاخدنى ليك مش هتأخر ثانية
لو هتاخدنى لحضن عينيك مش هتراجع ثانية

بعد ما كنت معايا وايدى لمسة ايديك
دلوقتى بعدت عنى ولا قادرة اشوف عينيك

من بعدك بقيت في عذاب
وعينى ولا قادرة في يوم تنام

من بعدك ظلمتنى الايام
وخلاص قلبى من بعدك مات

مكنتش عارف هتوحشنى كده
ولا كنت عارف انك غاليه عندى كده

عشت علي حبي ليكي وهموت وانا روحى فيكي
عشت وهموت وانا بحبك وهستنى اموت جوا حضنك

**spider2009** · 15 - 4 - 2009, 02:46 AM

كلام اكثر من رائع
ومعاني معبرة جدا

**xXx SHaDY xXx** · 15 - 4 - 2009, 02:48 AM

ميرسي يابرنــس

نوورت

**الكتكوتة** · 15 - 4 - 2009, 04:11 AM

كلام مؤثر جدااااااااااااا
قلبت عليا المواجع
بس بجد موضوع مميز

**xXx SHaDY xXx** · 15 - 4 - 2009, 04:31 AM

المشاركة الأصلية كتبت بواسطة الكتكوتة

كلام مؤثر جدااااااااااااا

قلبت عليا المواجع

بس بجد موضوع مميز

ميرسي اوي ياجميل

نورتي بجد

وانا اسف اني قلبت عليكي المواجع

الموضوع: √∫∫∫∫∫∫∫∫ هــتــوحــشــنــي ∫∫∫∫∫∫∫∫√

أدوات الموضوع