عاوزة تفتحى بشرتك؟؟؟؟؟؟؟؟؟؟؟؟؟؟؟؟؟؟؟؟ ؟

**botta** · 15 - 4 - 2009, 04:05 PM

عزيزتى ..عاوزة تفتحى بشرتك؟؟

عادى

سهلة جدا

و الوصفات بالهبل

لكن لى سؤال
لونك الأساسى ايه؟؟؟؟؟؟؟؟؟؟؟؟؟؟؟؟؟

بشرتك أصلا بيضاء و الشمس أثرت فيها و انت عاوزة ترجعيها لطبيعتها؟

ولا انت أصلا سمراء أو قمحية و عاوزة تبقى زى ناس كده بلاش اقول هم مين؟؟؟

النصيحة اللى باقولهالك ان لو بشرتك أصلا مش بيضاء بلاش تلعبى معاها لعبة التفتيح،والله هتضريها و مش هتنفعيها أبدا لأن أى كريم تفتيح بيشتغل على خلايا الميلانين الموجودة فى طبقة داخلية للجلد،وهى أصلا ربنا خالقها كده و تأثير الكريم على المدى البعيد هو أمراض الجلد اللى لسه مش لاقيين لها علاج.

سامحونى لو كلامى ده هيزعلكوا بس والله من خوفى عليكوا بقول كده.
كل اللى ممكن تعمليه هو انك تحافظى على بشرتك من التعرض للشمس لفترات طويلة،ترطبى بشرتك بحاجات طبيعية،ما تبالغيش فى وضع الماكياج،ما تستعمليش الصابون كتير.
بس وكفاية كده علشان ما تدعوش عليا

يا رب تبقوا كلكوا أحلى الناس و ربنا ينور وجوهكم و قلوبكم بالايمان