(أفشل موضوعاتى):عمرك عملت موضوع و تعبت فيه أوى و توقعت عشرات الردود. و فى الآخر.

[الكتكوتة]

السلام عليكم و رحمة الله و بركاته
بسم الله الرحمن الرحيم
اخوانى و اخواتى
أعضاء المنتدى الكرام

كتير أوى بنكتب مواضيع
و بنكون بنحلم بأن الردود تنهال و تنهمر علينا
و كلمات المدح و الشكر
تملأ صفحات الموضوع
و المشرفين يدخلوا كلهم و يقولوا :
ايه ده؟! ايه الحلاوة دى يا جدع؟!

الموضوع ده لازم يتثبت لاااازم
و يدخل مدير المنتدى و يشكرك على اضافتك القيمة للمنتدى
و اسمك يلعلع فى ساحات المنتدى الواسعة
و تدخل المواضيع التانية تلاقى الناس بيتكلموا عنك و عن موضوعك الجميل

المهم
تعمل الموضوع و تتعب فيه و تنسقه
و تقعد مستنى
تعدى ساعة ساعتين
و محدش معبر الموضوع
و الموضوع يغوص فى اعماق صفحات الساحة
و تضطر تدخل و تقول :
ايه يا جماعة محدش بيرد ليه؟ هو الموضوع مشش عاجبكم؟
و حتى بعد ما تكتب السؤال ده
برضه محدش يدخل حتى يقولك لا يا سيدى مش عاجبنا!!

و تمر الأيام
و يتعاقب الليل و النهار
و بعد مرور عشرات الايام و الموضوع زى الفل كما ولدته أمه

و فجأة
تجد هناك رد جديد فى الموضوع
و الموضوع طلع فوق من تانى
هيييييييييييييييييه
حد رد عليا!!!
تفتح الموضوع و تشوف
تلاقى عضو تانى داخل بيعمل اعلان عن موضوعه!!!
و حتى ماقلش اى كلمة شكرو لا السلام عليكم ولا اى حاجة؟!



أنا متأكد ان ده بيحصل مع ناس كتير
و بشوف الحكاية دى كل يوم
و أنا بتجول فى ساحات المنتدى

قلت أعمل الموضوع الغريب ده

نجمع فيه كل مواضيعنا ال (فاشلة)
أو اللى تعبنا فيها و محدش رد عليها

يعنى كل واحد عنده موضوع بالشكل ده
يدخل
و يضع الرابط بتاعه هنا
و يحكى حكايته

و كمان نتناقش مع بعض
ايه اسباب نجاح بعض المواضيع و فشل البعض الآخر
ايه عوامل نجاح المواضيع؟
كيف تجذب انتباه الأعضاه؟
هل سبب نجاح او فشل الموضوع هو عنوانه او محتواه او تنسيقه او العضو اللى كتبه؟
وللا ايه بالضبط؟؟


فى انتظار مشاركاتكم الكتير اوى اوى اوى......

[احمد طنطاوي]

هي فكرة التجميع فكرة صائبة وجميلة .. ولكن موضوعك سوف
تسبقه الفكرة والسمعة ويقال ( ياعم كبّر دماغك ) دي روابط
المواضيع الفاشلة .. فيزداد فشل علي فشل .. ؟
هذا رأيي .. والسلام والشكر لك .. كتكوتة .

[شيري العسولة]

هههههههههههههههه
والله انا معاك يااحمد فى رائيك ده

وشكرا ليكى ياقمر

[بسبوسة]

هل سبب نجاح او فشل الموضوع هو عنوانه او محتواه او تنسيقه او العضو اللى كتبه؟
ده السؤال الصح
انا من وجهه نظرى ان السبب فى الدخول ام لا العضو نفسه ,,,,,,,
ازاى انا هقولك , ان لو العضو ده مصاحب كتير فى الكافيه بيدخله كتير لان كل واحد بيدور على مواضيع اللى يعرفه, او يكون اسم الموضوع شده وده نادرا
ودى كانت وجهه نظرى وشكرا على الموضوع وياريت نكون صحاب وندور على مواضيع بعض يا كتكوته

[الكتكوتة]

هي فكرة التجميع فكرة صائبة وجميلة .. ولكن موضوعك سوف

تسبقه الفكرة والسمعة ويقال ( ياعم كبّر دماغك ) دي روابط
المواضيع الفاشلة .. فيزداد فشل علي فشل .. ؟

هذا رأيي .. والسلام والشكر لك .. كتكوتة .

وجهة نظر برضه ميرسى لمرورك

[الكتكوتة]

هههههههههههههههه
والله انا معاك يااحمد فى رائيك ده

وشكرا ليكى ياقمر

مرسى ليكى يا قمر

[الكتكوتة]

هل سبب نجاح او فشل الموضوع هو عنوانه او محتواه او تنسيقه او العضو اللى كتبه؟
ده السؤال الصح
انا من وجهه نظرى ان السبب فى الدخول ام لا العضو نفسه ,,,,,,,
ازاى انا هقولك , ان لو العضو ده مصاحب كتير فى الكافيه بيدخله كتير لان كل واحد بيدور على مواضيع اللى يعرفه, او يكون اسم الموضوع شده وده نادرا
ودى كانت وجهه نظرى وشكرا على الموضوع وياريت نكون صحاب وندور على مواضيع بعض يا كتكوته

انا اكيد هبقى سعيدة لو بقينا اصحاب ونتابع مواضيع بعض
ميرسى لمروورك

[khalouda]

هههههههههههههههههههههه

فكرة رائعة بعد كدة انا هعمل مواضيع فاشلة كتير عشان تتحط هنا هيييييييييية

[taher said]

بس ي

ا ستى طلما الموضوع حلوة وانتى متاكدة خلاص الثقة فى النفس شى جميل مش لازم روداد

[سهر الليالي]

انا كمان اتسال زيك عن سبب عدم الردود مع ان فية مواضيع حلوة تستحق الشكر والاطراء
لكى خالص ودي واحترامي