سؤال فى مشكلة محتاج اجابة شافية ووافية

[khalouda]

طبعا فية شباب ليهم اخوات بنات وبيبقوا حلوين وطعمين لدرجة انة ممكن يخاف عليها ان

يحصلها اى مكروة وفجأة بالصدفة يجيلة واحد صاحبة يقولة انا شوفت اختك امبارح مع

واحد وشكلهم مديين على حب

فبالتالى طبعا الاخ هيروح لاختة ويعمل راجل ويقوم ماسكها من دراعها ويقولها انتى كنتى

فين امبارح ومتكدبيش عشان انا شايفك بعينى

فطبعا اختة هتقولة انا كنت مع صحباتى وبنتمشى هيقلها على الفور انتى كدابة انا شايفك

مع واحد مين هو دة ؟

البنت هتوة فىلا الكلام وتقولة اكيد مش انا فالاخ هيرد ويقولها هتقولى الحقيقة ولا اقول لماما وبابا

البت هتسكت شوية وهتقولة طب لو قلتلك الحقيقة مش هتقلهم ولا هتضربنى

فالاخ طبعا مش هعمل حاجة بس هتقولى عشان محدش يضحك عليكى

هتقوم الاخت هتقولة دا فلان وانا بحبة وهو بيحبنى وهيتقدملى

فالاخ هتاخدة الشهامة ويوقم ضاربها بالالم

فالاخت هترد وهيا بتعيط هتقولة ما انتا كمان شوفتك كذا مرة مع كذا بنت وانتم كمان

ماسكين ادين بعض على الاقل هو مكنش ماسك ايدى ولا عمرة مسك ايدى

فالاخ هيسكت وهيقولها انا ولد وفية فرق بين البنت والولد انا اعمل اللى انا عاوزة لكن انتى لاء

هترد البنت هتقولة طب ماهم البنات اللى بتعمل معاهم كدا ليهم اخوات صبيان برضو

ا وبيخافوا عليهم ولا انتا مش بتحب غير نفسك وبس


ياريت رأى الشباب والبنات فى الموضوع دة اية ؟

وياريت نناقش بجدية لانة موضوع خطير جدا

[شيري العسولة]

ياريت رأى الشباب والبنات فى الموضوع دة اية ؟

بص هو ده الواقع يعنى الاخ ميقبلش على اختة كده بس اول مايشوف بنت حلوة يجرى وراها وينسي ان لية اخت وبعد كده
عايز يحاسب اختة طيب مايحاسب نفسة الاول ولا لما يجي امام ربنا سبحانة وتعالى هايقولة انا ولد واعمل اللى انا عايزة
متهيالى غلط البنت زى الولد عند ربنا
اما الواقع فالولد عادى لو عمل اكتر من كده اما بنت ممكن يقتلوها لو عرفوا
لا بص انا مش مع ضد البنت اللى تحب قبل الخطوبة خالص بس المهم من الحب الثقة يعنى لو متاكده انة ده زوج المستقبل ان شاء الله
اما حكاية اخوها دى ولا تخاف ولا تعمل والله اخوها ماتصرفش بعقلنية وراح مثلا يتعرف ع الولد ويدرس اخلاقة علشان
يكون مطمن على اختة
وتصرف بقى بطيش انا بنصحها تروح لمامتها او باباها على حسب اكتر حد بيفهمها وتحكيلة وطلع اخوها من الموضوع خالص مدام واثقة من الانسان اللى معاها

وربنا يعقل كل اخ ويخلية يتقى ربنا

شكرا ليك لموضوعك الجميل

ووياريت تقولنا رائيك اية
ومنتظرة رائى الشباب كمان

[khalouda]

ياريت رأى الشباب والبنات فى الموضوع دة اية ؟

بص هو ده الواقع يعنى الاخ ميقبلش على اختة كده بس اول مايشوف بنت حلوة يجرى وراها وينسي ان لية اخت وبعد كده
عايز يحاسب اختة طيب مايحاسب نفسة الاول ولا لما يجي امام ربنا سبحانة وتعالى هايقولة انا ولد واعمل اللى انا عايزة
متهيالى غلط البنت زى الولد عند ربنا
اما الواقع فالولد عادى لو عمل اكتر من كده اما بنت ممكن يقتلوها لو عرفوا
لا بص انا مش مع ضد البنت اللى تحب قبل الخطوبة خالص بس المهم من الحب الثقة يعنى لو متاكده انة ده زوج المستقبل ان شاء الله
اما حكاية اخوها دى ولا تخاف ولا تعمل والله اخوها ماتصرفش بعقلنية وراح مثلا يتعرف ع الولد ويدرس اخلاقة علشان
يكون مطمن على اختة
وتصرف بقى بطيش انا بنصحها تروح لمامتها او باباها على حسب اكتر حد بيفهمها وتحكيلة وطلع اخوها من الموضوع خالص مدام واثقة من الانسان اللى معاها

وربنا يعقل كل اخ ويخلية يتقى ربنا

شكرا ليك لموضوعك الجميل

ووياريت تقولنا رائيك اية
ومنتظرة رائى الشباب كمان

تمام كلامك سليم وانا معاكى فى حكاية ان البنت تقول باباها ومامتها بحيث ان اخوها مايفضلش ماسكلها زلة قدام ابوها وامها وفى نفس الوقت ان مفيش مانع انها تقول لباباها ومامتها دا لو مش بتعمل حاجة غلط والحب فعلا عمرة ما كان عيب ولا حرام

تسلمى ليا ياعسولة وردك المهم

[sweet girl]

انا من رايى مفيش فرق بين البنت والولد ،البنت كمان لها قلب ومن حقها تحب، وبعدين ربنا مفرقش بين البنت والولد يعنى لو حرام ان البنت تخرج مع واحد يبقا حرام كمان ان الولد يخرج مع واحده،
لكن التفرقه بين الولد و البنت مجرد عادات خاطئه فى المجتمع العربى....

موضوعك رائع

[esra2]

أنا هقول وجهه نظرى و أعتقد أنها صح
(معلومه:أعتقد يعنى فيها يقين أما أظن فممكن أه أو لأ)
هيا حتى لو بتحب واحد المفروض متمشيش معاه أحنا فى مجتمع شرقى
بس الصبيان المفروض كمان مش يخلوه حلال ليهم و حرام على غيرهم
عن نفسى أنا فى مره فى واحد أعرفه بس ميقرابليش حاجه و مشينا حته صغيره سوا لأننا كنا فى طريق واحد و أول ما رجعت قنبت نفسى عشان رضيت فما بالك أنت بقى أنى أمشى مع واحد حتى لو كان حبيبى مينفعش
و الولاد المفروض يتلموا و يخلوا عندهم أخلاق
و اللى ميرضاهوش لأخته و أمه
ميعملهوش و إلا هم أحر ار
و دى وجهه نظرى و مستنيه تعليقك

[مونمون]

انا رايى ان البنت كدة هى اللى غلطانه
لان انا مش شايفه اى سبب يخلى البنت تمشى مع شاب الا اذا كان
خطيبها او زوجها وهى اللى جابت الكلام لنفسها
اما بالنسبه للولد فهو كمان غلطان لان لو هو شايف دة غلط
يبقى ميعملوش هو كمان هى فوضى امال يبقى قدوتها ازاى
وربنا يحمينا ويسترنا اللهم امين

[العاشقة]

أكيد ياخالد الراجل اللى وخداه الرجوليه والحمشنه ورايح لأخته يسألها ويضربها
هو مش عارف ان اللى هيعمله لازم يتعمل فيه كما تدين تدان
فالحل انها لو بتعمل حاجة تعملها فى النور علشان محدش يكسر عينها بحاجة زى مابيقولوا متبقاش خايفة من حد
والولد أما يلاقى بنت ويقول همشى معاها نقضى يومين ونشوف غيرها يفتكر ان ليه أخت ولو مالوش فيما بعد هيبقه ليه زوجه أو بنت
ربنا يهدى ويعفو عنا
موضوعك رائع
تقبل مرورى