يا ريتني ورده وانتي برمش عنيكي تحييها ...

**انتهينا** · 16 - 4 - 2009, 03:47 PM

بحبــــــكـ

ياريتنى وردة وانتي برمش عنيكي تحييها

واوهب روحي لعنيكي عشان عنيكي تشوف بيها

وأعيش بين الجفون عبدك واشوف الدنيا من عندك

ولو طال في يوم حزنك أكون دمعه على خدك

عشان بإديكي تمحيها وافضل كدا علطول جنبك

ياريتني ورده وانتي برمش عنيكي تحييها

يا ريت روحي كانت تقدر تطير وتهيم على غصنك

وأضم الورد بجناحي واضلل بيه على حسنك

وأبيع عمري فدا عمرك وأقوم بدري في أدان فجرك

أصلي الفجر مع فجرك وأكون نسمه على شعرك

عشان بايديكي تحميها وافضل كدا علطول جنبك

يا ريتني ورده وانتي برمش عنيكي تحييها

ياريتني كنت انا ورده من الورد الي حواليكي

مكنتش عمري يوم هدبل عشان هشرب ندا ايديكي

وكنت هفضل كدا اوصفلك جمال وسحر ونور ضلك

وأقول للشمس تنزلك وأقرب القمر كمان ليها

يا ريتني ورده وانتي برمش عنيكي تحييها

بقلمي العاشقـ

**~~khalouda~~** · 16 - 4 - 2009, 03:55 PM

تسلكم انتهينا على ها الكلام الجميل

واحساسك وصل لقبلبى باقصر الطرق

شكرا انتهينا وبانتظار كل جديدك

**No TiMe** · 16 - 4 - 2009, 04:00 PM

بجد انت فنان يا كبير
وبجد تسلم احساسك الجميل اوي اوي دا
وكلامك الجميل اوي
تسلم فعلا
كلام يوصل من القلب للقلب
وربنا يهنيك بيها يا احمد
اخووك اسلام

**انتهينا** · 16 - 4 - 2009, 04:14 PM

ميرسي ليك يا خالد على كلامك الجميل ده

وميرسي ليك يا اسلام يا حبيب ألبي بجد مش عارف اقولك ايه يا قمر

**هوبة الحبيب** · 17 - 4 - 2009, 01:45 AM

بصراحة جامدة اوووووووووووووووووووووووو ووووووووووووووى ربنا خليك يارب ودايما تفوق ونجاح اخوك ايهاب

**Mr.Mo0ody** · 17 - 4 - 2009, 03:05 PM

موضوع جميل يا احمدد كعادتك

شكرا لموضوع وتقبل مرورى

**عمروو** · 17 - 4 - 2009, 07:37 PM

يا ريتني ورده وانتي برمش عنيكي تحييها

تسلم ياغالى لموضوعك الجميل

القلب الكبير

**شيري العسولة** · 17 - 4 - 2009, 07:44 PM

جامده جدا يااحمد تسلم بجد
كلامك كلة جمييييييييييييييييييييييي يييييييييل جدا واحساسك رائع
دمت بالخير
ولك تحياتى لقلمك المتميز

**انتهينا** · 18 - 4 - 2009, 04:18 PM

ميرسي ليكم عالمجامله الحلوه دي

ميرسي ليك يا هوبه ويا مودي ويا عمرو ويا شيري

تحياتي

**أسوو** · 19 - 4 - 2009, 01:49 AM

ازيك يا منتهي الصلاحيه
وحشتني عامل ايه
وايه الكلام الكبير دا
احنا كبرنا اهه
مش نركز فالمذاكرة شويه ولا ايه
لا بس جامدة اوووى ممكن استعير جزء منها بقي انت عارف ليه طبعا
لو بتشوف باقي القبيله سلملي عليهم اووى ان شاء الله قريب هرجع من تاني انورلكو المنتدي
بس الكلام جااااااااااااااااااامد

الموضوع: يا ريتني ورده وانتي برمش عنيكي تحييها ...

أدوات الموضوع

يا ريتني ورده وانتي برمش عنيكي تحييها ...

معلومات الموضوع

الأعضاء الذين يشاهدون هذا الموضوع

المواضيع المتشابهه

كل لحظة تمر عليكي وانتي يامصر طيبة

►█◄اليكي أنتي يا أمي ♦♦►█◄

... اليكي ..... يا من قلبت احوالي ... اليكي يا حبيبتي ...

الكلمات الدلالية لهذا الموضوع

ضوابط المشاركة