~~ ماذا تفعل عندمـــا تتغيــر معاملة شخص غالي عليــك ~~

[salama10]

اولا نورت المنتدى من تاني
ثانيا اسمحلي ارد في موضوعك
بصراحة انا شوفت من كده كتير بس لو حصل مني انا بروح وبقول للشخص ايه اللي عمله
اما لو كان العكس برضو بحاول بقدر الامكان استفهم منه ليه المعاملة اتغيرت وليه عمل كده
يعني مش بحب يكون في حاجة غامضة سواء كانت مني او العكس لازم الصراحة في كل حاجة
أشكرك على موضوعك الجميل تحياتي ليك

المنتدى طبعا منور بالاعضاء المحترمين اللى موجودين فيه وانتى اولهم يانهى

وبعدين منامتى وانتى بتستأذنى قبل ماتردى فى اى موضوع ليا

ندخل فى الموضوع

كلامك كله صح

فعلا لازم اكون انا عملت حاجة او هو عمل حاجة غلط

يا اما فى واحد فينا مجنون

او ممكن تكون وشاية زى ماعماد قال

بس لازم يتأكد

قال تعالى

(يا ايها الذين آمنوا ان جاءكم فاسق بنبأ فتبينوا)

صدق الله العظيم

مرورك نور صفحاتى المتواضعة

دمتى بخير وود دائما

[salama10]

واظن كلام نهى كفاية هى جابت الخلاصة
تحياتى يا سلامة موضوع جامد جدا

شكرا ليك يا ابوحميد

طبعا مرورك زادنى شرف وزاد الموضوع تألق

دمت بخير وود دائما

ولا حرمنا الله من اطلالتك المميزة

[salama10]

موضوع جميل سلامه

واكيد من شخص اجمل
واللي اعرف يا سلامه
اللي بيكون في قلبو مشاعر للتاني لازم يصارحو
حتي لو كان عارف ان مشاعرو للتاني هيقبلها بالرفض
بدل ما تعلق نفسك قولو حتي لو كنت متوقع منو رد سلبي
ريح اللي في بالك ولا تعذب نفسك
دا راي يا رب يكون مقنع تقبل مروري

شكرا لمرورك يا اسلام

بس اسمحلى

انت تطرقت الى نقطة لاتمت للموضوع بصلة اساسا

دمت بخير وود

ومشكور للمرور

[salama10]

اولى شى ادور فى قرارة نفسى وافتح جوجل واعمل سرش عن اسمه يعنى مثلا لو هو احمد اكتب مشكلاتى مع احمد وادور على السبب منفعشى جوجل نفسى ادور على الاخرين يمكن يكونا لاحظوا شى عليا او معاملة ليه عاملته بيها وحش وانا مش دارى لو منفعتش يبقى التمس العذر زى ما قال النبى عليه الصلاة والسلام التمس لاخيك المسلم سبعين عذرا فان لم تجد له عذر فقل لعله له عذر صدق رسول الله صلى الله عليه وسلم وبرده مقطعشى علاقتى بيه وارد الغلظة بالرافة والشدة بالرحمة واقف جنبه ممكن يكون فى محنة الله اعلم

طبعا ياوليد انت انسان رائع

وقلما يتواجد من هو مثلك

بس فعلا كلنا لازم نحذو حذوك

(وخيرهما الذى يبدأ بالسلام)

دمت بخير وود دائما ياصديقى

[salama10]

تحاول تقترب منه .. وهو يبعد عنــــك ..

والمشكلة اللي اكبــــــر من هذا كلّه .. إذا كانت علاقتك أنت وهو قويــــه ..

مع انك الوحيد اللي كنت فاهم انك عنده بالحياة ..

اول حاجة مشكوووور يا سلامة علي الموضوع الجامد ده

بتحصل كتير
بس مستحيل ان واحد تكون علاقتك بيه قوية و في نفس الوقت انت بتقرب و هو بيبتعد

ممكن انت اللي تكون موهوم ان علاقتكك بيه قوية

انا مش بعارض كلامك
انا حصلتلي الحاجات دي كتير اوي

ممكن من كتر ما بتحب شخص او متعلق بيه تخليه كل حياتك
و تتخيل او بتتمني انه يبقي كل حياتك لكن في نفس الوقت انت بالنسبه له شخص عاديزي اي شخص
و لكن لما بتفوق بتكتشف ان كل ده وهم و مالوش اي اساس
عشان كده تحس انه متغير
لكن مفيش حد تبقي علاقتكوا ببعض قوية و في لحظة تحس انه متغير

تقبل كل تقديري و احترامي

كلام يستحق التفكير ووجهة نظر تستحق الاحترام

فعلا انت عندك حق

ممكن انت تكون من جواك حاسس انه كل حاجة بالنسبة ليك

وبعد فترة تكتشف انك ولا حاجة بالنسبة له

كلامك فعلا مش محتاج تعليق منى

دمتى بخير وود دائما

magical girl

ولا حرمنى الله من اطلالتك المميزة

لكى منى كل الاحترام والتقدير