ضربوا الاعور علي عينه ... قال يلا مهي خربانه خربانه

[Young DeviL]

عجبني جدا المثل الشعبي اللي بيقول : قرد قالوله هنسخطك .. قال هبقي غزالة يعني ؟ مش فارقة !

مش عارف الحقيقة المثل ده مين اللي قالهولي وللا انا اللي اخترعته .. لكن المهم انه بيحمل معني جميل جدا !

فهو نفس فكرة المثل الأخر الذي يقول ضربوا الاعور علي عينه . قال خسرانة خسرانة ..!
بشكل اوضح . لو احنا كرجالة خدنا حقوقنا المنهوبة من الستات كما يزعمون . فاحنا كدا كدا لينا حقوق تانية بالكوم مش واخدينها علي المستويات الاخري . بداية بالمستوي الحكومي الي الاجتماعي مرورا بالقانوني والرياضي الي أخره !
فجت علي دي يعني خلاص ؟! ولا مش عارف يتشطر عالحمار قال اتشطر عالبردعة !
فالرجال في مصر اخر ما سمعنا منهم انهم يفكرون جديا في انشاء جمعيات لتحقيق المساواة وحفظ حقوقهم امام المجتمع والقضاء علي ظاهرة العنف النسائي ضدهم ! والكلام حقيقي وليس تهريج !
فقد اثبتت الدراسات الحديثة ان :
سيدات مصر أصبحن أصحاب الرقم الأعلى في التصدي للأزواج متفوقات على كل سيدات العالم بمن فيهن الأمريكيات اللاتي جئن في المرتبة الثانية بنسبة تبلغ 23% والبريطانيات اللاتي جئن في المرتبة الثالثة بنسبة تبلغ 17% ثم الهنديات المسكينات في المرتبة الرابعة بنسبة 11% فقط
بينما المصريات جئن في المرتبة الأولى منذ عام 2003م بنسبة 23% وارتفعت بعد ذلك عاماً بعد الآخر لتبلغ 28% في نهاية العام 2006م. .. و أكدت دراسة اخري قام بها المركز القومي للبحوث الاجتماعية :
ان السنوات الماضية شهدت زيادة في معدلات ضرب الزوجات لأزواجهن لتصل في عام2003م إلى 23% ثم ما لبثت ان ارتفعت في الأعوام التالية إلى 28% وهي من أعلى المعدلات على مستوى العالم مقارنة بالحوادث المماثلة في عديد من الدول.
ففي الولايات المتحدة تصل هذه النسبة إلى 23% وفي بريطانيا 17% والهند 11%.. وتبين ان النسب الأعلى تكون في الأحياء الراقية والطبقات الاجتماعية الأعلى، أما في الأحياء الشعبية فالنسبة تصل إلى 18% فقط !
كل ده ادي لقيام اصوات رجالية من اللي هية . تزعق وتصرخ وتجعر وتنادي بان نهب هبة رجل واحد . وان نأخذ من كل قبيلة رجلا . لنقضي علي اتباع الجنس الجديد ! قصدي جنس الستات .. وبلا رجعة !
وانا اقول بكل ثقة : مش اما تعرف الاول تعمل اي حاجة تانية تبقي تقدر علي دي ؟!
خلاص يعني عرفنا ناخد حقوقنا في كل حاجة ومش فاضل الا دي ؟!
عرفنا نقضي علي كل حاجة غلط في الحياة وبقي كله تمام وبقي فاضل ان الستات الوحشين التنانين اللي بيطلعوا نار من مناخيرهم بيضربونا وبيبهدلونا بلبسهم الفظيع في الشوارع و الخلع في المحاكم علشان ناخد حقنا منهم وننشئ جمعيات تقف معانا امامهم.. مهو حقهم بصراحة ..قالوا لفرعون يا فرعون ايش فرعنك ..قال ملقتش حد يلمني !
في مثل تاني شهير جدا فيما معناه .. :

انك لولا انحنائك ما تعلق باكتافك احد !
بمعني اخر:
راجل من اللي بقينا بنشوفهم .. بيروح شغله بينافق في مديره وبيكدب علي طول الخط وبيسرق وبيقبل الرشوة وبيتوسط لمعارفه علشان يشغلهم في اي شغل حتي لو مبيعرفوش فيه وبيستغل سلطته في تسهيل حاجات كتير ومصالح ليه و لمعارفه .
وبيقعد عالقهوة يلعب دومينو وطاولة زي العيال الصغيرة و مش بيتفرج الا علي روتانا سينما وسايب مراته وبناته يخرجوا بالبادي والبنطلون الجينز او بأي هدوم تانية من الي بنستفظعها كل يوم ..
واحد شايف بنته بتفتح قدامه باب البيت علشان تخرج و يتفرج علي منظر بنته عريان بالشكل ده وبالنسباله عادي ان اي حد يتفرج براحته عليها !..
و مش بيمارس حياته الزوجية الطبيعية غير بالفياجرا ( 6 مليار جنية سنويا علي الفياجرا .. والرقم من مصر ! )
وبيشرب حشيش ( 68598 % من رجالة مصر بيشربوا حشيش !! ) وبيسمع اغاني بعرور وشعبان وجرجير وغيرهم من اللي بينزلوا قصائد في شرب الحشيش وعشق العنب والبلح وقرع العسل .
و مهما يحصل أدامه مش بيتكلم وحاطط لسانه جوه بقه رغم قدرته علي فعل شئ .
بمعني اخر لا علاقه له بالرجولة غير شئ فسيولوجي كلنا عارفينه ! . مش هو ده النموذج المنتشر الأن والقلة اصبحت في نقص مستمر ؟!
واحد زي كدا مراته مش هتضربه ازاي ؟!
مش هتبص لواحد غيره ازاي ؟!
لو الحياة معاه كويسة هترفع عليه قضية خلع ليه ! ..اكيد في حاجة هيا محتاجاها منه وملقتهاش فيه !
اخيرا .. المعروف ان لما الرجل بيفسد .. الست هيا كمان بتفسد ..وبتتحول تبعا لتحوله ..
لو فعلا المجتمع ده بقي فيه رجالة بجد هنلاقي كمان فيه ستات بجد
وطول ما فيه اشباه رجال ..هيبقي فيه اشباه ستات !
اخبارنا انتهت
طاب مساؤكم ! [IMG]http://www.**************/vb/images/smilies/patch_sal.gif[/IMG]

[طيف عابر]

فعلا عندك حق
الرجل ممكن يكون سبب فساد او اصلاح الاسرة والمجتمع
وفاقد الشيء لا يعطيه
لو الرجوله معدومة مش لازم يطالب بمعاملته كرجل
تسلمي يا قمر

لو الحياة معاه كويسة هترفع عليه قضية خلع ليه ! ..اكيد في حاجة هيا محتاجاها منه وملقتهاش فيه !
اخيرا .. المعروف ان لما الرجل بيفسد .. الست هيا كمان بتفسد ..وبتتحول تبعا لتحوله ..
لو فعلا المجتمع ده بقي فيه رجالة بجد هنلاقي كمان فيه ستات بجد
وطول ما فيه اشباه رجال ..هيبقي فيه اشباه ستات !

[salama10]

ان السنوات الماضية شهدت زيادة في معدلات ضرب الزوجات لأزواجهن لتصل في عام2003م إلى 23% ثم ما لبثت ان ارتفعت في الأعوام التالية إلى 28% وهي من أعلى المعدلات على مستوى العالم مقارنة بالحوادث المماثلة في عديد من الدول.

فين الرقة والانوثة بقى

كل ده ادي لقيام اصوات رجالية من اللي هية . تزعق وتصرخ وتجعر وتنادي بان نهب هبة رجل واحد . وان نأخذ من كل قبيلة رجلا . لنقضي علي اتباع الجنس الجديد ! قصدي جنس الستات .. وبلا رجعة !

وشهد شاهد من اهلها

[ساندرا]

[Young DeviL]

فعلا عندك حق
الرجل ممكن يكون سبب فساد او اصلاح الاسرة والمجتمع
وفاقد الشيء لا يعطيه
لو الرجوله معدومة مش لازم يطالب بمعاملته كرجل
تسلمي يا قمر

دايما تحرقي الموضوع كده وتجيبي المختصر المفيد

فين الرقة والانوثة بقى

وشهد شاهد من اهلها

هرد عليك رد واحد بس " اذا كان رب البيت ضارب بالدف فشيمه اهل البيت الرقص "

ونورت الموضوع

نورتي يا ساندرا

[eng.abdo1]

موضوع جامد وعندكم حق

[Ali Pharouq Najar]

ههههههه
رائعة
بصدق الحرف
موضوع مميز .. ووسام إبداع

[محمد أبراهيم]

سلمت
هذه الايادي
على المجهود
والفكره الرائعه
العذبه
دمت بوافر الصحة
والعافية