لو أبوها رفع السماعه هتعمل إيه ؟

**spider2009** · 20 - 4 - 2009, 03:09 AM

لو أبوها رفع السماعة هتعمل ايه؟تخيل سعادتك كده مأنتخ علي السرير الساعة
اتنين بالليل ومضلم الأوضة ومسلك سلك التليفون من الصاله وواخد غطس تحت
اللحاف وفي وسط الأشواق الملهلبة...

بتحبني ياميدو؟ طبعا يا لولو ده انتي الهوا اللي بتنفسه والميه اللي
بشربها.... ناقص تقولها السجارة اللي بتكيفني يعني مش هتتخلي عني أبدا
عمري ياحبي وحتي تنطفيء النجوم وحتي يقع القمروحتي يفوز الزمالك علي
الأهلي عيب تقولي كده يا لولوسمعتي أغنية بحبك بتاعة رامي صبري؟.

اه مالها ياحبيبي....

.كل كلمة فيها بتفكرني بيكي يانور عيني بحبك نفسي أقولهالك وانا ايدي في ايديك....

وفجأه.
نعم يا.........؟ طبعا مش هكمل !!

.وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟
أو
نتخيل سيناريوهات مختلفة للي هيحصل بعدها ممكن مثلا تقفل السكة وطبعا لمدة
اتناشر سنه قدام هتلاقي البت تليفونها مقفول ومبتجيش الكليه
.......والسيناريو ده يجرنا لتساؤل تاني في الحاله دي تعمل واد محترم بقي
وتروح تتقدملها وغرضي شريف واسف ياعمي وجاي من الباب والكلام ده ولا تبقي
واد روش موديل 2007 خارج من الاجنص حالا وتخلي واحدة صاحبتها تكلمها؟ ولا
تطلع ندل وتنفضلها واهو البنات اكتر من الهم علي القلب وتيجي واحدة
مكانها؟ده سيناريو مكتمل محتمل للي ممكن يحصل فيه سيناريو تاني

.نعم
يا.........؟......ده أبوها ساعتها انت موش هتقفل السكة ثواني ياعمي أنا
والله بحب لولو بس مستني وقت أرتبط بيهاوهنا هيختلف رد فعل الأب حسب
شخصيته يعني ممكن يكون راجل جنتل ويقولك حب ايه ياحيلة الست الحاجة روح
ياض العب بعيدوممكن يكون راجل عقلاني....

هو يابني اللي يحب حد يكلمه الساعة ديلو اختك ترضي حد يكلمها كده؟ يابني اللي بيحب حد ميخلهوش يعمل حاجه غلط ولو حتي باسم الحب

.وعموما
يابني ممكن أعرف انت عايز ايه دلوقت؟ وهنا هتبان نواياك يااما تاخد منه
معاد تقابله وتكلمه وتشرحله ظروفك يااما تقول ياعمي انا نفسي اكلمها وافضل
معاها سنتين تلاتة لحد مااكوم نفسي وطبعا بما أنه راجل محترم فرده هيبقي

تك....صوت سماعة بتتحط وسكة بتتقفل في وشك فيه سيناريو تالت أنك تطلع ندل
وترد عليه ماتشتمش يابا الحاج انت متلم بنتك ياأخويا انا مضربتهاش علي
اديدها وطبعا رد فعل الراجل علي بق زي ده يااما هيقع علي الكرسي من الصدمة
وتسمع صوت (بابا بابا)

أو هيرد علي كلامك وممكن يبقي فيه
سيناريو رابع أول ماابوها يدخل...هتلاقي لولو بتقولك ثواني يا
ميدو...بتدلعك ياعم مين قدك يابختك فيه حاجة يابابا مخبطتش ليه قبل ماتدخل.

.معلش يا لولو اصلي كنت بدور علي حاجة معلش اني مخبطتش

.طيب يابابا عاوز حاجة؟ لا خلاص هدور في أوضة تانيةوفيه سيناريو كمان

.وده
بقي محتاج واد ابن جنية وهو انك اول ماتلاقي صوت أبوها فجأة ترقق صوتك علي
قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب
اهبل عشان يصدقه أو ممكن حاجة أسهل انك تتكلم بمنتهي الأدب انك أخو واحدة
صحبتها وكنت بتسأل عن أختك لأنها لسه مرجعتشوفي الحالة دي يااما الراجل
هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه
لأنك مفيش أخت ولا حاجةأو ممكن يطلع الراجل تربية فكرية ويصدق ويقولك أما
توصل يابني ابقوا طمنوناطبعا أنا مقلتش الموضوع من ناحية البنت بمعني لو
أبوكي رفع السماعة (موش تعصب ضد حقوق المرأه لا سمح الله) بس لأن
السيناريو معروف

.لو أبوها راجل ودمه حامي فيبقي اللي تقدر
تعمله بس انها تكون لها علاقات في المستشفيات خصوصا قسم العظام عشان
يتوصوا بيها و بيك انت كمان
لو انتوا (الشباب طبعا) مكان ميدو هتعملوا ايه عايز الرد بصراااااحه

**شيري العسولة** · 20 - 4 - 2009, 05:57 AM

والله موضوع جامد جداااااااااااااااااااا
وانا هانتظر معاك رد الشباب
تسلم يامان

**بحر الحنان** · 20 - 4 - 2009, 06:05 AM

ههههههههههههههههههههههههه هههه
وانا مع شيري موضوع جاااااااااااامد اخر حاجة
خلينا نشوف رأي الشباب ايه وماتقولش بصراحة كله هيعمل فيها حاجة
تسلم ايديك ومنتظرين الاراااااااااء

**سهرالليالي** · 20 - 4 - 2009, 11:22 AM

موضووووووووووووع تحفه يجنن يجنن بجد جامد جدا

**spider2009** · 24 - 4 - 2009, 03:35 AM

شكرا لمروركم يا حلوين
ومستنيين رد الشباب

**never back down** · 24 - 4 - 2009, 02:57 PM

آقولك انا هامل ايه
.
انا فعلا لو بحبها مش هتصل بيها فى وقت زى ده
.
نفرض انى عملت كده
.
حايجى ابوها يرد عليا هقولوا انا بس كنت عاوزها تشرحلى حاجه فى المكرر
او باخد منها مواعيد الامتحانات علشان انا بقالى فتره مش بروح
.
هيقولى وكان لازم دلوقت
.
اصل الفاتوره بتاعت التليفون جت زياده عن اللى احنا بندفعه
احنا متعودين ندفع الفاتوره 999
.
هايقولى ايه
.
هاقولوا اصلها جدت الشهر اللى فات 1000
علشان كده بابا مش مخلى حد يستعمله

.
وبعدين اقفل السكه واخش انام
.
ويجى بكره واقولها انت ازاى بكون بكلمك تدى التليفون لابوكى
على كده لو واحد قالك هاتى تليفونك فى الشارع تيدهولوا

.