عايزة تورتة المحلات فى البيت تعالى ؟؟؟واتحدى

[moshera]

اول سر انا مش بعمل تورتة عالية وبفتحها بعمل كل طبقة لوحدها زى المحلات

تانى سر لما بخلط المكونات فى الاخر خالص بحط ملعقة صغيرة خل ابيض الخل العادى يعنى بيخليها تحفة احلى من الجاهز والله
على فكرة انا بستخدم المضرب الكهربا من اول خطوة حتى الدقيق


نيجى للمقادير


2 بيضة
رشة فانيليا
1/2 فنجان شاى سكر
2 ملعقة طعام زبدة او سمنة
3/4فنجان شاى دقيق
1/2 معلقة بيكنج بودر

الطريقة

1-افصلى الصفار عن البياض كل حاجة فى طبق لوحدها وحطى نص كمية السكر على كل واحد اضربى كل طبق حوالى 4 او 5 دقايق براحتك هاتلقيهم عملوا زى الكريمة
2-حطيهم على بعض بعد الضرب وحطى السمنة واضربى كويس
3-حطى الدقيق والبكنج بودر واستمرى فى الضرب
4-حطى معلقة الخل واضربى دقيقة
5-صبى الخليط فى صينية مدهونة سمن ومرشوشة شوية دقيق وحطيهم فى الفرن السخن
***انا بعمل 3 طبقات كل طبقة بنفس المقادير ماعدا واحدة بحطلها شيكولاتة ودى الطبقة اللى بحطها فى النص ****

طبعا بعد ما خلصنا الكيكات وبردت هانزينها هانحط بين كل طبقة كريمة والوجه انتى حرة فيه كل واحدة وزوقه
بالهنا والشفا


منقول

[ساندرا]

[hanen]

تــســلــمــــى

[moshera]

بالهنا و الشفا
يارب يعجبكم و اللي تجرب تدعيلي

[ηάdά]