الحياة فى مترو الانفاق

**وليد الاسلام** · 21 - 4 - 2009, 01:27 AM

بسم الله الرحمن الرحيم
الخاطرة دى جت على بالى من 3 ايام وانا راكب مترو الانفاق من المرج الجديدة الى محطة فيصل بالجيزة بالقاهرة يااااااااااااااااااااه مكنتش متخيل ان الحياة صعبة قوى كده وجت فى بالى افكار وانا راكب وبتامل فى السباق على عربات المترو كله عاوز يلحق ويخطف مكان قبل التانى طلبة وطالبات وجامعيين وجامعيات وشباب وبنات وموظفين وموظفات وربات منازل شى مهول جدا فكرت ان الدنيا رحلة فى المترو كل الناس بتركبه بس لما بيجى الاجل كله بينزل محطته فكرتنى بالموت كلنا عايشين وبنحب بعض او نكره نتكلم او نسكت نمشى او نقف لينا اجل ولما يجى بنفارق بعض زى محطات المترو بس الفرق المترو كله عارف المحطة الى حينزل فيها والحياة ده فى علم الغيب كمان فكرت فى ان عربات المترو منوعة ملتزمين محترمين خليعين مكافحين ناس عالة وناس صابرة وناس مخنوقة وناس مستهترة كذلك الدنيا فيها كل الاصناف والفئات كمان فكرت ان المترو ممكن يعطل فمحدش يوصل المحطة لكن الحياة ماشية بموتك او حياتك وده الفرق بين المترو والحياة ان المترو معرض للعطل او السواق يغيب او يعملوا اضراب وخلافه لكن الحياة يمتكلها واحد قهار وجبار على الغافلين ورحيم وغفور ورحمن بالمستغفرين سبحانك ربى ما اعظمك سبحانك ما اجملك اللهم اغفر لكل من قراء حرف من موضوعى دمتم بود اخوكم وليد الاسلام

**sheren19** · 21 - 4 - 2009, 01:30 AM

انت اول مرة تعرف كدة انا بركبة كل يوم من شبرا لحد المعادى
فى الهم دة حاجة و حشة خااااالص

**وليد الاسلام** · 21 - 4 - 2009, 01:33 AM

المشاركة الأصلية كتبت بواسطة sheren19

انت اول مرة تعرف كدة انا بركبة كل يوم من شبرا لحد المعادى
فى الهم دة حاجة و حشة خااااالص

معلش اصلى مش بزل القاهرة كتير ولله الحمد على نعمته ربنا يعينكم بس لازم حياتنا تكون تفكر وتدبر ومفيش اى شى ينسينا الاخرة حتى ولو كان الهم جزيتى الجنة لمرورك اختى شرين

**طيف عابر** · 21 - 4 - 2009, 06:56 AM

ربط رائع وتشبيه منطقي صحيح
تسلم ايدك وليد
نهارك سعيد
خاطرة جميلة معبرة جدااااا

فكرتنى بالموت كلنا عايشين وبنحب بعض او نكره نتكلم او نسكت نمشى او نقف لينا اجل ولما يجى بنفارق بعض زى محطات المترو بس الفرق المترو كله عارف المحطة الى حينزل فيها والحياة ده فى علم الغيب