عايزين تعرفوا ليه البنت عايزة تتجوز واحد شبه بابا

[mema66]

مع بابا.. دخلتى المطبخ ما دخلتيش كله واحد وممكن باباكى يساعدك

مع جوزك ..مش بمزاجك .. ها تدخلى .. هاتدخلى
======================================
مع بابا .. فى العيد بيديلك العيديه وفوقيها بوسه ..

لكن مع جوزك .. بيقول انت خلاص كبرتى على الحاجات دى
======================================
مع بابا.. بتنامى وتصحى وقت ما انتى عايزه ..

مع جوزك .. وقت ماهو عايز .. او مع مواعيد شغله.
======================================
مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى

مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب خلصوا
======================================
مع بابا لو حصل حاجه مثلا و كنتى زعلانه .. بيزعل عشانك ..

مع جوزك .. بيزعل منك .. ويلومك ازاى تزعلى اصلا
======================================
باباكى .. كلمه حلوه ترضيه ..

وجوزك .. طول الليل تحايلى فيه
======================================
باباكى وانتى عيانه .. سهران جنبك طول اليوم

جوزك بيروح ينام فى الاوضه التانيه.
======================================
بابا .. لما تدلعى عليه .. بيفرح بيكى

جوزك .. بيقولك ..اكيد عايزه حاجه
======================================
باباكى.. لما تقولى له .. ده حصل كذا وكذا .. بيهتم

جوزك .. ها يقولك يادى النكد
======================================
مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص

جوزك .. ها يقولك شكلك زى عروسة المولد
======================================
مع بابا .. لو طلبتى دوا من الصيدليه . جرى ها ينزل يجيبه

لكن جوزك ها يسالك بكام الأول؟
======================================
بابا .. لو طلب منك كوباية ميه .. بيقولك لو سمحتى عايز ميه

انما الباشا يقولك قومى هاتى ميه
======================================
لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه

المحروس .. مافيش قدامك غير يا الاخبار يا الكوره .. يا ميلودى
======================================
بابا لو نازل مشوار .. بيعمل ليكى اعتبار ويديكى خبر

جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه
======================================
لو محتاجه فلوس فى حاله طارئه .. بابا ها يديكى من عينيه

جوزك .. ها يقولك خدى من بابا
======================================
لو جالك مكالمه غلط على موبايلك.. بابا ها يقولك حصل خير

جوزك .. ها يتهمك بالخيانه ...
======================================
لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه

جوزك ها يقول معلش انا لازم ابلع او ها يقسمها معاكى
======================================
لو اتزحلقتى على الارض ..باباكى ها يجرى يشيلك

جوزك ها يقعد يضحك ويقولك ما انتى اللى مش منشفه الارض كويس
======================================
لو نفسك تغيرى مكان السجاده ..باباكى ها يقوللك عنك دى تقيله عليكى وتعالى وانا ها اتصرف

جوزك .. هايقولك ما تعملى اللى انتى عايزاه و انا مالى
======================================
لو ماشية جمب بابا و واحد عاكسك .. ها يقولك معلش .. وبعدين عنده حق . مانتى جميله

جوزك .. ها يقولك انتى اللى ماشيه مش محترمه
======================================
لو مقدمه على شغل ..باباكى.. ها يوصى عليكى طوب الارض

جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

مع تحياتى
اختكم / ميما

[العاشقة]

ههههههههههههههههههههههههه ههههههههههههههههههههه
ههههههههههههههههههههههههه
ههههههههههههههههههههههههه ههههههههههههههه
عسل بجد
عندك حق والله ياقمراية
ماليش دعوة أنا عايزة بجد واحد زى بابا تبكل

[shely]

ههههههههههههههههههههههههه

لا مفر من الحقيقه المؤكده

[كابوس الحرامية]

لالالالالالالالالالالالال الالالالالالالالالالالالا لالالالالالالالا عمري متمنين اتجوز حد متل بابا لالالالا حرام عليكم

[عنووود]

ههههههههههههههههههههههههه ههههههههههههههههههههههه

شكرررررررررررررا ميما على المودوع الحلووووو

[الفتاة الصغيورة]

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه

المحروس .. مافيش قدامك غير يا الاخبار يا الكوره .. يا ميلودى
دي معاكي الحق فيها ميه بالميه

[سهرالليالي]

ههههههههههههههههههههههه
مفيش زي بابا ابدا في الدنيا دي
كل البنات بيتمنوا كده و الله
مرسي يا جميل على التوبيك

[احساس]

بصى ياميما حرام منظلمهمش الباشااااااااا فى حاجات حلوه وحاجات وحشه وبابا اكيد برده مش تصرفاته بتعجبنى
بس هنعمل ايه لازم نكيف امورنا على عقليه كل واحد
والله المستعان يابنتى
الف شكر يا احلى ميما على الذ توبيك

[ابو تريكه]

ههههههههههههههههههههههههه ه

هتيجى هتيجى