كوكتيل ادخل واشرب

**::: MhYeS BS KwYeS :::** · 25 - 4 - 2009, 10:08 AM

اولا : ازيكوا

ثانيا : الموضوع ده كوكتيل كده يارب يعجبكوا

نكـــــــــــــــــــــــ ـــــــت

.. عندما يستثمر "الجراح" امواله يفتح قهوة و"7غرز"!!
.. حماة "حكم الكره" كلما تراه تمصمص شفيفها وتقول"مايحكمش"
.. من الصعب ان تخدع المراة زوجها "طبيب الامراض الجلدية" لانه "بيهرشها"على طول
.. "الكهربائى" يقشر الموزة " بالبنسة" .... و"النجار" يقشر التفاحة "بالفارة"
.. ان تطلب المراة الطلاق من زوجها "الموسيقار" لانه اعتاد ضربها على "الوتر" الحساس
..استضافوا واحد بلديتنا فى برنامج "الكاميرا فى الملعب" سالوه بتشجع مين؟" قالهم : المقاولين العرب قالوا له : بتحب مين فى المقاولين العرب ؟ قالهم : الجماعة بتوع المحارة
.. اتنين عندهم حول اتخانقوا .. مين احول اكتر من التانى .. راحو لعمدة الحول علشان يحكم بينهم ..قال لهم : طب اتنين يقفوا الناحية ديه واتنين الناحية التانية

شعارات

.. العاقل يغمز والجاهل يرفس
جماعة مبصبصاتية بلا حدود
.. حظيرة الصيف واسعة
جمعية البيطريين
.. القانون فوق الجميع
رابطة عازفى القانون

مواقف

عندما شاهدت المطرب خالد سليم حباه الله بسطة فى الجسم وهو يؤدى اغنية "محتاجلك" لم اهضمه ولم استسغه وهو يستعطف حبيبته بصوت ذليل "مش راكب" ابدا على حجمه ... لهذا ارى ان ترتبط الاغنيه بحجم المطرب لاضعاف المصداقية والاقناع , بمعنى ان الصورة تبدو مقنعة اكثر اذا غنى خالد سليم " قوم اقف وانت بتكلمنى" لان الذى يامره بالوقوف اذا لم يستجيب فسوف يرزعه خالد كفا قد يفقد السمع الى الابد ( والله مش تريقه بنهزر يعنى)

**عند سفح الهرم جلست الفتاه وحبيبها يتناجيان وقالت له من بين ما قالت وحياة الهرم ده انت اول "منقرع" قلبى ... ليه قلبك بيشك فى اخلاصى ؟؟ واجابها الحبيب من "خوفو" عليكى

** رجل يمشى مع ابنه اثناء مرور جنازه وامراة تبكى وتقول : الان يذهبون الى بيت لا فراش فيه ولا غطاء , ولا وطاء ولا خبز ولا ماء , فقال ابن الرجل لابيه: يا ابتى انهم يذهبون الى بيتنا !

الف ليلة وليلة .....

بلغنى ايها الملك السعيد ذو الراى الرشيد ..انه فى ليلة ليلاء ..كنت ابحث عن هيفاء .. فتكعبلت فى قناة ..لا تجرى فيها المياه .. انما المياه بها تحيط وفيها الحيتان والقراميط . موجودة بوفرة ..ورائحتها زفرة .. فعندما قمت بفتحها ... واستمعت الى ردحها .. شعرت باننى بجوار كنيف متسخ غير نظيف ..وبجواره زريبة حلاليف ..ولها مقرات .. تشبه المخرات ..تخر الشتائم على الرؤوس والعمائم ..ومن باب حب الا ستطلاع والبلادة والاستنطاع .. قلت اشاهد هذا المذيع ..الذى يلعب حواجبه ويذيع ..وكان معه بعض الضيوف ما بين ثعلب وحلوف يفردون الملاية ويردحون كالولايا ويسبون بلادهم ويشتمون اسيادهم والمذيع يحرضهم ..لانه قبضهم وعكمهم الدنانير ..ليردحوا عبر الاثير .. فاغلقت الجهاز وكسرت التلفاز ................ وهنا ادركت شهر ذاد الصباح وسكتت عن الكلام المباح
مستني الردود الجامده يارب ميكنش فيه حاجه مكرره ويعجبكوا
سلاموز

مع تحيات

FoKaK.MaNY