نرفض جمال مبارك رئيساً

[Mr.Karsa]

حبيبى ياجيمز مش لاقى كلام اقولة بعد كلامك بس ؟

جمجمة الامه العربيه

منور يا ريس

[~ man neO ~]

يا سيدى نرفض منرفضش احناا زى ما تقول كده ملنااش راى
يعنى اللى هيعملوا هيعملوا سواء رضيناا ما رضيناا
واللى ىيفتح بؤه يقفلوه
يا سيدى ماهى خربانه خربانه
بس الريس يشد حيله ويتكل

[kamalelaraby]

يا إخوانى مفيش مانع يمسك جمال مبارك الحكم بس المطلوب نزاهة الإنتخاب او الإستفتاء وتعديا بقاء الرئيس اكثر من مدتين زمنيتين اذا تحقق ذلك فإن جمال من المحتمل ان ينافس على الرئاسه فهو شخصيه تربى سياسيا واكتسب خبره فضلا عن انه مؤهل علميا وسياسيا لتولى حكم مصر

[فــــارس الكافيه]

لا صح لازم تغيير يا شباب يمكن يجى الى يعرف يخلصها ويمشيها صح يمكن؟

[عصفورة صغيرة]

ايام زمان (هات فلوسى اللى عليك "فى المشمش )
فى عصر مبارك (هاتى فلوسى اللى عليك"لو جمال مش مسك الحكم بعد ابوه)
هو صح يا فارس يمكن يجى احسن
بس زى ما قالو قبلى انه احنا ضامنين جمال بس اللى هجيجى دا
وهو بالظبط زى ما مهيس قال احنا نقول اللى احنا عايزينة وههما هيعملوا بردو اللى هم عايزينه

[ابراهيم علي عبده]

قبل الرفض والقبول يجب استعراض الخريطة السياسية ، صحيح هناك الكثير يصلح لمنصب الرئيس ، ولكن المشكلة لا يوجد اعلان عنهم ، لذا يجب وجود مشاركة سياسية اولا ثم الاختيار ،والى ذلك الحين التغيير او الرفض نوع من العبث

[وديع لبيب]

ع
ه يامصر يارض النعم
شاهد موقع الحزب الوطني
و------------------------------------اعرق من هو ------------- حمال مباركا

الراسل الهرم و النبل

[حامد شاكر]

ياسلام لو ييجى حد زى جمال ......( ماتفهموش غلط - أقصد جمال عبد الناصر ) الدنيا حتبقى أحلى بكتير .. أنا راجل عجوز وعشت الأيام دى فى شبابى ,, كانت ايام روعة ، وكان فيه هدف للحياه .. وبنينا السد العالى ، ونهضت الصناعة المصرية ، والغلابة كانوا واخدين حقهم . صحيح ماكانش فيه مستويات المعيشة فائقة الخيال اللى موجودة دلوقتى والرفاهية الزائدة عن اللزوم اللى منتشرة هذه الأيام ... ولكن الكل كان راضى _ وزى مابقول لكم كانت الأهداف واضحة ومحددة وكل الناس عارفة أولها من آخرها وكنا ماشيين على خطط قصيرة وطويلة الأجل ، مش بلا هدى ولاهدف زى دلوقتى .................. طبعا الكلام ده ماعجبش القوى الإمبريالية وابتدت تدبرلنا كمائن الدخول فى حروب ليس من ورائها طائل ولا طاقة لنا فيها ولاجمل زى حرب اليمن وحرب 67 ، وكل ده لاستنزاف كل مواردنا ومكاسبنا فى الصرف على شراء الأسلحة والانفاق الكبير على القوات المسلحة . لغاية لما خلصوا على مواردنا ، وبرضه اضطرينا نكمل نزيف الموارد فى حرب 73 اللى استعدنا فيها أرضنا وكرامتنا ... بس طبعا كنا بقينا عالحديدة فاضطر عمنا السادات يعمل الانفتاح علشان ينعنش البلد شوية بس الحقيقة الأمور فلتت منه شويتين وما قدرش يمنع هيمنة راس المال على مقدرات البلد ....... طبعا موش عايز أكمل لكم لأن تقريبا الأمور بعد كده معروفة - صحيح مبارك عمل اللى يقدر عليه ، لكن للأسف ماعرفش يوقف نزيف الفساد اللى استشرى وخصوصا من طبقة الراسماليين والانتهازيين .. واعتقد انه مازال عاجزعن هذه المواجهة .. وآدى انتوا شايفين الحال اللى وصلناله .
لذلك فإن الحل الوحيد لانقاذ البلد أن يحكمها حد عنده جرأة جمال عبد الناصر ( وموش لازم نرجع تانى للاشتراكية ولكن عايزين شوية صرامة وحزم وتحديد أهداف ) وكمان حد يقدر بهب فى وش الفساد اللى استشرى فى البلد وكذلك سيطرة راس المال على الحكم . كفايه كده دوشتكم !!!

[hamedabdalaziz]

علي فكرة يا جماعة انتوا تعبين نفسكم كتير علي حاجة مش باديكم الاختيار هل جمال هيبقي رايس ولا لا مش من مصر ده من البيت الابيض عشان كده الي عايز يحكم مصر او اي دوله عربية لازم يكون مؤيد من الامبراطورية العظمي أمريكا فانتم وانا اسف في الي هقوله ما الا رعايا لاحدي الدول المسيطرة عليها الامبراطورية العظمي وعلي فكرة مصر هتفضل كده والله اعلم لحد ما تيجي ثورة بجد مش زي بتاعت 52

[محمدمعاذ]

الرئيس مبارك تاريخه واضح منذ تدريبه للطيارين بعد النكسة وتخريج اكبر عدد في سنتين ثم قيادته للقوات الجوية اثناء حرب اكتوبر ثم نائبا للرئيس السادات الزعيم القدير اللي بيحب مصر وشعب مصر رحمه الله . ثم الرئاسة في اول فترتين كانت الانجازات عظيمة واظهرت شعبية عريضة للرئيس ثم بدأت الشكاوي والملل يظهر من الناس بينها وبين بعضها .
الرئيس انجز اعمالا عظيمة لكن رأيي الشخصي سيكون خطأ ان يأتي بأبنه رئيسا
جمال ممكن يمسك الفترة من 2017 الي 2023 وتكون مصر فاقت وممكن نتقدم للاأمام لكن ان يأتي بعد والده مباشرة لا . سنة 2017 سيكون عمر السيد جمال 54 سنة وده سن مناسب للرئيس سن نضوج وعطاء.اما الفترة القادمة فالأنسب شخص ذو شعبية من الحزب يعدل المادة 77 ليصبح فترة واحدة ونشاهد الرئيس الرابع والخامس والسادس وهكذا الديموقراطية