هو أنا كده أنسانه متسلطه و صعبه ولا أطاق؟؟؟؟

[esra2]

وسورى على الاطله يا قلبى واحشتينى جدا الفتره الى فاتت

والله كفايه ردك عليا
و أنتى وحشتينا أكتر
و أوعدك أنى هحاول بقدر الأمكان

[No TiMe]

رأيك على عينى
بس أنا كل شويه أسمع الكلام ده
مش عارفه العيب فيا ولا فيهم
و أنا فى ناس كتييير قوى عاجبهم حالى كده
و متفتكرش أن عصبيتى دى عجبانى
بس أنا مش بقدر أتحكم فيها بسهوله
و كمان بتهدد مستقبلى بس اعمل أيه؟؟؟

متعمليش حاجه طلاما اصحابك عارفينك علي كدا يبقي احسن خليكي كدا لانك لو غيرتي ممكن يسبوكي بس لو انتي تتغيري غيري للاحسن وبالعكس العصبيه حاجه وحشه بس في احيان بتكون بفايده ولا يهمك انتي كدا تمام اوي يا اسراء وتخديش في بالك خالص الليي بيتقال

[esra2]

وتخديش في بالك خالص الليي بيتقال

أنا بس اللى مضايقنى أن أبويا و أمى اللى بيقولوا كده
بس أنا فعلاً هطنش
و هبقى أشوف كليه أدخلها فى الأقاليم و أستريح منهم

[khalouda]

طب انا هقولك على حاجة

انا عصبى جدا جدا واوقات بقول حاجات وارجع ازعل عليها

انا هنا بيشدوا قصادى دايما ويقعدوا يكلمونى ننفس الكلام اللى بيكلموكى بية دة والله

بنفس الطريقة

لكن دة مش بيزود عصبيتى بالعكس بيخلينى اراجع نفسى فى حاجات كتير وفعلا اوقات كتير

بلاقى نفسى غلطان

والحمد لله بقيت واحدة واحدة ابعد عن العصبية نهائيا

فمتزعليش منهم وعلى فكرة مش هتلاقى والله فى الدنيا احن منهم عليكى بعد ربنا طبعا

انتى عارفة انا والدى ووالدتى توفوا وصدقينى معرفتش بقيمتهم غير بعد ما فارقونى

وعرفت انهم كانوا على حق فى كل اللى بيقلوووووة

فا حولى تتمسكى ومش تستسلمى للعصبية عشان انتى ليسا صغيرة والسن بتاعك محتاج للانطلاق

والحرية بعيدا عن العصبية والقلق

وكمان حاولى تغيرلى من روتين حياتك بمعنى تجددى يومك مثلا انتى مش بتلعبى رياضة فى الصبح

حاولى ابتدى تلعبى رياضة

مكنتيش مثلا بتخرجى الا يوم واح فى الاسبوع لا خليهم يومين ودايما تحكى ليهم عن كل حاجة

فى حياتك سواء حلوة او وحشة ومش عيب تاخدى برأيهمونصيحتهم

فى النهاية مش تستغربى من كلامى اصل انا اخصائى اجتماعى بس فاشل شوية

[esra2]

بابا على طول
ذاكرى ذاكرى ذاكرى ذاكرى
مش بيعرف ينطق غير كده
و كل شويه يقولى أختك طلعت الأولى على مدرستها و دخلت كليه الهندسه
و أنتى الله اعلم هتعملى فينا أيه
هينقطونى
و مش بخرج لأن أصحابى ساكنين بعيد أوى عنى
و اللى ساكنين جمبى بحس أن تفكيرهم عيالى أوى
أنا مخرجتش غير مره واحده بس فى الترم التانى
من الكمبيوتر للكتاب لتوصيل أخويا اللى يشل وأجيبه من المدرسه
و كل يوم خناقه عشان رغاى
و يقولوا سيبى الواد يتكلم
و هو بالع راديو و أنت عارف عيل عنده ست سنين هيقول أيه
ما بالك أنا مش صبوره و مش بحب غير المختصر المفيد
و بالنسبه للرياضه
أنا أصلاً لاعبة كره طائره
بس مفيش لعب ولا حتى أشوف الكوره قدامى وقت الدراسه
حتى لو رئيس الجهاز و باقى الفرقه جم يبوسوا ايد ماما عشان أنزل التمارين
و فى يوم الجمعه بس
أسفه عشان طولت

[~ man neO ~]

اكيد العيب فيكى يا اسراء مش فيهم لان مفيش اب وام
بيعملوا كده الا وكانوا عايزينك تبقى احسن من كده
وتطورى من نفسك وتبعدى عن العصبيه دى اناا عندى
اخوياا اللى اكبر منى على طووووول عصبى بطريقه فظيعه
بصراحه فى اوقات مببقاش طايقه
الواحد لازم يبقى ايزى " بارد "
مشكووووووره على صراحتك يا اسراء

[esra2]

الواحد لازم يبقى ايزى " بارد "
مشكووووووره على صراحتك يا اسراء

أزاى أبقى بارده
أنا جربت قبل كده
و يالهوى على اللى حصل بعدها
صداع كان هيطير دماغى
و نفسيتى بقت زفت
و هما مش عاجبهم صراحتى أكتر
يعنى بابا لما يشتم الحكم بتاع الماتش
و يشتم فى أبوه
لو قلت كده عيب يا بابا و أبوه مالو أصلاً
يقول هو أنتى اللى هتربينى
أنتى تخرسى
و طول الوقت كده

[salama10]

طبعا يا اسراء عمر العصبية ما كانت سبب ان الناس تكرهك او تضايق منك

انا واحد من الناس عصبى جدا

بس الحمد لله الناس كلها بتحبنى

صدقينى هم بس خايفين عليكى من العصبية

علشان العصبية مش كويسه على صحتك

انا مش عاوز اقولك الامراض اللى العصبية دى بتكون سبب فيها

بعيد الشر عندك

انا كمان بعانى جدا جدا من الموضوع ده

لأن خطيبتى عصبية جدا جدا هيا كمان

وربنا يستر

دمتى بخير وود

[وليد الاسلام]

بصى يا اسراء طبعا مش من الذوق اننا نعامل الاب او الام بشكل عصبى حتى وان كنت متفق معاكى فى سرعة الرد تمام بس مننساش انهم ليهم وضع غير اصحابك يعنى لو انتى بتعاملى اصحابك بسرعة رد الفعل معلش استحملى وكونى رقيقة مع والديكى ولا تقل لهما اف ولا تنهرهما خلى بالك ممكن تكونى وانتى بتتعصبى مثلا علشان انهم بطيئين شوية تكونى بتقولى الكلمة دى يريت تفرقى ما بين الاب والام وتقدرى انهم بس خايفين عليكى وعاوزينك الافضل وبين اصحابك الى ممكن يوافقوكى على كده وكمان بجد كلمة اسطوانة مشرخوة دى وحشة انك تقولى على كلام ناس جعل الله رضاه من رضاهم كده

[~ man neO ~]

أزاى أبقى بارده
أنا جربت قبل كده
و يالهوى على اللى حصل بعدها
صداع كان هيطير دماغى
و نفسيتى بقت زفت
و هما مش عاجبهم صراحتى أكتر
يعنى بابا لما يشتم الحكم بتاع الماتش
و يشتم فى أبوه
لو قلت كده عيب يا بابا و أبوه مالو أصلاً
يقول هو أنتى اللى هتربينى
أنتى تخرسى
و طول الوقت كده

بصى يا ستى اناا بصراحه حكايتك دى بصراحه
خنقتنى ربناا يساعدك بقى لو هماا مش خايفين عليكى
اناا لو مكانك بقى ابعد عنهم خالص
بس حاولى معاهم كده براحه يمكن يكون خوف فعلا عليكى
بس لو انتى زعلانه من طبعهم ده فده طبع زى ما انتى طبعك كده
وهماا مش حابينه بس مش اكثر بس طبعاا لا خلاف على
اسره الواحد هياا كل حاجه عنده وربناا لا يحرمك منهم
ويحرمناا من اهلناا