هو أنا كده أنسانه متسلطه و صعبه ولا أطاق؟؟؟؟

[khalouda]

بابا على طول
ذاكرى ذاكرى ذاكرى ذاكرى
مش بيعرف ينطق غير كده
و كل شويه يقولى أختك طلعت الأولى على مدرستها و دخلت كليه الهندسه
و أنتى الله اعلم هتعملى فينا أيه
هينقطونى
و مش بخرج لأن أصحابى ساكنين بعيد أوى عنى
و اللى ساكنين جمبى بحس أن تفكيرهم عيالى أوى
أنا مخرجتش غير مره واحده بس فى الترم التانى
من الكمبيوتر للكتاب لتوصيل أخويا اللى يشل وأجيبه من المدرسه
و كل يوم خناقه عشان رغاى
و يقولوا سيبى الواد يتكلم
و هو بالع راديو و أنت عارف عيل عنده ست سنين هيقول أيه
ما بالك أنا مش صبوره و مش بحب غير المختصر المفيد
و بالنسبه للرياضه
أنا أصلاً لاعبة كره طائره
بس مفيش لعب ولا حتى أشوف الكوره قدامى وقت الدراسه
حتى لو رئيس الجهاز و باقى الفرقه جم يبوسوا ايد ماما عشان أنزل التمارين
و فى يوم الجمعه بس
أسفه عشان طولت

ولا يهمك

انتى عارفة بقى يعنى اللى هما فى كلية هندسة كانوا اية يعنى انا اعرف واحد والله خريج كلية هندسة وبيشتغل على عربية نقل تباع يعنى

فمهما قالولك عن اختك عادى انتى الى نصيبك فية هتشوفية

وهقولك على حاجة كمان انتى اول حاجة لازم تعمليها انك تقربى جدا من مامتك بالذات وتقعدى معاها وبشوية سياسة وكلميها

وقوليها انتى حاسة باية بالظبط وشوفى واساليها انتم بتعملوا لية كدا معايا يمكن ليهم تفسير تانى

وان قالتلك عشان المذاكرة قوليلها متخفيش عليا والله انا هبقى كويسة وقليلها كمان ياريت تطمنى بابا عليا

وكمان قوليلها انك مخلصة اجزاء كتير فى الكتاب وشوية وقوليها والنبى ما تحرمينى من اللعبة اللى بحبها وكدا

وصدقينى هتجيب نتيجة والله لكن انتى طول ما بتتنرفزى هيفضلوا كدة

فلازم السياسة عشان تمشى امورك وعلى فكرة انا كنت بعمل كدة وفى النهاية اللى كان كاتبهولى ربنا انا دخلتة

ووقتها والدى فرح جدا وسلم للامر الواقع ودصقينى وقت ما يلاقيكى داخلة كلية ايا كان بقى ومتخرجة منها صدقينى الفرح هتملى حياتة كلها

وبليز حاولى تتطبقى الكلام اللى بقولك علية وردى عليا

[رئيس الجمهورية]

بصي يا بنتي

عمر ما العصبية كانت سبب لكره الناس لأي حد

انا اهو رئيس جمهورية عصبي جدا وجميع افراد الشعب كبير وصغير بيحبني

انا ممكن عشان صدقي وصراحتي حبوني .. وكمان عشان حكمتي ورزانتي

وعاوز اقولك يا بنتي كلمتين تحفظيهم زي اسمك .. انا بردو رئيس جمهوريتك وادرى بمصلحتك

الناس لما بيحبوا حد او بيكرهوه بيكون للحب ده او للكره ده اكتر من سبب مش سبب واحد

وانتي لو كنتي عصبية فكمان ذكية وسابقه سنك بكتير وصريحه مع الكل ..

يابنتي الناس مبتبصش على الوحش بس ..

.....

نيجي بقى لحكاية زاكري اللي والدك مشغلهالك علطول

انا وانا صغير كان والدي الله يرحمه---- اقفوا خمسين ساعه حداد على روحه ---- السيد حسني مبارك ..كان علطول بيقولي زاكر

وكل ما يشوفني حتى لو باكل يقولي مفيش وقت روح زاكر .. كان في كل حته ناططلي .. حتى في أوضة نومي الاقيه فاتحلي الكتب ومستنيني .. عشان يقولي زاكر .. ولو كنت متأخر بره البيت يلسعني كام ألم على وشي ويختمها بعلقه سخنه ويتوج العلقه بشلوتين ..

تفتكري كان عاوز يعاقبني مثلا لما قالي زاكر!!!

لأ طبعا والدليل قدامك اهوو .. انا وصلت وبقيت رئيس جمهورية .. يا ترى انتي هتوصلي وتبقي ايه ؟!!!

ونيجي لحكاوي اخوكي الصغير الي بترفع الضغط .. انا يا بنتي بسمع حكاوي 80 مليون بني ادم وضغطي زي الفل اهوو ..

اما بالنسبه لكلام والدك ووالدتك الي بيدايق سموك .. فده لأن حكاية العصبية دي مدايقاهم اوي .. وانا متأكد انها مدايقاكي انت اكتر

هما بيقولولك كده مش تريقه ولا حاجه .. هما عاوزينك تتخلصي من عصبيتك مش اكتر ..

انتي يا بنتي في وقت عصبيه ممكن تخسري كتير اوي بفعل عملتيه او بكلمه قلتيها ..

هو اي انسان عنده قدرة تحمل معينه وكمان عنده شوية عصبيه .. لما عصبية الانسان بتكون اكتر من قدرة تحمله بتكون حاجه وحشه اوي ...

انا هسأل سؤال واحد .. وهو ...

تفتكري الانسان بيتعصب لييييييييييييييييه ؟؟؟؟

اقولك انا .. عشان مبيكونش عنده قدره كافيه انو يمسك اعصابه ويهدي نفسه فبينفعل ويثور لحد ما اعصابه تتعب وترتخي لوحدها .. تفتكري لو انتي مقدرتيش تتحملي وتمسكي اعصابك الي حواليكي هيتحملوكي ويجوا يمسكوهالك مثلا ؟!!!

خلص الكلام ... سلام





...

[esra2]

انا كمان بعانى جدا جدا من الموضوع ده

لأن خطيبتى عصبية جدا جدا هيا كمان

دا أنتوا كدا تقلبوا الدنيا حريقه
ربنا يخليكوا لبعض
و أنا عارفه كل اللى ممكن يجرالى من العصبيه
بس هعمل أيه؟
شكراً للأهتمام والرد

[esra2]

بجد كلمة اسطوانة مشرخوة دى وحشة انك تقولى على كلام ناس جعل الله رضاه من رضاهم كده

أنا عارفه أن رضا ربنا عليا من رضاهم
بس أنا بسمعلهم الكلام ده من كتر ما حفظته
شكراً للرد

[esra2]

وبليز حاولى تتطبقى الكلام اللى بقولك علية وردى عليا

المشكله أن عندى ماشيين بمبدأ أعملى خدمه نعملك واحده
هو كده
و أوعدك هحاول مع أنه صعب
و أنا خليت حتى خالتى يعنى أقرب واحده ليها تقنعها
بس رفض تام و بدون مناقشه
(معلومه:أنا ساكنه فى مدينه نصر و النادى فى المهندسين اليوم بيضيع من 1 الظهر ل 9.30 أو 10 بليل)

[esra2]

رئيس جمهورية عصبي جدا وجميع افراد الشعب كبير وصغير بيحبني

انا ممكن عشان صدقي وصراحتي حبوني .. وكمان عشان حكمتي ورزانتي

هاهاهاهاهاهاهاهاهاهاه
ده أنا عشان البدايه دى ممكن مقتنعش
أنا بحاول أتحكم فى أعصابى بس ده موضوع مش سهل خالص
و بلاش جو رئيس الجمهوريه ده عندنا فى الكافيه
عشان الناس متقلبش
و شكراً للمرور
و منورنى بأول أشتراك فى الكافيه

[khalouda]

المشكله أن عندى ماشيين بمبدأ أعملى خدمه نعملك واحده
هو كده
و أوعدك هحاول مع أنه صعب
و أنا خليت حتى خالتى يعنى أقرب واحده ليها تقنعها
بس رفض تام و بدون مناقشه
(معلومه:أنا ساكنه فى مدينه نصر و النادى فى المهندسين اليوم بيضيع من 1 الظهر ل 9.30 أو 10 بليل)

طول ما احنا عايشين مفيش يأس خالص يا اسراء

بس انتى بس التزمى الهدوء دلوقتى وربنا يعمل ما فية الخير وانا معاكى حتى لو طلبت انى اجيكلم واتكم مع باباكى

[esra2]

طول ما احنا عايشين مفيش يأس خالص يا اسراء

بس انتى بس التزمى الهدوء دلوقتى وربنا يعمل ما فية الخير وانا معاكى حتى لو طلبت انى اجيكلم واتكم مع باباكى

هاهاهاهاهاهاهاهاهاهاهاهاه اهاها
ربنا يقدم اللى فيه الخير
أمال ازاى كده مشرف أجتماعى فاشل
Danke

[khalouda]

DANKE يا اسراء

على فكرة طول ما الواحد فى مصر اكيد لازم يبقى فاشل

ولا انتى بتعترضى على بابا وماما بس ومش

بتعترضى على البلد

[رئيس الجمهورية]

هاهاهاهاهاهاهاهاهاهاه
ده أنا عشان البدايه دى ممكن مقتنعش
أنا بحاول أتحكم فى أعصابى بس ده موضوع مش سهل خالص
و بلاش جو رئيس الجمهوريه ده عندنا فى الكافيه
عشان الناس متقلبش
و شكراً للمرور
و منورنى بأول أشتراك فى الكافيه

ههههههههههههههههههههههه

على فكره انا موجود باسم تاني بس شكلك معرفتينيش ..يلا مش مهم

بس بردو لازم تكملي كلامي للآخر .. حتى تعملي مقام لرئيس الجمهورية هههههههههههـ