رد مع اقتباس
تسلم الأيادى اطباق رائعه انا عجبنى اوى الطبق الأول وان شاء الله هجربه
ميرسى ليكى يا قمر
قهوتنا على الانترنت
نجم مصراوي
مكرونة اسباجتى مع البروكلى
ازيكم ياحلوووين يااحلى بناتيت واحلى شباب
بما اننا فى قسم المطبخ وانا بنوتة شطورة فى المطبخ كتيير كتيير حبيت اشارك معاكم بوصفة من وصفاتى السحرية عشان افتح نفسكم شوية
انا بحب المكرونات كتيير كتيير وبعمل المكرونات بكل وصفاتها وانواعها مش بقولكم شطورة
والنهاردة حبيت احضروصفتين صغنتتين من وصفاتى لانواع مكرونات مش منتشرة كتير عندنا يارب تعجبكم
يلا بينا بقى دوقتى نبدا وصفة المكرونة طبق النهاردة
مكرونة اسباجتى مع البروكلى
المقــــادير
كيس مكرونة اسباجيتى
كيلو جرام من البروكلى
عدد 5 فصوص ثوم
معلقة ونص صغنتوتة من الملح
حوالى ثلث كوب من زيت الزيتون
حباية واحدة من الفلفل الاحمر المجفف
عدد 3 حبات من النقانق او الهوت دوج
طريقة التحضير بقى
اول حاجة نفرم الثوم
بعدين نقطع البروكلى على شكل زهرات صغنوتة
بعدين نسلق البروكلى فى ماء مغلى مع الملح وبعدين نصفيه ونسيبه على جنب شوية
بعدين نسلق النقانق او الهوت دوج ونصفيها وبعدين نقطعها قطع متوسطة
بعدين نحمر الثوم فى الزيت ونضيف عليه الفلفل الاحمر الحار والنقانق ونقلبها كويس خالص على نار هادية خالص خالص
بعدين نسلق المكرونة الاسباجيتى فى الماء اللى سلقنا فيها البروكلى ونسيبها لحد ماتبقى لينة شوية وبعدين نضيف عليها البروكلى ونقلبه
وبعدين نضيف خليط الثوم والفلفل والنقانق عليهم ونقلبها كويس خالص
بعد كده نقدمها سخنة وبالهنا والشفا عليكم يارب
مكرونة صينية بالخضار
دى بقى وصفة جايلكم من الصين
المقــــــادير
كيس مكرونة اسباجيتى
بصلة كبيرة
حباية بصل اخضر
حباية جزر
حباية بروكلى
حباية قرنبيط
حباية فلفل رومى احمر
عود كرفس
عدد 4 معلقات صلصة صويا
معلقة كبيرة دقيق ذرة
نص كوب ماء
ربع كوب زيت نباتى
ملح
طريقة التحضير بقى
هانقطع البصل والبصل الاخضر والفلفل والجزر والكرفس قطع طويلة
ونقطع البروكلى والقرنبيط على شكل زهرات صغنتوتة
بعدين نحمر البصل فى الزيت ونضيف عليه البصل الاخضر والجزر والفلفل والكرفس والبروكلى والقرنبيط
بعدين نخلط دقيق الذرة مع شوية الماء اللى عندنا مع صلصة الصويا
بعدين نضيف الخليط ده للخضار ونقلبه كويس وبعدين نضيف شوية ملح مش كتيير ونفضل نقلب الخليط كله على بعضه
بعد كده نسلق المكرونة بالطريقة المعتادة بس لحد ماتبقى طرية شوية يعنى مش نسيبها تستوى خالص وبعدين نصفيها ونفككها
بعد كده نقلب المكرونة فى شوية زيت وبعدين ننقلها فى طبق التقديم ونضيف عليها خلطة الخضار اللى عملناها
ونقدمها سخنة وبالهنا والشفا
تسلم الأيادى اطباق رائعه انا عجبنى اوى الطبق الأول وان شاء الله هجربه
ميرسى ليكى يا قمر
نجم مصراوي
المشاركة الأصلية كتبت بواسطة _Nada_
تسلم الأيادى اطباق رائعه انا عجبنى اوى الطبق الأول وان شاء الله هجربه
ميرسى ليكى يا قمر
يارب يعجبك لما تجربية وبالهنا والشفا مسبقا
جينــــــــــــــا
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
