لكل مبدع... شارك معانا باخر حرف

**مسلمه** · 7 - 5 - 2009, 11:18 AM

كلك مشاعر واحساس بتخاف ليه من حرف الكاف دا حتي كلمه بحبك للروح اساسحرف س

**محيى زقزوق** · 7 - 5 - 2009, 02:56 PM

سألت قلبي

ليه تخبي سر حبي

قاللي حبك جوايا شمعة

لا زم اداري عشان تقيد

قلت لا بتكدب عليا

ايللي فيك دا شوق

حبيبي

كل يوم عمال يذيد

قلت هاقدر

مادام دا شوقك

بسكت احسن ما اذيد

حرف الدال للبعدي

محيى

**جينا** · 7 - 5 - 2009, 03:07 PM

دوق معايا الحب بزيادة
دة كل يوم له علامة
من القلب دقة زيادة
ومن الروح السعادة
ومن العين أشياقة
دوق دة الحب هو
السعادة

حرف التاء للى بعدى

**محيى زقزوق** · 7 - 5 - 2009, 09:22 PM

تنهيدة طالعة منك

هيا جاية من بعيد

لسه احساسي وصلك

ياه انت ايه

متكونش مصنوع من جليد

دانا من جوايا بغلي

وانت ياساتر عليك

هوانت قلبك ايه

حديد
حرف الدال

**جينا** · 7 - 5 - 2009, 09:58 PM

دارى ياقلبى عليه
وخبى فرحتك بيه
دانا لسه شايف عنيه
بتحن اللى شاريه
أوعى تصدق غرامه
دا جرحه بيدل عليه
راضى انت ليه بحكمه
دة حبى ظلم ليه

حرف الهاء

**DREAM** · 7 - 5 - 2009, 10:59 PM

داري ياقلبي عليه
او حتي اعمل نسيه
قلي زنبي ايه ياقلبي
يجرح هو وابكي عليه
قلي زنبي ايه اوفي
ينساني هو، افتكره ليه؟

**جينا** · 7 - 5 - 2009, 11:28 PM

منورنا دريم

حرف الهاء
هاقول أفتكره عشان حبيبى
وهو من العالم نصيبى
مقدرش انساه أغلى الناس
هو القلب والأحساس
هو أغلى عندى
من اذهب والماس
حرف السين للى بعدى

**DREAM** · 8 - 5 - 2009, 11:05 AM

شكرا جينا

سالتك ياقلبي اسيبه ازاي
وانا في بعده ابكي بحور
وقلبي يصرخ بكل اهه
و صدري ينزف يرفض يثور
يقول لي ازاي الوقت بعده
ازاي نعيشه ؟ ازاي يدور؟
ازاي نعيش الدنيا بعده
ارجع حبي كفايه غرور
ولا علشان حبيبي بحبك
تبني في قلبي للجرح قصور
في كل نبضة قلب بحبك
انا في بعده انا مكسور

اي حرف انت تحبه للي بعدي ..................................

**محيى زقزوق** · 8 - 5 - 2009, 02:23 PM

منور يادريم والله
=========

رماني بحرف من كلامي

قلت ليه ياحرف جايلي

قاللي بعشق فيك مكاني

قلت ليه مكانك حبيبي

قاللي شفت غيري فيه

رفضت اكون عبء عليه

قلت ارجع ليك تاني

انا هنا معروف حناني
=============

حرف الياء للي بعدي

مشكورة يادكتور ع الفكرة مرة تانية

محيى

**جينا** · 8 - 5 - 2009, 02:42 PM

صباحك أبداع محى
ياريت ياقلبى نهواه
دا العمى أبتدا معاه
وأزاى أقدر أنساه
دا هو اللى بتمناه
جينا
صباحكم سكر جميعا
دريم قواعد اللعبة تبتدى كلامك
بأخر حرف من القصيدة
أو الكلام اللى قبلك وتحدده
مثال
حرف الهاء للى بعدى

الموضوع: لكل مبدع... شارك معانا باخر حرف

أدوات الموضوع

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة