افيدوني جزاكم الله كل الخير

[سندريللا 2007]

اخواني واخواتي في الله
انا متزوجة من 6 اشهر وكان لي تجربة حمل لم تستمر سوى شهرين وبعد ذلك حدث الاجهاض وكان توقيت العملية تقريبا في اول شهر 12
ثم بعد ذلك لم تنتظم عندي البيريود فكانت تاتي كل 40 يوم تقريبا وذهبت الي الدكتور وعطاني الدوفاستون منظم وبعد انتهاء الدوفاستون المفروض ان البيريود تاتي بعدها بثلاثة ايام وانا اليوم ميعادها ولكن من ثلاثة ايام بدات تنزل افرازات بنية اللون ولكن خفبفة وتختفي في اوقات وتاتي ثانية مع العلم اني اشعر ببعض اعراض الحمل القئ والغثيان والارهاق الشديد فهل من الممكن ان يكون ذلك حمل
افيدوني جزاكم الله خير الجزاء وجمعنا واياكم في الفردوس الاعلي

[botta]

حبيبتى سندريلا ربنا يراضيكى و ينعم عليكى بالذرية الصالحة
أولا :مش أى تأخير للبريود نعتبره حمل لكن لازم يمر على الأقل 10 أيام على التأخير ده ـــ ثانيا: كمان لازم أى أعراض غير التقليدية المصاحبة للبريود تقوليها للدكتور و ممكن اللون البنى ده يكون عادى كمقدمة ــ اتصلى بالدكتور و اسأليه ممكن تحتاجى لكشف لأن الوصف فى الأمور المهمة دى مش بينفع ـــثالثا: كمان لازم ما تشغليش بالك أبدا بموضوع الانجاب لأن مجرد التفكير بيعطل والله بجد لكن خليها على الله و خدى بالأسباب و كونى على يقين ان لما ربنا يأذن ولا شىء هيمنع ــ و عليكى بالدعاء ــ و لعلمك الدكاترة مش بيبحثوا فى حدوث حمل الا بعد سنة من الزواج ، بس انت الحمد لله ربنا أكرمك بمعرفة انه ممكن يحصل بأى وقت ـــ ولازم تعملى تحاليل ده لو ماكنتيش عملتيها أصلا عشان تعرفى سبب الاجهاض زى مرض القطط و غيره ..الكلام فى الموضوع ده طويييييييييييييل و ما ينفعكيش فيه الا طبيبك بعد ربنا طبعا
آسفة طولت عليكى .. ربنا يجبر بخاطرك و ينعم عليكى