وانا واقف على باب الـــــــحاره

**::: MhYeS BS KwYeS :::** · 4 - 5 - 2009, 07:28 PM

باشرب شاى وف ايدى سيجاره
لابس كاجــــــــول فيرى نيولوك
وعنيا عليها النــــــــــــــضاره
واقف اشاكل خلق الــــــــــــــله
وبعاكس بنت بصــــــــــــــفاره
ضحكت ضحــــــــكه تهز قلوب
انا قلت اهى غمزت ســــــناره
والله يازهره انا دايـــــب فيكى
اسمك ايه ؟ انا اسـمى سماره
فجأه لقيته جــــــــــــاى عليا
شخص طويل وكأنه عمــــاره
قالى بتعمل ايه يا عنـــــــــيا
فاكر ان دى يا ابنى شــطاره
قلت له دخلك ايه يا زمـــــــيل
قال لى دى اختى وادى اماره
ايده بقت فى الجو بتـــــهوى
قابلت راسى كأنـــــــها غاره
راح الكاجــــــــول والنيولوك
وكمان كســـــــر لى النضاره
وقال لى انا هشرب من دمك
وهقطر منــــــــــــه بقطاره
وهاقطع من لــــــحمك كفته
وهفرق على اهل الــــحاره
الدنيا يا صاحبى دارت بــيا
حوشنى ياعم حوشى يا جاره
والناس كلها ضحكوا علـــيا
وسابوه يضربنــــى بنشاره
فكرت بسرعه ولقيـــــــتنى
بجرى صاروخ وكمان طياره
ومن يومها حلفت انا بــربى
امشى فى حـــالى بكل جداره
ولا اشاكل ناس وابعد عنهم
ولا اعاكـــــس بنت بصفاره
واغير من كل طــــــــباعى
لا اشرب شاى ولاحتى سيجاره
كلمة اخيره بقلــــــــها بغيره
الدنيا يا صاحبى دى غداره
مهما هتعمل فــــيها يا خال
راح ترجع وعــــليك دواره
تاخد منك حــــــــــق الغير
وتسيبك لو حــــوش جبارة

**فــــارس الكافيه** · 4 - 5 - 2009, 10:14 PM

هى دى اغنية ولا نزل عليك الوحل بليل ولا ايه يا عم بس حلوة ولله ميرسى كتير يا مان

**::: MhYeS BS KwYeS :::** · 4 - 5 - 2009, 10:31 PM

وانت مالكـ بقي

اغنيه ولا مش اغنيه

المهم انها عجبتكــ وخلاص

ههههههههه

ميرسي اوي ياباشا

نورت

**فــــارس الكافيه** · 5 - 5 - 2009, 12:43 AM

ماشى ماشى بس ولله بجد عجبتنى

**::: MhYeS BS KwYeS :::** · 5 - 5 - 2009, 12:55 AM

ياعمـ خلاص فكــكــ بقي

بلا عجبتكــ بلا عجنتكــ

هههههههههههههه

اي خدعه يابرنس

عشان تعرف بس اني مش بجبلكمــ اي حاجه وخلاص

**كابوس الحرامية** · 5 - 5 - 2009, 01:08 AM

اول مرة نستفاد منك بحاجة

طول عمرك بتحرض العيال على الفشل اشمعنا يعني دلوقتي قصيدة عجيبة شبهك يا شادي

**::: MhYeS BS KwYeS :::** · 5 - 5 - 2009, 02:38 AM

هههههههههههههههه

ماشي يانهي

مقبوله منكــ ع قد سنكــ

**عصفورة صغيرة** · 5 - 5 - 2009, 10:27 AM

ههههههههههههههه
بجد حلوة اوى
بس بقولك ايه شكل الموقف دا حقيقى وحصلك صح؟؟؟
ميرسى بجد ع القصييييييييييييدة دى

**::: MhYeS BS KwYeS :::** · 5 - 5 - 2009, 10:30 AM

هههههههههههههههههه

لا طبعا محصلتش معايا

وميرسي اوي ليكي ياعصفوره

نورتي

**مصطفى شعبان محمد** · 5 - 5 - 2009, 11:59 AM

دة انت راجل قشطة وزى الفل وموضوع جميل تسلم يا جماعه بطلو ردح لبعض فارس انت فى كل موضوع عامل مشكله

الموضوع: وانا واقف على باب الـــــــحاره

أدوات الموضوع

وانا واقف على باب الـــــــحاره

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة