قهوتنا على الانترنت
النتائج 1 إلى 6 من 6
  1. #1

    افتراضي انا من الشعب المصري ..


    بسم الله يشرفني اكون متواجد معاكم في مصراوي كافيه بوضع اول موضوع ليا اتمنى ينال اعجابكم

    الشعب المصرى هو الشعب الوحيد الذى يتكلم لغه فريده
    لايتكلمها شعب آخر حتى من الشعوب المجاوره....
    طبعا....مش اللغه العربيه.....أومال أيه ياعمو.....؟؟
    اللغه..الهيروغليفيه.....
    أى والله العظيم....خد عندك......
    عمركو سمعتو حد بيهدد عياله< بالبعبع >.. ..غير عندنا ف مصر
    أو أم نازله ضرب ف أبنها وتقول له <....كخ....>
    غير عندنا ف مصر.....
    طب أيه رأيكو أن الكلام ده أصله هيروغليفى....
    كلمه بعبع....أصلها كلمه <....بوبو....> وهو أسم عفريت مصرى قديم.. .كانو قدماء المصريين يستخدموه لتخويف العيال
    أما كلمه<....كخه.....> فهى كلمه هيروغليفيه معناها
    القذاره..........؟؟؟
    حتى العيال عندنا بيتكلما هيرو غليفى......الواد..
    لما يجوع يقول<.....مم....>وأصلها.....أو نم....
    بمعنى ....أكل.. ..ولما يعطش يقول <...أمبو......>
    وأصلها....<أمبموا...> يعنى أشرب
    والعيل عندنا وهو بيتعلم المشى يقولو له.....تاتا....
    خطى العتبه.....تاتا....حبه حبه
    وتاتا كلمه هيروغيليغيه ومعناها....<أمشى....>
    وياسلام لما الدنيا تمطر ف الشتا والكل يغنى ويقول
    يامطره ...رخى ..رخى..عالا قرعه بنت أختى.. ..
    <...رخى.....>أصلها ....رخ....ومعناها...نزل..
    وفى الصيف لما نتشوى من الحر..نقول الدنيا
    بقت....صهد....وصهد بالهيروغليفى معناها...نار...
    ويامحلا الهيروغليفى ف أكلنا....فالفول عندما يستوى
    نقول عليه ...مدمس...وأصلها...متمس...عند قدماء المصريين ومعناها...تسويه الفول.....ياخرابى....؟؟
    دا الموضوع طلع له جذور تاريخيه يامه.....يادى الفضيحه يامه....
    أما كلمه ....بصاره....فأصلها....بيصورو. ...ومعناها
    الفول المطبوخ.......هى...هى بريحتها وتقليتهاولونها
    مدد ...مدد ياعم تحتمس مدد
    عزيزى القارىء.....
    بعد هذه الدراسه...من التاريخ المقارن للغات.....
    أوعى تخلى واحد يتأرنن عليك
    ويقول لك....أنا عندى لغات......قول له....تعرف
    هيروغليفى........هيقول لك لأه.....قول له
    كخ ياحبيبى روح أتعلم لغات الأول وبعدين كلمنى....



    انتظروا مودي في قادم المواضيع
    تقبلوا تحياتي

  2. افتراضي

    هههههههههههههههههههههههه
    لا جامد موضوعك جدا

  3. افتراضي

    ههههههههههههههههههه حلوة اللغة هاي
    شكرا على الموضوع

  4. #4

    افتراضي

    جزاك الله كل خيرعلى الموضوع0
    الحمد الله اننا بتكلم بلغة البساطه وعدم التكلف ومش بابى ومامى بدليل كل البلدان بتفهمها على طول0
    فى انتظار المزيد


  5. #5
    تاريخ التسجيل
    28 - 9 - 2008
    ساكن في
    في قلبه
    العمر
    35
    المشاركات
    13,666
    مقالات المدونة
    1
    النوع : ذكر Egypt الفريق المفضل  : الاهلي

    افتراضي

    انت والله جبت من الاخر
    مصر ام اللغات والواحيده اللي من بين الباقي لها لغه مميزه
    وفعلا مصر ام الدنيا
    تسلم يا كبير علي موضوعك الهيروغليفي دا
    تقبل مروري

  6. #6

    افتراضي

    شكرا على المعلومات الهيروغليفية
    وعلى فكرة فى قاموس عربى هيروغليفي لمن اراد معرفة المزيد عن اللغة الهيروغليفية



    تقبل مرورى تحياتى



 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©