ياسلام أيه الكلام الجامد ده
أنت سياسي كبير وكبير جداا كمان
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
ياسلام أيه الكلام الجامد ده
أنت سياسي كبير وكبير جداا كمان
بحثت في أصدق الكلمات فلم أجد غير عبارة التوحيد
أخوكم نجم النجومالبحث على جميع مواضيع العضو نجم النجوم
والسادسة
نور وسط السجون
والجريمه كلمة حق
والى يقول الحق يا حببنا
يبق اكيد مجنون
والسابع
طلعت في البرلمان
لم ثار على الغليان
وشعب يا حبنا بيغلى
وانت ولا داري بغلينا
والثامنه
شباب عوطي
ومين الى يعطي
بعد الثانويه دخلنا كلية
اقفلها احسن ونشتغل عربجية
او خليا لولادك ولاد الحرمية
والتاسعه
سرطان بيهري في طفوله
وامراض وفقر وعفونه
وانت ومدام في باريس
هي تغير دم وانت تعيش
ويموت محمدين وعتريس
وعاشره
الجريمه في عهدك
بقة سيما وقيمه
يتفشخر بيه ولاد اللإمه
الى يسرق اخوك
والى يقتل ابوه
والى على الشرف قدر
ارحمنه ورحم اهينا
انا كملة لحد عشرة وتعبت لو حد في نفس يكمل يرات
78 كتير برده
التعديل الأخير تم بواسطة السياسي الصغير ; 21 - 1 - 2008 الساعة 03:05 PM
هم يضحك
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
ده الى قدرك عليه ربنا يا ابو حميد .
شكرا على المرور نجم واحمد
شكرا كتير سياسي على الاشعار المميزة
شكرا ليكي انتي على الرد طيف
و الحداشر (11)
جوع وذل ومهانه
كاننا في مقلب زباله
والحق بقا حالته حاله
والصدق بقا استحاله
والسرقه شئ عادي
عشان يعيش ولادك
والاتناشر (12)
غيرت لينا حقنا
بدل ما تزوده بقيت تبيع فيه
وياريت بناخد تمنه
داحنا في الفقر عايمين
كل دا ومش واخد بالك يا حبيب الملايين
والتلاتاشر(13)
غيرت كمان قوتنا
ومجلش الشعب اولنا
اول ماتاخد قرار يبقا الكل موافقون
وبدل ماياخدو حقوق الشعب
بقو في الرشوه نائمون
اقولك ايه ولا ايه داحنا في خيرك منعمون
والاربعتاشر(14)
عيشتنا بقت دمار
واكلنا بقا كله مرار
واليوم بيعدي في هم وغم
جبتلنا سكر وضغط وفقر دم
ومنقدرش نقول غير متشكرين
ياحبيبنا يا حبيب الملايين
والخمستاشر (15)
شبابنا الي رحنا نعلهمهم
بدانا معاهم بالدروس الخصوصيه
وخلصنا معاهم اعداديه وثانويه
واول مادخلوا الكليه
غيرو حياتهم بالكليه (يعني اتغير كل حاجه :بالكليه)
لو مش من المعارضه بتدور عليهم
يبقو حشاشين ومرياحين دماغم
ولو مش دا ولا دا يبقو دحاحين دماغهم والعه من الكتب والكشاكيل
والستاشر (16)
دخلتلنا قمر صناعي الواد والبت يتفرجو عليه
الواد عجبته الافلام
والبت عجبها اللبس
الواد قلد الافلام والبت قلدت اللبس
لحد ما تفكيرنا باظ وعقول ولادنا طارت
ولا بقينا نفكر في الفقرا ولا محتاجين
كلنا في همونا مشغولين
هنفكر في مين ولا مين ولا مين؟؟؟؟
ما كل الشعب بقو محتاجين
مانت نهبت الي في جيوبنا لحد ما كترو المساكين
بقينا نستنا معونه الاوربيين
بهدلتنا يا حبيب الملايين
والسبعتاشر(17)
عيشتنا في حرب مع الجوع والفقر
نحكي في الي عدي وامجاد اجدادنا
بدل ما نشوف مصيبتنا نفكر في اغنيتنا
اتغير تفكرنا بسبب التطبيع
وكل دا بامر مين يا حبيب الملايين؟؟؟
والتمانتاشر(18)
بقو ناس في السجن مظلومين
عشان قالو الحق بقو مجرمين
تفتكر دا عدل مين؟؟؟
ولا دي مش بلدنا ولا دا شرع مين؟؟؟
والتسعتاشر (19)
رجال الامن بقو غير امنين
بدل مايحمونا بقو هما ياذونا
بدل ما تبقا الحكومه لخدمه الشعب بقا الشعب لخدم الحكومه
بذمتك عمرك فكرت فينا يا حبيب الملايين؟؟؟؟
والعشرين (20)
نفسي اشوف الديمقراطيه مش التزوير
نفسي حد ينجح بحب الشعب مش بحبك انتا يا منجي الناجين
عايزين نشوف حد بيقول لاء
مش الي تبعك الكدابين
يوم ما تقول موافق نشوف الي وراك يقولو منافقين
بصراحه مش عارفه اقولك ايه يا حبيب الملايين
كفايه عليك كدا لااحصل انا المسجونين
وانتو كمان كفايه عليكو كدا يا جماعه وياريت تكملوها اكيد هتبقا جميله انا تعبت كملو انتو بقا
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
اختي وكفائه وسيطره وضربتي العشره الى كتبتهم بالجزمه القديمه .
ويعني نقول تفوقتي على احمد فؤاد نجم كمان .
بس انشاء الله بكره حكتب عشره يعني يرب يكون في نفس حلوت العشر بتوعك
وتستهلى نص كيلو شكولاته انشاء الله في اول فرصه حنزل فيها الحزب في القاهره حشتريهم واقول للمحل انك تستلميهم وبق اقولك في المنتدي اسم المحل وكلمة السر
التعديل الأخير تم بواسطة السياسي الصغير ; 27 - 1 - 2008 الساعة 02:50 PM
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
الذين يشاهدون الموضوع الآن: 1 (0 من الأعضاء و 1 زائر)