بس ارجع واقول من تانى ........ .مفيش زى حبيبى الاولانى

**::: MhYeS BS KwYeS :::** · 9 - 5 - 2009, 09:42 AM

اول مرة اتقابلنا : سلمتى عليا - لمستى اديا - بصيتى ف عنيا - لقتنى غمضت عنيا
قربتى ليا وكلامنا كان كتير ........ اشتقت ليكى من غير تفكير
لقيتك وحشتينى - كلمتك - سمعت صوتك قلبى دق
اتكلمنا ف حاجات كتير عن الحب ونسينا نتكلم عن الفراق
قربت ليكى اكتر لقيتك بتبعدى اكتر
قلت ابعد لقيتك قربتى من تانى
حيرتينى بس شكلك كده حبتينى
قلت يمكن احساسنا ببعض ده اوهام ......... بس لقيته مش حاجة عادية ديه حاجة زى الافلام
اعترفت لقلبى انى حبيتك ....... قالى قلبى طب وهى؟؟؟؟.... حبتك؟؟؟؟
روحت ملكلمك قلتلك عايز احبك ....... قلتيلى استنى لما اتأكد من حبك
سكت واستنيتك لما تقوليهالى ........ لقيتك بتبعد عنى من تانى
قلت خلاص مفيش نصيب
لقيتك كلمتينى من تانى ....... لو تعرفى اد ايه كنتى وحشانى
كلمتك عن حبك ليا ..... مجوبتيش ..... بس حسستينى بمكان ف قلبك ليا
كنت ف اجمل لحظات حبى ليكى ....... اول متكونى معايا وابص ف عنيكى
ضحكتينى بكلامك ليا "انتا عنيك بتلمع كده ليه انتا بتحبنى ولا ايه"
قلتلك ع فكرة بحبك اوى ...... بس من جوايا كنت خايف اوى
من غير متسمعيها....... لقيتك بتقوليها
قلتيلى بس انا خايفة اوى ........ .لحسن قلبك يجرحنى اوى
سكتنا وقفلنا
ومن تانى ........ لقيتك برده وحشانى
كلمتك وبرده من تانى ....... رجعنا لكلامنا الاولانى
لقيت كلامك ليا اتغير ....... ولقيت قلبى متحير
قلتيلى انا بجد زعلانة ....... انا اسفة انا كنت غلطانة
قلت طب ليه خدعتينى ........ وانتى اصلا مش بتحبينى
قلتيلى حرام كفاية ........ بجد انا تعبانة
سكتنا وقفلنا من تانى........ حسيت انى كنت انانى
مسألتهاش هو قلبك بيا حس ........ فكرت ف قلبى انا وبس
كلمنا بعض من تانى ....... بس مكنش كلامنا الاولانى
قلنا نكمل زى ماكنا........ اصحاب واخوات من قلوبنا
كده احسن من غير عذاب ولا عتاب
بس حسيت انى قلبى هيتغير ........ هرجع احب واتحير
قلت ابعد من سكات ........ لقيت كلامك ليا زاد
بتسألينى ايه مفيش جديد....... قلتلك لا قولى الجديد
قلتيلى انا ارتبطت ........ حسيت انى اتجرحت
حسيت احساس غريب ........ وقلت كلام عجيب
كان كلام عن الخداع ........ .وان قلبها ليا كان خداع
قلتلها كفاية بقى ونقول وداع
وقفلت ومستنتش ردها........ وخاصمت قلبى الى حبها
بس ارجع واقول من تانى ........ .مفيش زى حبيبى الاولانى