ممكن تساعدونى

[نونا الشعنونه]

يا جماعه انا عندى مشكله او موضوع محيرنى
انا كنت مسجله فى منتدى و كنت بحب كل الاعضاء و هو كان منتدى للمواهب و كده و ان نعمل جروب و نشتغل و كده
المهم كانت علاقتى مع الناس كلها حلوه و كان فى حدود بينى و بين الناس المهم كان فيه واحد فى المنتدى كنت بحس انه قريب منى قوى كنت بدور على مواضيعه و اكون اول واحده ارد عليها والله كانت حاجه لا اراديه و هوه كمان كان كده و كان بيكتب اغانى و لما ارد عليها يقول انه كتبهالى كان تفكيره كبير و عقلانى قوى المهم حصله مشكله على المنتدى و كان هيسيب المنتدى و دخل بنيك جديد و بعتلى رساله خاصه و قالى انه دخل بالنيك ده علشانى و علشان ما يقدرش انه ما يكلمنيش المهم اعدنا نتكلم على الرسايل الخاصه و كنا اصحاب قوى المهم الرسايل الخاص بتاعتى و بتاعته كترت قوى و صاحب المنتدى دخل و قاله ان الرسايل كتير و بيأثر على سرعه المنتدى و كده المهم اتفقنا اننا نتكلم على الميل و حبيته قوى و ما كانش بيعدى يوم غير ما اكلمه و هو كمان حبنى قوى و اتفقنا ان لما انزل مصر هيجى و يخطبنى و خلاص بس كان كل ده من ورا اهلى كنت مابقدرش ابص فى عيون ماما كانت لما ماما بتيجى تضمنى فى حضنها كنت عايزه اقولها ابعدى عنى انا ما استهلش حضنك ده و بابا كان دايما يقولى كلمه واحده انا بثق فيكى قوى كنت بحس انى حقيره قوى ماقدرتش اخبى اكتر من كده المهم من كام يوم روحت لماما و اعترفتلها و ماما بجد متفاهمه قوى و ده اللى معذبنى والله ما قالت حاجه و قالتلى انها لسه بتثق فيا بس طلبت منى انى اوعدها انى ما اكاموش تانى و انا محتاره انا بحبه قوى قوى و برضوا مش عايزه ازعل ماما ولا اعمل حاجه هيه مش راضيه عليها ممكن تساعدونى

[مصطفى شعبان محمد]

بصى انا حساعدك لانك بجد بتردى على كل مواضيعى وبترفعى من معنوياتى كتير كتير....بصى اولا انتى مبتعمليش حاجة غلط عشان تقولى بحس انى قليله لما بابا بيقولى بثق فيكى طالما انتى بتحبيه خلاص وهو لو بيحبك حيعمل كل المستحيل عشان يوصلك بس ممكن تكون الغلطة اللى عملتلك الخبطة دى انك مقولتيش لمامتك من الاول .. بصى بقى الحل انتى تكلمى مامتك تانى وتقوليلها انك بتحبيه وهو بيحبك وانه جاى يطلبك منهم وشويه حركات من بتوع البنات دول خلاص حتوافق بس لو انتى واثقه منه تعملى اللى بقولك عليه دة وان شاء الله حتوافق وربنا المستعان

[نونا الشعنونه]

ميرسى يا مصطفى على ردك و انشاء الله هحاول تانى بس احنا كده كده مش بنتكلم دلوقتى علشان الامتحانات فممكن بعد الامتحان و ربك المستعان

[القبطان]

انا شايف ان ممكن مانقولش على دة حب ممكن نقول اعجاب لان الحقيقة انتى ماتعرفيهوش الامن خلال الشات والمنتدى واظن دة مش كفاية انك تكونى عارفة الانسان دة كويس واكبر مثال المفروض انى ما اكونش بقول ان كل كلامك دلوقتى صحيح مثلا لانى مش شايفك ما اعرفكيش انا اقصد انك لازم تعرفية شخصيا تششوفية تعرفية وتحكمى لكن دة اعجاب ولو فكرتى وحكمتى عقلك مع قلبك هتفاضلى
طولت عليكى لكن انتى طلبتى الرأى ولازم اكون صريح

[نونا الشعنونه]

بص يا قبطان انا معاك و انا عمرى ما امنت ان فى حاجه اسمها حب النت بس انا عرفته و هو كان فى ظروف صعبه و احنا كنا اصحاب و كان بياخد رأى فى كل حاجه فأنا اعرفه كويس قوى قوى و كمان فى حاجات تانيه كتير خلتنى اعرف انه انسان كويس يعنى انا مش هبله علشان اعملل قصص من الخيال بس المشكله انى خايفه على خاطر ماما و مش عايزه ازعلها منى

[رحيل القمر]

بصى يا نونا اولا مفيش حاجه اسمها حب على النت ولا الشات ولا كل الكلام دة لان كل الناس بتشتغل بعضها وبيعملوا حوارات انتى متعرفيش الانسان دة ولا تعرفى اذا كان صادق ولا لأ وعقبال اما تعرفى هيكون فات كتير اوى وممكن تتجرحى اوى بعض الشباب على النت هدفهم الوحيد التسليه رائى انه كفايه لحد كدة وابعدى عن الشخص دة تماما عشان متخسريش اهلك بسببه ومتفقديش ثقه والدك فيك لو فقديها عمرها ما هترجع
تعالى على نفسك شويه وابعدى بس بعد كدة هتستريحى ومش هتحسى انك بتعملى حاجه غلط ومش بتخونى اهلك تقبلى مرورى يا قمر

[مصطفى شعبان محمد]

بصى يانونا هو النت دة مجرد تعارف وبعد التعارف بيجى الحب لو الواحد لقى اللى اتعرف عليه دة ينفع يحبه بس صدقينى انتى قولتى مبنكلمش بعض عشان الامتحانات انتى اهم حاجة تركزى فى مزاكرتك وامتحاناتك وبعد الامتحان تكلميه بس بعد ماتقولى لمامتك وفهميها انك بتحبيه وانه انسان محترم وكدة وهى ان شاء الله حتوافق وقوليلها انه جاى يتقدملك وطالما فى ثقه بينك وبين مامتك خلاص متخحفيش من حاجة

[نونا الشعنونه]

ميرسى يا جماعه بس انا بجد واثقه فيه و فى حاجات كتير خلتنى اقول كده انا مش هقول انى بحبه 100 % بس درجه الحب اللى بحبهاله كبيره و ده اول حب ليا فى حياتى بس انا عمرى ما هختار انسان على حساب اهلى مهما كان الانسان ده و على فكره هوه كان عايز يكلم ماما علشان مانبقاش بنعمل حاجه غلط بس انا اللى رفضت لان المفروض ان انا اللى اقولها علشان ما اخسرش ثقتها فهو لو انسان وحش ما كنش هيقولى كده و كمان عمره ما قلي كلمه غلط او كده لانه بيحترمنى قبل ما يكون بيحبنى بس مع كل ده انا عمرى ما هختاره و اخسر اهلى

[-Nona-]

بصى يا نونا انا مش هقولك ان مافيش حب من على النت لالا فى اعجاب بعض كده حب
وبيبما انك واثقه اوى فيه كده ان شاء الله يكون انسان كويس
وانتى زى ما قولتى بعد الامتحانات تقولى لمامتك تانى
وان شاء الله توفق وليها هى كمان تكلمه علشان تطمن
ويبقى كده انتى مش بتعملى حاجه غلط ابدا
والحب مش غلط يعنى مش تستحقرى نفسك ابدا
وربنا يوفقك ويحميك ياقمر

اختك /ندى

[رحيل القمر]

اتمنالك التوفيق فى حياتك يا نونا بس كل الموضوع خوف عليكى بس من الجراح ويارب يطلع ويكون زى ما انتى بتتمنيه اتمنالك السعادة