ممكن تساعدونى

[العاشقة]

ربنا معاكى بس بجد انا مش بقتنع بالحب ده اللى بيجى عن طريق النت ممكن يكون اتعودى عليه انه يكلمك ديما ويبقه معاكى بس ازاى تحبى حد متعرفيش صفاته ايه ولا احتكيتى بيه ولا اتعرفتى على حاجات كتير مش بتيجى الا بالتعامل المباشر معاه مش عن طريق وسيط بينكم
المهم الموضوع الأساسى اللى تعبك أنا من رأيى تسمعى كلام مامتك أحسن وكمان فرصة علشان تقدرى تختبرى مشاعرك بجد
وربنا يعينك
تقبلى مرورى وكلامى
أختك رحمة

[boba_H]

بصي يا نونا بدل ماما متفاهمه معاكي وواثقه فيكي يبقي أكيد هتغير رأيها وتوافق
بس هي لازم تقول كده عشان خايفه عليكي وعشان حب النت ده مش مقنع لاي حد
بس بدل انت مقتنعه وواثقه فيه يبقي تستني بعد الامتحانات وتستني الفرصه المناسبه وتتكلمي مع مامتك تاني
وتقوليلها انه عنده استعداد يكلمها وقوليلها مش انت واثقه فيه صدقيني انا قد الثقه دي وعمري ما خنتها وما هخونها حاولي تثقي في اختياري
وتديله فرصه وتكلمي ....
وكلام من كده
وان شاء الله مامتك تقتنع
وابقي اعزمينا علي الفرح بقي
وبالتوفيق يا جميل

[قطقوطة]

بصي يانونا النت دا حاجة جميلة خالص ممكن نتعرف على ناس نستفيد منهم ويفيدونا نعرضلهم مشاكلنا ويساعدونا وممكن نبقي اصحاب بجد اكتر كمان من اصحابنا اللى معانا دايما في حياتنا وممكن كمان نحبهم اوى بس زى اخواتنا نحكى معاهم بكل صراحة لانهنم مش عارفينا لكن اننا نحبهم حب ارتباط وطدة لا انا مش معاكى في الحتة دى لا هو ممكن يكون تعلق او احتياج للحب او انتى كان نفسك تعيشى تجربة حب زى كل البنات لكن الحب الحقيقي انك تشوفيه قدامك تسمعيه تشوفي تعبيرات وشه وهو بيتكلم وفي حاجات تانية كتير اوى لازم تحسبيها كويس وكويس اوى انك حكيتى لماما لانها اكتر حد هيخاف عليكى وعلى حياتك وكمان انتى بتقولى انها اول تجربة في حياتك الحياة قدامك بكرة تقابلي ناس الكويس والوحش وان شاء الله ربنا يهديكى لواحد كويس لكن انا من رأيي انك تبعدى عنه خالص لان ممكن كل كلمة يكون قالها تكون مالهاش اى اساس من الصحة في شباب كتير واخد النت دا تسلية وكلام حلو وكمان يحسسك انك اكتر انسانة مهمة بالنسبة له وربنا يوفقك في امتحاناتك وياريت تتقبلي مرورى