موسوعة النكت المصرية (2)

[DREAM]

النكته الصاروخيه عابرة القارات
مره واحد قابل واحد صاحبه من زمان قوي مشفوش فالمهم قاله ازيك قاله الحمد لله عامل ايه الحمد لله تمام قاله اتجوزت قاله اه اربعه فقاله ليه كده ياراجل قله الاولي كلت فسيخ وماتت فساله والتانيه قاله كلت فسيخ برضو وماتت فقاله والتالته قاله لا دي اتكسر دمغها قاله ليه فقاله علشان مرضيتش تاكل فسيخ

نكته من عيار صاروخ امون المصري
مره واحد راح بيت صاحبه فلقي مراته تخينه اوي فقاله ياه ايه ده حد يتجوز وحده بالتخن ده فقاله اعمل ايه ياخويا رحت لابوها علشان اطلب ايدها ادهالي كلها

نكته ارض ارض
مره واحد اتجوز وحده وحشه اوي فبتساله تحب ابان لمين واستخبي من مين فقالها باني للناس كلها واستخبي مني انا


نكته دفاع جوي
مره وحده بتضرب ابنها فقالها الولد ايه ياماما هو كل شويه تضربيني تضربيني هو انا بابا
مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش



جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس



مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة برضه مردش عليه فقاله : حاسب قداااامك شجرررر .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟



مرة واحد مسطول جه يخرج من العربية لقى الدنيا بتمطر راح خارج من الباب التانى



مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى .



نملة ماشية على حرف كوب عصير فراولة فقالت : ياه اخيرا شفت البحر الاحمر


. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

• مرة مدرس رياضة اتجوز مدرسة رياضة خلفوا ولد متساوى الساقين

• ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

• هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

• زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

• واحد أحول راح يجيب أبوه من المطار باس الشنطة وشال أبوه

• مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة


• واحد أحول راح يجيب أبوه من المطار باس الشنطة وشال أبوه

ياجماعه متبخلوش علينا برد هو احنا بنجيب النكت دي كده مستني رد كتير
يلا سلام

[DREAM]

ايه يا جماعه مش عجباكم ولا ايه

[XoXo.GoSs!p G!rL]

هههههههههههههههههــــــــ ــ
مش عجبانا ازاى
دى جميلة أوى

[taha]

انصجك تنسي موضوع النكت
مستقبلك في المنتدي السياسي

[DREAM]

شكرا علي مرورك ويارب تكوني ضحكتي من القلب spy girl

[DREAM]

taha ما دام انت شيفني ان يكون لي مستقبل في المعتقل قصدي في المنتدي السياسي خلاص اوكي انا هعمل موضوع يوديني في دهيه هيكون جامد فكرة طحن بس هستني مشاركتك هحضرله الاول وربنا يسهل ويستر
بس عاوز اسئلك مش المهم ضحكت ولا ايه ماشي يلا سلام