لكل شاب تعمل ايه لو بنت قالت لك انا بحبك؟؟؟؟؟

[memo911]

بقولك ايه يا scorpion
ما تحكى القصه
وقلنا الاحداث وصلت لغيت فين
وعلى كلامك ان دى قصه حقيقيه صح

[scorpion]

بقولك ايه يا scorpion

ما تحكى القصه
وقلنا الاحداث وصلت لغيت فين
وعلى كلامك ان دى قصه حقيقيه صح

حاضر انا هقول القصة كاملة
دا شرف ليا والله ان كل الناس اللى ردت عليا مهتمة بالموضوع
وانا عند وعدى
هحكى القصة كاملة

[احمد التيتى]

اولا انا متاسف جدا على انى رديت متاخر بس انا لسه شايف الموضوع لما طلع فوق تانى لانى بادخل المنتدى فترات قصيرة
حاقولك حاجه كويسة انت تحكى الموضوع و تسيب الاراء فيه بعد ما تحكى الموضوع بالكامل
بس عموما حاقولك حاجه الولد بطبيعته بيحب البنت اللى تطلع عينه و تتقل عليه بالتالى هى حاتنزل من نظر الولد حتى لو كان بيحبها
بالنسبة بقى لموضوع انها تتمادى فى الموضوع و كده يبقى لازم انها تتصد و لو وصلت انك توصل لاخوها مثلا او اهلها و تقولهم (هو موضوع صعب انا عارف بس لازم الموضوع يبقى بالذوق الاول لو ما نفعش يبقى بالشدة) و حاقولك حاجه بصراحة لو البنت اللى انت بتحبها صدقت بعد ما فهمتها الموضوع و حاتشك فيا انا عن نفسى ممكن اتغير من ناحيتها و اراجع نفسى فى حبها
منتظر موضوعك

[scorpion]

اولا انا متاسف جدا على انى رديت متاخر بس انا لسه شايف الموضوع لما طلع فوق تانى لانى بادخل المنتدى فترات قصيرة

حاقولك حاجه كويسة انت تحكى الموضوع و تسيب الاراء فيه بعد ما تحكى الموضوع بالكامل
بس عموما حاقولك حاجه الولد بطبيعته بيحب البنت اللى تطلع عينه و تتقل عليه بالتالى هى حاتنزل من نظر الولد حتى لو كان بيحبها
بالنسبة بقى لموضوع انها تتمادى فى الموضوع و كده يبقى لازم انها تتصد و لو وصلت انك توصل لاخوها مثلا او اهلها و تقولهم (هو موضوع صعب انا عارف بس لازم الموضوع يبقى بالذوق الاول لو ما نفعش يبقى بالشدة) و حاقولك حاجه بصراحة لو البنت اللى انت بتحبها صدقت بعد ما فهمتها الموضوع و حاتشك فيا انا عن نفسى ممكن اتغير من ناحيتها و اراجع نفسى فى حبها

منتظر موضوعك

بجد والله
انا مش عارف اقول ايه
انا اتشرفت بردك يا احمد
بس انا عاوز اشكركم كلكم على الاراء الجميلة دى
بس انا شايف اغلب الردود بتقول استعمال الشدة
بعنى ايه الشدة دى
يعنى اضربها ولا ايه ؟؟

على العموم انا هحكى القصة وانتم اللى تقولوا ايه العمل

[Young DeviL]

طب احكي وبالنسبه لموضوع الشده يعني تزعقلها طبعا مينفعش انك تضربها بس زعقلها وقلها انك مبتفكرش فيها

[scorpion]

انا اسف على التاخير يا اصدقاء
كان عندى شغل كيتر انا اسف بجد
وادى الحكاية
اولا انا عاوز اقول حاجة مهمة البنت الرخمة اللى بكلمك عنها دى كانت جارتى
بصراحة كدا انا كنت معجب بها جدا
بس انا مصرحتهاش بحاجة او حتى لمحت ليها
اللى منعنى انى اصرح ليها بأعجابى انها مش متزنة هوائية
من الاخر كدا لما عرفتها صح عرفت انها بنت مش تمام
اولا طريقة اللبس كانت مش عجبانى
طريقة الكلام
حصل شوية ظروف كدا اضطرتنا نسيب المنطقة اللى كنا فيها ورحنا فى مكان تانى
وطبعا كنت نسيت البنت دى
المهم
اتعرفت على واحدة تانية بس دى بقى حاجة تانية خالص اول مرة شوفتها حسيت انها مش ممكن تكون بشر اكيد دى ملاك
حبتها حب حب مش اعجاب بس كنت خايف اصراحها خايف انها تصدنى
كنت خايف انها يكون مرتبطة بحد تانى
بس كان لازم اعمل حاجة كان لازم اعرفها اصراحها بحبى
اللى كان مخوفنى انها بنت على خلق مؤدبة جدا
انتهزت فرصة فى فرح احد الاصدقاء كانت واقفة لوحدها رحتلها واتكلمت كلام عادى كنت عاوز افهم دمغها
بصراحة اول ما قولت السلام عليكم وشها جاب الوان الطيف كلها
كانت مكسوفة بشكل غير عادى لدرجة انى اتحرجت منها جدا بس انا تمالكت نفسى كملنا كلام بأعجوبة
طبعا معرفتش اصراحها بحبى ليها لان كل مرة اتكلم معاها او انظر فى عنيها بس كان وشها بيتغر ويحمر جدا
كلمت واحدة صحبتها هى كانت واسطة الخير بينى وبينها
والحمد لله كانت معجبة بيا ولما اتقربنا من بعض اكتر واكتر اكتشفت انها حبتنى من اول نظرى نفس اللى حصل معايا بظبط
بس كان فيها عيب واحد انها غيورة جدا جدا جدا
بس انا الحمد لله كنت بخاف على شعورها جدا وبحترمها جدا وبحترم غيرتها عليا
وفى يوم من الايام كان فى مشاجرة بين اتنين وزى اى شاب رحت اشوف واعرف ايه المشكلة دى
واتضح بعد كدا انها مشكلة على بنت
المصيبة بقى كانت مين البنت دى البيت جارتى بتاعة زمان
فى الاول انا معرفتهاش بس هى عرفتنى
بعد كام يوم لاتها تتصل بيا عاوز تشوفنى سألتها ليه ؟؟ قالت لما اشوفك هتعرف
انا اللى جه فى دماغى سعتها انها هتتكلم معايا فى المشكلة اللى حصلت لها
المهم رحت قبلتها لاحظت انها بتتكلم معايا بطريقة غريبة
غريبة عليا انها تتكلم معايا كدا
نجحت فى انهاء المناقشة معاها وطلبت منها انها ماتتصلش بيا تانى
بس مين دا كانت عاملة زى (( الكلب اللى لاقى عضمة )) اسف على التعبير دا
بس دا احسن تعبير للحالة اللى شفتها عليها
شافتنى فى مكان ما انا حبيبتى حاولت تتكلم معايا سبت المكان كله ومشيت وطبعا حبيبتى سألتنى مين دى
انا قولتها على كل حاجة بصراحة ودا طبعا كان كويس
بس اللى مش كويس غيرتها
الغيرة اللى زادت بعد الموضوع دا كانت بتتعمد بفتح الكلام فى الموضوع دا علشان تعرف رد فعلى بس كدا كان بيضيقنى جدا
حاولت اقنع البنت الرخمة دى انى مقدرش استغنى عن حبيبتى
بس للاسف معرفتش معرفتش ابعدها عنى كانت عاملة زى الشبح بلاقيها فى كل مكان اروحة
انا فعلا مش عارف هيا بتعمل ليه كدا معايا بس مظنش ان دا حب
لا مش حب البنت دى مش بتعرف تحب
هى دى يا جماعة القصة بس للاسف انا مش بعرف احكى كويس
فى تفاصيل كتير انا مش عارف اقولها
لانى مش لاقى الصيغة الى تعبر عن كلامى يا ريت تكونوا فهمنى

[scorpion]

بجد والله انا مش عارف اعبر عن كلامى بشكل صحيح
بس دا اللى قدرت علية
انا مستنى ردودكم الكريمة على القصة دى وان شاء الله
اللى عاوز يسألى على اى حاجة مش فاهمها من كلامى
انا هرد علية بأذن الله

[Young DeviL]

انا فهمت ورائي انك تقولها لو مبعدتش عنك هتقول لحد من اهلها ولو مبعدتش فعلا قول لاخوها مثلا او مامتها او باباها واكيد هيبقا شئ طبيعي لان دا مش حب وبالنسبه لحبيبتك فهمها ان مفيش حاجه تخليك تبص للانسانه دي او لغيرها لان انتا مبتبصش غير لحبيبتك ومش بيملي عينك غيرها يعني قلها كلمتين كدا يعقلوها والافضل ان البنت دي لو جت تكلمك خلي حبيبتك ترد عليها وتقولها ابعدي عنه وبكدا هتهدي حبيبتك وتبعد البت التانيه دي يارب تكون استافدت من كلامي وان شاء الله ربنا يكرمك مع الي بتحبها

[scorpion]

انا فهمت ورائي انك تقولها لو مبعدتش عنك هتقول لحد من اهلها ولو مبعدتش فعلا قول لاخوها مثلا او مامتها او باباها واكيد هيبقا شئ طبيعي لان دا مش حب وبالنسبه لحبيبتك فهمها ان مفيش حاجه تخليك تبص للانسانه دي او لغيرها لان انتا مبتبصش غير لحبيبتك ومش بيملي عينك غيرها يعني قلها كلمتين كدا يعقلوها والافضل ان البنت دي لو جت تكلمك خلي حبيبتك ترد عليها وتقولها ابعدي عنه وبكدا هتهدي حبيبتك وتبعد البت التانيه دي يارب تكون استافدت من كلامي وان شاء الله ربنا يكرمك مع الي بتحبها

الف شكر على رأيك دا

[scorpion]

على فكرة يا طيف
انا كل كلمة قولتها حصلت
وبعدين انا مش خايف من حد علشان اكدب
ثم انا مش كداب وما حبش الكدب
وبعدين انا مغلطش فى حد
انا كنت برد على الاخ اللى مش مصدق القصة دى