مشاكل : الحلقة الثانية -التعليم-

[Mr.Karsa]

وعليكم السلام ورحمة الله وبركاته

أولا انا بشكرك جدا احمد على الموضوع الاكثر من رائع وغير كده طريقة تناولك للمواضيع دايما بتكون مميزه
انا وجهة نظرى ان اهم اسباب تدهور التعليم فى الدول العربيه طرق التدريس اللى بتقوم على التلقين والحفظ واضعاف قدرة الطلاب على الحوار والمناقشة والتفكير وابداء الرأي.
وبتكون العلاقه مبنية على التسلط والإجبار من قبل الأستاذ والخوف والإذعان من جانب الطالب.

طبعا كلامك صح العلاقة بين الاستاذ والطالب فيها نوع من الجبروت

وسمعنا اللي حصل من فترة قريبة ان استاذ ضرب طالب و مات

اكيد مبدأ الثواب والعاقب مطلوب

بس اللي احنا شايفنه دلوقتي مبدأ العقاب والعقاب

والمفروض ان العقاب يكون بحكمة على عكس ما بيحصل

المدرس بيبقى ناقص يدوس على الطالب زي البرص

فانا بشوف ان الحل يكمن فى تطوير المناهج وتطوير طرق التدريس بأن يتم تدريب وتاهيل المدرسين جيدا قبل العمل بالمدارس وزيادة التوعيه لأولياء الأمور

ده اللي المفروض يحصل وعلى مختلف المراحل

يعني مش نهتم بمدرسين المرحله الثانوية بس

المفروض ان المرحلة الابتدائية مثلا محتاجه مدرس اكفأ لانه بيخاطب عقول اطفال

يعني المفروض يكون عارف ازاي يتعامل مع الطفل ويوصله المعلومه صحيحه ومن غير تعقيد

[Mr.Karsa]

بصراحه التعليم ايضاا باظ لان مفيش شغل اناا عن نفسى محبط جداا يعنى الواحد يتعلم ويصرف وده وده
وبعدين تلاقيه قاعد على قهوه ولا صايع مش لاقى شغل .

طيب انت نفسك بتقول اللي بيتعلم مش لاقي يشتغل

اومال اللي مش هيتعلم هيتعمل في ايه ؟!

مش مبرر طبعا ان في قلة فرص عمل

على الاقل خالص احنا كشباب نعمل اللي علينا

وبعد كده ربك يسهلها

شكراا ليك كارثه على الفكره الجامده التانيه

لاء العفو يا ريس

[Mr.Karsa]

طبعا كل كلامك صح بس انت اتكلمت عن احوال المتعلم اللى هو الطالب ومعاناتو اليومية فى اليوم الدراسى
وبعدت خالص عن اسباب انهيار التعليم ...اللى بيحصل للطالب دا نتيجة مش سبب نتيجة للنظام التعليمى الفاشل

كلامك مظبوط فعلا في اسباب كتير مذكرتهاش بس ده عن تعمد لاني لو هذكر كل الاسباب يبقى الموضوع مش مطروح للنقاش واللي هيرد هيقول شكرا وخلاص

كل شوية يطرحو خطة لتطوير التعليم وطبعا كلها خطط غير مدروسة لانها فى الاخر بتسبت فشالها ويلغوها ويخترعو لينا خطة غيرها وكلو فى الاخر مش بيجى غير على دماغ الطالب
زى مثلا الغاء الغاء الصف السادس الابتدائى وبعد كدا رجعوة وبعد كدا لغوة تانى
دا غير اللى بيعملوة فى المرحلة الثانوية سنة 1994 تم تطبيق نظام التحسين فى الثانوية العامة النظام دا بقا خلى كل اللى مش مؤهل للتعليم الثانوى العام يدخلو وبعد كدا بـ 3 سنوات لغوة وبعد كدا وبعد قدا خلوها على مرحلتين المرحلة الاولى فى الصف الثانى والمرحلة الثانية فى الصف الثالث دلوقتى بقا بيقولك هيعمل الثانوية العامة على سنة واحدة بترمين

ده شئ طبيعي لان كل وزارة بتتغير بتضع خطة جديده عشان تبقى عملت حاجه

بس طبعا خطط كلها ملهاش لازمة ومش مدروسة كويس

وطبعا بشكرك على طرح موضوع مهم زى دا
تقبل مرورى اختك سارة

العفو و نورتي الموضوع

[بحر الحنان]

ايوا سمعت عنه اللي هو لو حد سقط في ماده مش لازم يمتحنها تاني

لالالالا يبقى ماتعرفهاش
دي عبارة عن تقويم مستمر طول السنة ولما يجي وقت الامتحان هما مالهمش
خلاص يقعدو في بيوتهم بقى
والكلام ده بيسري من سنة لسنة لغاية مايوصل الثانوي اولى ثانوي يعني
ومايبقاش في غير الثانوي اللي بيمتحنو والباقيين في بيوتهم بيتفرجو عالتلفزيون

[شيري العسولة]

بص بقى ياعم كارثة
انا هاكتبلك وامرى لله
اصلي كتبت فى المشكلة الاولى مرتين ومظهرش مش عارفة لية
خلينا في الموضوع احنا هانرغى

اولا احب اشكرك على طرحك للفكرة الموضوع
لانة بجد بقت حاجة سورى يعنى تقرف بجد ومش بهزر
ولا خاص نافع ولا عادى نافع المهم عند المدرس الفلوس ثم الفلوس
وزياريت بيعمل بضمير بقى يعنى يدرس صح ويدى الناس حقها لا بيعمل عكس كده
ياخد الفلوس ويجرى كانة اول مرة يشوفها
ولعلمك سبب فشل التعليم هى وزارة التعليم نفسها
يعنى يخلونا ندرس حاجات يعنى مش ملهاش لزمة بس لا دى حاجات معقده خالص
والواحد لو اتكلم يقولة انت بتغلط فى الحكومة
هو اية اي هبل بيدروس للاطفال
وياريت تيجى على المدارس بس لا دى فى الجامعات كمان واحب اكرر سواء خاصة او حكومة
انا فى خاصة اهو وكانى لسة داخلة مع انى فى سنة رابعة
يعنى اقصد ان الدكتور يجي يرمى كلمتين ويشمى فهمنا بقى مفهمناش هو مالوش دعوة
اقربها لسة اهو الواحد بيقول يهادى وهايمتحن وفى ماده بيدرس العميد احنا تفائلنا وقولنا اكيد هايكون كويس
ويارتنا مافكرنا ده طلع ........... قال اية الكتاب كله مكرر وفصل واحد ملغى علشان سياده مشرحوش
طيب بزمتك ده كلام يعنى ازاكر كتاب 300 ورقة علشان 6 اسئلة مين يقول كده
ولو اتلمنا بناخد ....... علشان عيب ده العميد يكونشى وزير وانا مش واخد بالى

يالا اقولك الحل بقى وكفاية رغى

الحل اية

اولا : المنهج لازم يتغير من الابتدائى للكلية والطلبة ماتدرس غير اللى مهم مش كوسة وخلاص

ثانيا : التربية السلمية والاهل تاخد بالها من اولادها ومن الانحراف وراء الاصدقاء السؤ

ثالثا : كل من يعمل فى مهنة التدريس يراعى ربنا يعنى فى المدرسة او فى الدروس الخصوصية بجد
المدرس ياخد الشىء الفلانى ويقعد مع الطالب نص ساعة ويقول رضى

رابعا : التعليم مش كوسة يعنى مش مدرس الالعاب يدرس رياضة او بتاع العربي يدى دين وهو مش فاهم حاجة ويوصل المعلومات غلط
ودى انا بشوفها كتير وبجد حرام ده دينا ماينفعش كده

خامسا : لو وزارة التعليم سواء للحكومة او للخاص عملت نظام معين للمدرسين بمعنى لو زوده المرتب مش هايلجوا للدروس الخصوصية ولو فى مراقبة على المدرس
اكيد هي راعى ربنا فى شغلة

وبكده اكون خلص يا احمد باشا وبجد موضوع جميل جدااااااا
وياريت يتصلح علشان شببنا وبناتنا
ولو عندك اضافة مافيش مشكلة

[Mr.Karsa]

طيب بزمتك ده كلام يعنى ازاكر كتاب 300 ورقة علشان 6 اسئلة مين يقول كده

ده القانون التجاري

1200 صفحة جه منهم 3 اسئلة

ما علينا خلينا في الحلول

اولا : المنهج لازم يتغير من الابتدائى للكلية والطلبة ماتدرس غير اللى مهم مش كوسة وخلاص

ثانيا : التربية السلمية والاهل تاخد بالها من اولادها ومن الانحراف وراء الاصدقاء السؤ

ثالثا : كل من يعمل فى مهنة التدريس يراعى ربنا يعنى فى المدرسة او فى الدروس الخصوصية بجد
المدرس ياخد الشىء الفلانى ويقعد مع الطالب نص ساعة ويقول رضى

رابعا : التعليم مش كوسة يعنى مش مدرس الالعاب يدرس رياضة او بتاع العربي يدى دين وهو مش فاهم حاجة ويوصل المعلومات غلط
ودى انا بشوفها كتير وبجد حرام ده دينا ماينفعش كده

خامسا : لو وزارة التعليم سواء للحكومة او للخاص عملت نظام معين للمدرسين بمعنى لو زوده المرتب مش هايلجوا للدروس الخصوصية ولو فى مراقبة على المدرس

حلولك منطقية

بس احنا في مصر

يعني كل حل من دول محتاج يتعمله وزارة جديده

وكل وزارة تضع خطة للعمل على تنفيذ هذا الحل

[ملاك...ولكن]

هااي مستر كارثة
الصراحة الموضوع جديد وممتع
بس انا للأسف معرفش حاجة عن الي بيحصل للتعليم في مصر لأني طول عمري عايشة بره
بس هو موضوع جامد اخر حاجة
وان شاء الله توصلو لحل

[عبقرينو]

بصراحة
انا معنديش فكرة عن التعليم في مصر لأني عايش بره

بس انا عايز اقول حاجة صغيرة

هو مش كان المفروض نبدأ بموضوع التعليم قبل موضوع البطالة لأن التعليم سبب في كل حاجة

وعلى العموم كان نفسي اقول رأيي بس بجد الموضوع ده ماليش فكرة عنه

وتسلم يا برنس على الموضوع الجامد

[ماهر5]

السلام عليكم ورحمة الله وبركاته أود أن أطرح موضوع جديد ألا وهو الغلاء و انتزاع البركة من كل شىء فى حياتنا ونود ان نجد ردودا سليمة و مقنعة وواقعية تضيف الحل و الرأى السليم لنا جميعا نود مشاركة الجميع يأرائهم " ماهر 5"

[ماهر5]

موضوع التسرب من التعليم و الفساد العقلى راجع لعدة اشياء منها البعد عن الاسلام و تعاليمه و تفكك الأسرة و انتشار الدش و النت و الإستخدام الخاطىء لهم أدى ذلك الى ما نحن عليه الأن و موضوعك جيد "ماهر 5"