خانتنى حبيبتى

[رحيل القمر]

انا يمكن موضوعى مش متعلق بالحب بس متعلق بالصداقه
انا كتبت الموضوع دة عشان اعرف رايكم لانى تعبت بجد
كان ليا صديقه اعرفها من تلت سنين تقريبا كانت انتمتى
لما كانت بتطلب منى اى حاجه اروح معاها مثلا فى مشوار
وانا ورايا حاجه تانيه مهمه والله كنت بروح معاها
كنت ببدى مصلحتها على مصلحتى واخر حاجه ايام الامتحانات
مكنتش بتذاكر ومكنش فى حاجات كتير مش فاهماها
خليتها تيجى بيتى وذاكرتلها الحاجات اللى هيه مش فاهمها
فى بيتى كان دايما بيوصلنى كلام عنها بس
كنت دايما اقولهم انتوا بتقعوا ما بينا ومكنتش بخلى اى حد يتكلم
عليها من وراها كنت بحبها اوى كنت انا اللى بصالح بينها وبين خطيبها
وبعد كل حاجه حلوة عملتها عشانها الصدمه انها دخلت بيتى وكلت معايا
وسرقتنى فى بيتى وزعلت اصحاب كتير ليا منى
انا هقولكم انا عملت ايه الناس المقربين ليا قالولى قولى لخطيبها
خدى منها حقك بس انا مقدرتش اعمل فيها كدة ولا قدرت اقولها
انى عرفت انها سرقتنى بس كلمتها وقولتلها حسبى الله ونعم الوكيل
انا لحد دلوقتى مش مصدقه انها تعمل معايا انا كدة بجد انا كنت فى حاله زهول
حد يقولى انا كدة صح ولا ايه

[Sherif _S_a_s_a]

طبعااااا انتي كدة صح

علشان مينفعش تصرفات الـ الناس الـ حوالينا تأثر علي مبادئنا

انتي اعتبرتيها صديقه واخت ليكي وخنتك

او بالمعني مكنتش في محل ثقه

واكبر عقاب اخدته انها خسرتك

خسرت حد بيحبها بجد وكان مستعد يعمل اي شئ علشانها

دا علي حد كلامك

كفايه العقاب دا

وعلي فكرا في كتير اوي من الناس حكايه السرقه دي مرض

بس لو كانت هيا اخلاقها كده

خليكي انتي علي نفسك اخلاقك

يعني ربنا يسامحها وخلاص



**

[رحيل القمر]

مرسى اوى يا شريف ل رايك بس والله انا لحد دلوقتى مش مصدقه انوا خلاص احنا مبقناش اصحاب وشكرا ليك اوى

[مصطفى شعبان محمد]

طبعا كدة انتى ميه ميه
ومش غلطانه ولا اى حاجة بالعكس
دة انتى طلعتى معها تمام انك مقولتيش لخطيبها
لانه لو عرف حيخسرها وحتبقى ادمرت انتى بتحبيها
اوى عشان كدة خايفه عليها
بس انتى غلطى فى حاجة
لما سمعتى الناس بتتكلم عليها مش المفروض
تقوليلهم متتكلموش عليها المفروض تتاكدى من كلامهم
مش معنى انك بتحبيها تحاولى تخبى عيوبهااو متشوفيهاش
بالعكس انتى بتحبيها المفروض تقوليلها عيوبها وتصلحيها وربنا يسامحها

[رحيل القمر]

لالالالالالالا انت مش فاهم الناس بيقولولى عنها كلام وحش انها مش كويسه وكدة ابعدى عنها
انا والله لما كنت بشوف فيها اى حاجه عملتها غلط بروح وبقولها الصح فين والغلط فين ربنا يسامحها بقى

[No TiMe]

شوفي يا ساره انتي معلكيش غلط خالص وبالعكس انتي اكرمتيها وزياده كمان والغلط راكبها من ساسها لراسها والي زي دي عمرها ما ربنا يسهل لها في حاجه وانتي عملتي اللي عليكي وزياده معاها بس هيا معرفتش تقدر معني الصحووبيه اللي كانت بينك
ساره يما تشوفي في الدنيا ديا وصدقيني صعب اوي انك تلاقي صاحب مخلص ليكي وانتي انسانه طيبه اوي
وخلوقه وبجد ربنا هيسهلك طلاما انتي مقصرتيش مع حد
وربنا يوفقكي ويا رب اكون قدرت اوصل ليكي حاجه او افيدك
اخوكي اسلام

[رحيل القمر]

اكيد يا اسلام بس انا اكتشفت حاجه ان العيب فيه انا مش فى الناس لان ديه مش اول مرة اصاحب حد ويطلع وحش انا اللى مبعرفش اختار الناس ومرسى يا استاذنا

[No TiMe]

سااره مش لوحدك كدا الدنيا معتش فيها ناس حلوه للاسف احنا الطيبين بقينا قلال في الدنيا ديا بس بجد يا ساره احنا مش فينا العيب العيب علي الناس التانيه

[رحيل القمر]

عارف يا اسلام والله العظيم انا قولت خلاص لحد كدة كفايه جروح ومش هصاحب حد تانى

[بحر الحنان]

ايه يابنتي انا اول ماقريت افتكرت علطول مش انتي الوحيدة اللي بيحصل معاكي كده
ده يمكن اتملا في الدنيا الموضوع ده
بصي بقى انتي بتقولي صاحبه طيب الحمد لله انها صاحبة
مابالك لو كانت قريبة ومش بس تربطك بيها صلة قرابة لالالا دي كمان كانت اعز اخت ليكي
تقولي ايه ساعتها يابنتي دي زي مايكون شئ في الدم ولا ايه الله اعلم بس انا زيك لغاية دلوقتي مش مصدقة
والله حسيت بيكي لان للأسف انا مريت بكده وزي ماقولتلك مش مجرد صاحبة
بس مش انا اللي اكتشفتها يعني سيرتها انتشرت بس مش بسببي وكل اللي قدرت اعمله اقولها برضو ربنا يسامحك
انتي صح لان انا حاسة نفسي صح ومش هنقابل الشئ بالمثل معلش بقى طولت عليكي تحياتي ليكي ياجميل