ازاى تعرف انك فى فرح مصرى

[~ man neO ~]

عندما ترى الزفة الدمياطي الأزلية

" وبسم الله الرحمن الرحيم و هنبدأ الليلة "

*عندما "يبخر" العريس والعروسة بعضهم .

*عندما تجد النساء "ينمون" على العروسة قائلين عبارات مثل

"أنا عارفة ياختي أخدها على أيه " او " فستانها بيئة قوي ".

*عندما تكون أغنية هشام عباس "أسماء الله الحسنى "

هي أول شئ تسمعه عند الدخول للقاعة .

* عندما " يزوم " المصور على الشبكة و كأنها قلادة التايتانك الماسية ..و تجد المدعوين

" هيموتواو يتفرجوا عليها

*عندما يرقص العروسان رقصتهما الأولى _الرومانسية_ وكل البشر بيصوروهم

بكاميرا الموبيل قائلين " يا ترى بيقولها أيه ؟"

*عندما تسمع أغنية "هتجوز " لسعد الصغير .

*عندما تأتي أم العريس كل نصف ساعة و تمسح عرقه قائله

" يابني مش كدة , متهدش نفسك ".

*عنما تسمع السؤال السرمدي "هو البوفيه هيبدأ إمتى … الواحد جاع " .

*عندما يعرض الفيلم التسجيلي البوفيه وما يحتويه

من لحوم و فراخ وأور و ديوك رومي.

*عندما تسمع" بس الأكل مكنش قد كده" بعد تناول الطعام مباشرة .

وعلى رأي المثل " بعد ما أكل و إتكى قال رحته مستكة ".

* عندما تقول أم العروسة للعريس " خلى بالك منها

" فيجيب "دي في عنيا يا طنط ".

*عندما تنطلق الزفة مسببة الإزعاج لخلق الله

و بييب بييب بييب بييب بييب .

حينها فقط ستعلم جيدا انك في فرح مصري

تحياتى
العوامى

[كابوس الحرامية]

يالهوي يا محمود هو دة الفرح المصري بشكله بزفته بسلاطاته ببابا غنوجوه

تسلم يا كبير على شوية الضحك دول

[hadede]

كمان
قبل
الفرح
بكام يوم
ولو الفرح فى فندق نجومه زايدة
شوية
ويجى
لك
كارت دعوة
مكتوب فيه
ممنوع اصطحاب الاطفال
تقوم تحلف ان انت مش
رايح
الفرح
وتريح نفسك
من الدوشة كلها
دمت بالف خير

[botta]

و الله يا محمود كلامك تمام جدا هى دى الأفراح المصرية و ده اللى بيحصل فيها
شكرا للموضوع الممتع ده
عارف كمان لما تلاقى كل البنات قرايب العروسة بيعيطوا ماتعرفش متغاظين انها سبقتهم ولا زعلانين عشان ماعادوش هيشوفوها كتير زى الأول هههههههههه
و أيام قبل الفرح عند الناس اللى بيعملوا الكحك أبو سمن بلدى و الغريبه اللى ما تعرفش تمسكها هتتفرفت قبل ما توصل فمك
و أيام فرش الشقة و التريقة على الحاجة مهما كانت غالية و حلوة ،خصوصا أم العريس تقول انتوا بتبصوا ع الكبايات الخشب هو المهم
آسفة طولت عليك

بارك الله فيك

[احمد طنطاوي]

أنا معاك من أول الفرح .. لغاية
بيييب بيييب بيييب بيييب
اكمل كلامك .. بعد كده ايه
ايه يامحمود ايه اللي حصل .

[العفو والعافيه]

وصفت افراحنا وصفا دقيقا ولكنه محزننا بعض الشىء لانه لا يكون فرحا بل مضمار لاظهار المواهب والعرائس والاختلاط السىء وكل ما هو خارج.............
فبارك الله فيك لما وصفت

[~ man neO ~]

يالهوي يا محمود هو دة الفرح المصري بشكله بزفته بسلاطاته ببابا غنوجوه

تسلم يا كبير على شوية الضحك دول

ايه بابا غنوجوه ده انتو عندكم بيوفروا فى الاكل
وبيعملوا بس بابا غنوجو دنتو جلده اوى يا شيخه
منوره التوبيك يا نهى ونعمل ايه بقى هو ده اللى بيحصل
اناا مكرهش فى حياتى قد الزغاريط والصوات مش عارف ليه
علشان كده مزكرتش الزغاريط

[~ man neO ~]

كمان

قبل
الفرح
بكام يوم
ولو الفرح فى فندق نجومه زايدة
شوية
ويجى
لك
كارت دعوة
مكتوب فيه
ممنوع اصطحاب الاطفال
تقوم تحلف ان انت مش
رايح
الفرح
وتريح نفسك
من الدوشة كلها

دمت بالف خير

دلوا نجوم زايده اما لو نجوم ناقصه
هيبعتلك الكارت بردوا ويقولك شيخ العرب كذا وكذا بيمسى على الحضور
وعليك وعلى المدام ارجوك ابعت النقوط مع العيال ومتجيش انتى
شكراا لمرورك استاذ عماد منورنى دايماا

[~ man neO ~]

و الله يا محمود كلامك تمام جدا هى دى الأفراح المصرية و ده اللى بيحصل فيها
شكرا للموضوع الممتع ده
عارف كمان لما تلاقى كل البنات قرايب العروسة بيعيطوا ماتعرفش متغاظين انها سبقتهم ولا زعلانين عشان ماعادوش هيشوفوها كتير زى الأول هههههههههه
و أيام قبل الفرح عند الناس اللى بيعملوا الكحك أبو سمن بلدى و الغريبه اللى ما تعرفش تمسكها هتتفرفت قبل ما توصل فمك
و أيام فرش الشقة و التريقة على الحاجة مهما كانت غالية و حلوة ،خصوصا أم العريس تقول انتوا بتبصوا ع الكبايات الخشب هو المهم
آسفة طولت عليك

بارك الله فيك

اكيد الكل عايز يعنزل بدل ما يعنس
فالكل بيتغاظ لما يلاقى واحده زيميلتهاا ولا قريبتهاا فى سنهاا اتجوزت وهى مفيش حد بص عيهاا بس
لا والفرش والحاجات الرفيعه دى حكايه لوحدهاا وقول ما توصلى بالحاجات لبيت العريس تلاقيهم كلهم بسوى الارض
ما هى عيون مبروكه
منوره التوبيك بوتاا

[بحر الحنان]

ههههههههههههههههههههههههه هه
لا جامد ياحودة بس تصدق انا رغم اني ضحكت
وفي نفس الوقت زعلت وشوية وهبكي
لان للأسف غربتنا منعتنا من حضور الافراح ولا حتى الاموات اعوذبالله
يلا الحمد لله على كل شئ بس فعلا وصفك رهيب اوي
طيب ماقولتش يعني عالشباب اللي بيرقصو دانس دول ولا البنات اللي بتقرص في العروسة