المشاركة الأصلية كتبت بواسطة شيري العسولة
طيب حبة اسئلة لحد مايجوا الناس اللى هنا
اية رائك فى الحب ؟
الحب اجمل شئ فى الوجود بس بشروط لو حب من القلب بجد وحب صادق وطاهر بيكون اجمل حب
هل الغيرة الزياده مطلوبة فى الحب ؟
لا الغيرة مطلوبة بس لازم تكون بحساب لان الشئ اذا ذاد عن حده انقلب لضده
لما حبيبك يزعلك تصرفك اية ؟ بتسمحية بسهولة ولا بتعقبية ؟
الى يحب بيسامح ويكفى انه يكون عرف انه اخطئ فاكيد بدون كلام هسامح
اية رائك فى اللى بيعمل سي السيد ؟
بيكون عنده نقص فى شخصيته لان الحياة مشركة بين الزوجين مش سيطرة من فرد فيهم
لو حبيبك خانك ورجع ندمان ترجعيلوا ؟
والله السؤال ده صعب كتير بس انا هجوبك بنائا عن تجربتى انا سمحت مرة واتنين واصبح شئ عادى انه يخطئ ويعتذر وانا اسامح الى عايزة اوصلة ليكى حبيبتى ان الرجل اذا خان مرة ووجد المدخل لزوجته الى يعرف من خلاله انه يصالحها اصبحت عنده عاده يغلط ويعتذر وخلاص وهيقول فى باله عادى مجتش على كلمت اعتذار وهى هتسامح معنى كلامى متتسهليش مع الخائن عن جد وعن تجربة
لو حبيبك ابن مامتة تكملى وتحاولى تصلحى فية ولا تسبية من اولها ؟
مش هيتصلح ابدا ابن مامته هيفضل ابن مامته الا لو بعد عنها كسفر وبينى وبينك الرجل لو مكنش ليه راى من راسه وليه تفكيره الخاص بيه لا يصلح انه يكون زوج
لو حماتك مش بتحبك تعملى اية علشان العلاقة تكون كويسة ؟
والله كل الى اقدر اقولوه انك اراعى ربنا فيها كانها والدتى واذا ظلت كما هى وافتعلت المشاكل فاتجنبها تماما حفاظا على بيتى واكيد الزوج بيكون شاعر بهذا
اية اكتر حاجة ممكن توجعك من حبيبك ؟
انه مش بيكون يعرف يعنى ايه الحب وانه بجد بيكون دايما تايه محتار ومش بيشعر بقيمة الشئ الى بيكون معاه الا بعد فوات الاوان بكثير
هل مريتى بتجربة حب ؟
ايوه مريت انا اتجوزت الى حبيته وكان بنا قصة حب ليس لها مثيل
طيب وهل مريتى بتجربة حب فاشلة ؟ واية اللى خلها تفشل ؟
ايوه فشلت فى حبى وزواجى . الى خلاها فشلت حاجات كتير منه ومنى اولا هو بيحب النساء شويات كتير ومش بيقتنع بما اعطاه الله له ودايما يقول نفسى الاقى الست الى تكون فيها كل شئ وميكونش فيها شئ ناقص وطبعا ده استحالة لان لا يوجد انسان رجل كان او امراة الا وبه نقص فالكمال لله وحده اما انا فانا كنت مستسلمة لحبه واعتذاراته المتكررة ولضعفى امامه وامام حبه وشعورى الدائم بانى لا استطيع العيش بدونه وايضا بانى كاى امراة لا تفضل ان تهدم بيتها وتحرم ابنها من ابيه
واخيرا تقولى اية دلوقتى لاى اتنين بيحبوا بعض علشان يكملوا على خير ؟
لازم يكونوا متفهمين جيدا ويكون بينهم احترام وتقدير . دول اهم شئ انه يحترم ويقدر من يحبها وهى الاخرى تحترم وتقدر من تحبه . ولابد من ان يتشاركوا فى كل ما بينهم فى الحياة لان الحياة مشاركة
بصى لو فى تانى هارجعلك هااااااااااا اوعى تزهقى منى
انا ازعل منك ليه حبيبة قلبى بجد انا سعيدة بيكى جدا وبحترم وجودك معانا لانك من الشخصيات التى تدخل القلب بسرعة بسبب خفة ظلك واحترامك لذاتك وحاجات كتير بقى مش هقولك عليها
ويارب اسئلتى تعجبك
طبعا كل اسئلتك جميلة
يارب بس اجابتى هى الى
تعجبك حبيبتى واشكرك كتير اوى ياشيرى
تقبلى تحياتى
جينــــــــــا
قهوتنا على الانترنت
